2 Korinther 10
10
Dit 10. Kapitel.
1Mar ik Paulus formåne ju dör di Sagtmudigheid en Mildheid van Kristus, wan ik bi ju sen, da sen ik wel gering, mar van ju of sen ik iärnsthaftig.
2Ik bed da, dat ik ek nödig hå, nü sträng tö forfåren, en Dristigheid tö brükken, hurfoar ik hölden ud, tögen Sommen, welk üs diärfoar hoald, dat wü na dit Flēsk wandele.
3For wan wü uk ön dit Flesk wandele, da strid wü dag ek na dit Flēsk.
4For üs Krigswåpen sen ek na dit Flēsk, mar magtig dör Gott om di Borrig djältöriwen.
5Omdat wü di Önslaggen forwirre, en al Hogheid, diär sik tögen di Känels van Gott âphēwt; en alle Fornunft#10.5 Snoarheid gefangen nem, om Kristus tö harkin.
6En wü sen bi di Hund, al Wederspenstigheid tö wrögin, wan ju Harkin vor vol gelt.
7Se I üp dit, wat ütterlik es? Forlet sik hokken diärüp, dat hi Kristus töhjert, di tänk uk bi höm sallew, dat alliküs hi Kristus töhjert, sa hir wü uk Kristus tö.
8En wan ik uk jit moar mi rüme wild van üs Magt, welk üs di Herr iwen hed, om ju tö beterin, en ek tö fordârwin, da skel ik dag ek tö Skand ud.
9Mar dit si ik, omdat ju ek tinkt, üs wan ik ju hed forskrek wild me Brewer.
10For di Brewer (si ja) sen swår en stark; mar di Likhäm tö dös Tid es swak, en di Rede es kraftloas.
11Da mai sa en Mensk betänk, üs wü me di Urder ön di Brewer sen, wil wü ek bi ju sen, sa wel wü uk wis ön di Dåd, wan wü bi ju sen.
12For wü tört üs ek tö dânen rekene of tǟl, welk sik sallew lowe. Mar wil ja jam bi sik sallew mēt, en alining van sik sallew hoald, forstun ja nönt.
13Mar wü rüme üs ek aur di Måt, mar na di Måt, üst Regel es, hurme Gott üs di Måt tömeten hed, uk tö ju tö kommen.
14En wü strik üs sallew ek oltervul üt, üs wan wü ek tö ju kjemmen wiär, for wü sen ja bet tö ju kjemmen me dit Evangilje van Kristus.
15En wü rüme üs ek aur di Måten ön Üder Lid jar Arbed, mar wü hå di Höp, wan nü uk ju Glow ön ju wugset es, dat wü, eter üs Regel, vul firder kom wel.
16En uk dânen dit Evangilje tö forkindjigen ön di Plåtsen, diär üp di Üder Sid van ju li, mar üs ek rüme ön dit, wat ön en främed Besirk al ütrogt es.
17Mar hokken sik rümet, di rüme sik ön di Herr.
18For diarom es Nemmen dügtig, dat hi sik sallew lowet, mar dat di Herr höm lowet.
Currently Selected:
2 Korinther 10: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
