1 Timotheus 3
3
Dit 3. Kapitel.
1Dit es wes war: wan er hokken en Biskops-Amt begjärt, di forlangt en köstelk Werk.
2En Üpseer skel ünbeskildjigt wis, jen Wüfs Man, nügtern, matig, iärbar, gastfri, legtlirig.
3Nin Winsüpper, ek pogge, ek üniärelk Handtiring driw, mar mild, nin Krakeler, ek gitsig.
4Diär sin ein Hüs wel voarstånt, diär sin Biärner frai harkin lirt me al Iärbarheid.
5Mar wan er hokken sin ein Hüs ek voartöstunen wēt, hur kjen hi foar dit Geminte sörrige?
6Ek en Niling, omdat hi sik ek âpblogt, en ön dit Ordil van di Düwel falt.
7Mar hi mut uk en gud Tjügnis van danen ha, diär bütten sen, omdat hi ek ön di Düwels Smoai en Strik falt.
8Alliksa skel di Diners ön dit Geminte iärbar wis, ek me tau Tungen snakke, nin Winsüpper, ek üniärelk Handtiring driw.
9Diär di Hjemmelkheid van di Glow ön en rin Geweten hå.
10En em let jam jest forsjuk, diäreter kjen ja tine, wan ja ünbeskildjigt sen.
11Alliksa skel di Wüffen iärbar wīs, nin Lästerer, wakker, tru ön alle Dingen.
12Ark Diner ön dit Geminte skel jen Wüfs Man wis, welk jar Biärner gud apti en jår ein Hüsing.
13Mar sokken, diär gud tine, bane jam sallew en gud Wei, en hå en gurt Frügged ön di Glow, ön Kristus Jesus.
14Sok skriw ik di, en höpe, ön en Hast tö di tö kommen.
15Mar wan ik tēft, omdat dü wetst, hurdelling dü wandele skedt ön Gottes Hüs, welk di lewendig Gott sin Geminte es, en Piller en Gründstin van di Wårheid.
16En kündig gurt es di gottselig Hjemmelkheid: Gott es ipenbåret ön-t Flēsk, rogtfardigt ön di Geist, es sen uden van di Engeler, es prötjet uden bi di Heiden, es liwt uden ön di Wârld âpnommen ön di Herlikheid.
Currently Selected:
1 Timotheus 3: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
