2 Korinther 11
11
Dit 11. Kapitel.
1Welts Gott, dat I mi en litjet Tåbigheid tö gud hoald! Dag ik wēt, dat I mi dit tö gud hoald.
2For ik sen iwrig üp ju me en göttelk Iwer. For ik ha ju en Man önfortrut, om ju üs en rin Jümfer Kristus tö bingen.
3Mar ik fürgte, dat üs de Slang me hör Skalkheid Eva forfört, uk ju Harten fordürwen ud, en van di Aprogtigheid ön Kristus ofwik.
4For wan di, diär tö ju komt, en Üder Jesus prötjet, welk wü ek prötjet hå, of dat I en Üder Geist fing, welk I ek fingen hå, of en Üder Evangilje, wat I ek önnommen hå, da let I ju dit ruig gefål.
5For ik min dag, dat ik ek mender sen, ĂĽs di hog Aposteler.
6En wan ik uk slogt sen ön min Urder, da sen ik dag ek slogt ön di Känels. Dag sen ik bi ju allerwegen wel bekänt.
7Of hĂĄ ik mi forsendigt, dat ik mi sa fornedrigt ha, omdat I forhogert wad? For ik ha ju dit Evangilje foriws forkindjigt.
8En hå-t Üder Geminten önttein, en ha Loan van jam önnommen, om ju tö betinen me min Prötji.
9En üs ik bi ju wiär, en Mangel hed, wiär ik Nemmen beswärelk, for di Brödhem, diär van Macedonien kam, holp mi van di Mangel, en ik ha mi üp alle Wis ünbeswärelk hölden, en wel mi uk jit sa hoald.
10Sa wes üs di Warheid van Kristus ön mi es, da skel mi dös Rum ön di Gegend van Achaja ek formendert ud.
11Hurom dit? Dat ik ju ek lew ha skuld? Gott wēt dit.
12Mar wat ik dö, en fârder dö wel, dit dö ik diärom, dat ik di Oarsåk dânen wegnem, welk Oarsåk sjuk, omdo#11.12 Lies: omdat. ja rüme küd, dat ja wiär, alliküs wü.
13For sok falsk Aposteler en bedraierisk Årbeder forstel sik ön Aposteler van Kristus.
14En dit es uk nin Wunder; for hi sallew, di Satan, forstelt sik ön en Engel bi Lägt.
15Diärom es dit nönt Gurts, wan sin Diners sik uk forstel üs Prösters ön di Geregtigheid, huns Jend wis wel eter jår Werken.
16Ik si weder, dat er hokken ment, ik wiär tåbig. Wan nü döt ek sa es, da hoald mi foar en Tåbigen; omdat ik mi uk en litjet rüme.
17Wat ik nü sprek, dit sprek ik ek ön di Herr, mar ön Tåbigheid, wil ik nü ön-t Rümin kjemmen sen.
18Aurdat sa Vulen sik rĂĽme, da wel ik mi uk rĂĽme.
19I fordrai ja hold di TĂĄbigen, wil I sa klĹŤk sen.
20I fordrai dit, wan er ju hokken tö Knegter måket, wan er ju hokken ofskennet, wan er ju hokken wat wegnemt, wan er hokken sik aur ju hewt, wan er ju hokken ön-t Gesigt slaid.
21Ik si dit eter di Skandelkheid, üs wan ik swak uden wiär. Hurüp nu hokken dristig es, (ik sprek ön Tabigheid) diärüp sen ik uk dristig.
22Sen ja Ebräer? Ik uk. Sen ja Israeliten? Ik uk. Sen ja Abrahams Ofkomst? Ik uk.
23Sen ja Kristus sin Diners? (Ik sprek tåbig) Ik sen wel moar. Ik ha moar årbed, ik hå moar Slikker fingen, ik hå åfter gefangen wessen, åft ön Doadsgefår wessen.
24Van di Juden ha ik füfmal viärdig Slaggen mender jen fingen.
25Ik sen trilopper me Rissen pitsket uden, jenlop stinigt, trimal ha ik Skepbrek ledden, Nagt en Dai hå ik töbrågt ön di Dipte üp See.
26Ik ha åft reiset, ik ha åft ön Gefår wessen tö Weter, ön Gefår van Murdigers, ön Gefår bi di Juden, ön Gefar bi di Heiden, ön Gefår ön di Städer, ön Gefår on din Wildnis, ön Gefår üp See, ön Gefar mung di falsk Brödhem.
27Ön Meit en Årbed, ön vul Wåkin, ön Hunger en Törst, ön vul Fastin, ön Frost en Nåkenheid.
28Voarbütten dit, wat er likkert tökomt, nämelk di dågligs Aurlōp, en di Sörrig foar alle Geminten.
29Hokken es swak, en ik sen ek swak? Hokken ud argert, en brent et da ek ön mi?
30Wan ik mi rĂĽme skel, da wel ik mi rĂĽme aur min Swakheid.
31Gott en di Våder van üs Herr Jesus Kristus, hi skel lowet wis ön Ewigheid, wet, dat ik ek lög.
32Di Stadhoalder van di Könning Areta ön Damaskus besǟt di Damasker jår Stad, om mi tö grippen.
33En ik wad ön en Korrew üt en Winning aur di Mür djälletten, en öntlöp sin Hunden.
Currently Selected:
2 Korinther 11: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
