1 Timotheus 5
5
Dit 5. Kapitel.
1Skel ek üp en Oalden, mar formåne höm üs en Vader; di Jungen üs Brödhern.
2Din oald Wüffen üs di Modern; di Jungen üs Sestern me al Küskheid.#5.2 Iärbarheid.
3Iäre di Inkewüffen, welk wårelk Inkewüffen sen.
4Mar wan en Inkewüf Biärner of Jungensjungen hed, danen let tövoaren lir, jar ein Hüs ön gottselig Lewde tö leitin en di Åldern al dit Guds tö forgelten; for dit es wel dön, en håget Gott.
5Mar dit es en rogt Inkewüf, diär ining lewwet, hör Höp üp Gott sät, en ön Gebet en Flëen blewt Nagt en Dai.
6Mar welk ön Wellest lewwet, di es lewendig doad.
7Forkindjige uk dit, omdat ja ünskildjig sen.
8Mar wan er hokken, senderlik di Einen ek forsörrigt, di hed di Glow forletten, en es âriger üs en Heid.
9Let nin Inkewüf onder söstig Jår wälet ud, mar jen, diär jen Mans Wüf wessen hed.
10En sa jen, welk en Tjügnis van gud Werken hēd, wan jü hör Biärner aptein hed, wan jü gastfri wessen hēd, wan jü di Helligen jar Fet tauet hed, wan jü di Bedrüwweten Help leistet hed, wan jü tragtet hed na alle gud Werken.
11Mar nem di jung Inkewüffen ek ön; for wan ja geil uden sen tögen Kristus, da wel ja fri.
12En hå jår Ordil, dat ja di jest Glow breken hå.
13Diärbi gung ja ledig, en lir ombilåpen van Hüs tö Hüs; jå ja gung ek alining ledig#5.13 sen lei, mar sen uk sladderig en vol van Aurklōkheid, en snakke, wat ek passet.
14Diärom wel ik, dat di jung Inkewüffen fri, Biärner apti, hüshoald, en di Tögenparti nin Oarsak iw, om tö skreien.
15/For diär hå al hokken sik omwändt eter di Satan./
16Mar wan en glowig Man, of en glowig Wüf en Inke hed, di forsörrige jam, en let di Geminten ek beswäret ud, omdat danen, welk rogt Inkewüffen sen, nog Help ha.
17Di Olderlid, diär gud voarstun, dânen skel deppelt iäret ud, senderlik danen, welk ön-t Urd årbede, en ön di Lir.
18For di Skreft sprakt: Dü skedt di Aus dit Mül ek töbindj, welk täskt. En Årbeder es sin Loan wert.
19Nem tögen en Olderman nin Klåg ön, üders üp di Ütsåg van tau of tri Tjugen.
20Dânen, diär sik forsendige, stråfe voar al, omdat uk di üdern sik fürgt.
21Ik betjug dit voar Gott en di Herr Jesus Kristus, en di ütkwoart Engeler, dat dü dös Dingen haltst, sönder Inbilding, en nönt dädst om Gönst.
22Li üp Nemmen sa gau di Hunden, måke di uk ek dilhaftig ön främed Send. Hoald di sallew küsk.
23Drink ek moar Weter, mar brük en litjet Win, om din Mags wel, omdat dü ek krånk udst.
24Van som Mensken sen di Send ipenbår, dat em tövoaren diäraur ordile kjen; mar di Send van som Mensken ud ederst ipenbår.
25Alliksa üs di gud Werken van Sommen tovoaren ipenbar sen; en di üdern bliw uk ek forborgen.
Currently Selected:
1 Timotheus 5: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
