1 Timotheus 4
4
Dit 4. Kapitel.
1Mar di Geist said düdelk, dat ön di lēst Tid wel er Sommen van i Glōw offål, en di forförisk Geister önhinge, en di Lir van di Düwel.
2On jar Forstelling sprek ja Lögen, en hå en Brandmal ön jår ein Geweten.
3En forbed, sik tö befrien, en di Spis sik tö önthoalden, welk Gott skåpen hēd, om me Danksien tö nemmen, di Glowigen en dânen, welk di Wårheid kan.
4For alle Skåpningen van Gott sen gud; en nönt es tö foragtin, wat me Danksien önnommen ud.
5For hat ud helligt dör Gottes Urd, en dör dit Gebet.
6Wan dü di Brödhern sok voarhaltst, da wedt dü en gud Diner van Jesus Kristus wis, âptein ön dit Urd van di Glow en di gud Lir, welk dü altid befölligt hēst.
7Di üngeistelk en oaldmodisk Tjälen en Ståtjis önthoald di. Mar öwe di sallew ön di Gottseligheid.
8For di Likhäms Öwing es litjet net; mar di Gottseligheid es tö allen Dingen net; en hēd di Tölöwing van döt en dit tökommen Lewent.
9Dit es wes wår, en hat es jen jür Urd, wat wert es öntönemmen.
10For diärhen årbede wü uk, en ud forsmoait, dat wü üp di lewendig Gott höpet hå, welk di Heilbringer foar alle Mensken es, senderlik foar di Glowigen.
11Sok befēl en lir.
12Nemmen foragt din Jungheid, mar wis dü en Voarbild foar di Glowigen ön-t Urd, ön di Wandel, ön di Lewde, ön di Geist, ön di Glow, ön di Rinheid.#4.12 Küskheid.
13Hoald ön me Lesen, me Formanin, me Liren, tö dat ik kom.
14Forsümme ek di Gnadengaw, welk ön di es, en di iwen es dör Voarütsien, me Hundüplien van di Olderlid.
15Betänk dit, bliw diärbi, omdat din Tönemmen ön alle Dingen ipenbår es.
16Iw agt üp di sallew, en üp di Lir; hoald ön diärme. For wan dü dit dädst, wedt dü di sallew selig måke, en danen, welk di hir.
Currently Selected:
1 Timotheus 4: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
