Galalater 1
1
Dit 1. Kapitel.
1Paulus, en Apostel, ek van Mensken, uk ek dör Mensken, mar dör Jesus Kristus, en Gott di Vader, diär höm van Doaden apwäkt hēd.
2En alle Brödhem, diär bi mi sen, ön di Geminten ön Galatia.
3Gnad wis er me ju, en Fred van Gott di Vader, en üs Herr Jesus Kristus.
4Hi hēd sik sallew foar üs Send heniwen, om dat hi üs reddigt van dös ârig Warld, eter Gottes en üs Vaders Wel.
5Höm skal di Iär wis van Ewigheid tö Ewigheid. Amen.
6Hat wundert mi, dat I ju sa gau hå ofwänd letten van di, diär ju beröpen hed ön di Gnad van Kristus, tö en Üder Evangilje.
7Wat dag nönt üders es; sönder dat er Sommen sen, diär ju wirrig måket hå, en dit Evangilje forkirt måke wel.
8Mar wan uk wü, of en Engel van Hemmel ju en Evangilje forkindjigt — üders, üs wü ju dit forkindjigt hå, di wis forflökt.
9Üs wü nü said hå, sa si wü uk weder: Wan er hokken ju en Evangilje forkindjigt — üders üs I dit fingen hå, di wis forflökt.
10Sprēk ik da nü Mensken, of Gott tö Tinst? Of sjuk ik Mensken tö hågin? Wan ik di Mensken håget, da wiär ik nin Knegt van Kristus.
11Mar ik forsekere ju, lew Brödhem! dat dit Evangilje, wat van mi forkindjigt es, ek eter Mensken-Lirdom es.
12For ik hå dit van nin Mensk fingen, nog lirt, mar dör di Ipenbåring van Jesus Kristus.
13For I hå wel van min voarige Wandel ön-t Judendom hjert, dat ik aur di Måten Gottes Geminte forfölligt en forwöstet hå.
14En nom tö ön-t Judendom bowen vulen van mins Gelikken ön min Volk, en iwert aur di Måten om di Lirdom van Jesus Kristus.
15Mar aurdat et Gott håget, diär mi van Moders Lif ofsendert hēd, en dör sin Gnåd beröpen,
16Dat hi sin Seen ipenbåret ön mi, dat ik höm dör dit Evangilje forkindjige skuld mung di Heiden; nōm ik dit hastig voar, en berat mi ek me Flēsk en Blod.
17Kam uk ek na Jerusalem tö dânen, welk voar mi Apostel wiär, mar ik ging nå Arabien, en kam weder töreg nå Damaskus.
18Diäråp nå tri Jar kâm ik tö Jerusalem, om Petrus tö besjukken, en blew füftein Dågen bi höm.
19Van di Üder Aposteler såg ik ninen, üders Jakobus, di Brödher van di Herr.
20Mar wat ik ju skriw, se, dit betjüg ik voar Gott, ik lȫg ek.
21Diärnå kâm ik nå di Gegend van Syrien en Cilicien.
22Mar ik wiär van Ansegt ünbekänt bi di kristlik Geminten ön Judäa.
23Mar ja hed man hjert, dat di, diär üs tövoaren forfölligt, hi forkindjigt nü di Glow, welk hi tövoaren ütrotte wild.
24En ja priset Gott foar mi. Lies: Galater.
Currently Selected:
Galalater 1: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
