1 Timotheus 2
2
Dit 2. Kapitel.
1Nü formåne ik, dat voar allen Dingen jest Bödiger, Gebet, Foarbedden en Danksien foar alle Mensken ske;
2Foar di Könninger, en foar alle Obrigheiden, en omdat wü en ruig en stel Lewent för mai ön al Gottseligheid en Iärbarheid.
3For sok es gud, en håget Gott, üs Seligmåker, wel.
4Hi wel, dat alle Mensken holpen ud, en tö di Känels van di Wårheid kom.
5For diär es jen Gott en jen Meddeler twesken Gott en di Mensken, nämelk di Mensk Jesus Kristus.
6Diär sik sallew foar alle heniwen hed tö Loaslising#2.6 Erlösing, omdat dit tö sin Tid forkindjigt ud.
7Diärtö sen ik stelt tö en Pröst en Apostel (ik si di Warheid ön Kristus, en lög ek) en Liärer bi di Heiden, ön di Glow en ön di Wårheid.
8Sa wel ik, dat di Maner bed ön ark Steid, en hellig Hunden âphew, sönder Wredheid en Twiwel.
9Alliksa di Wüffen, dat ja ön iärbår Kloader, me Skåm en Tügt sik sire, ek me Tapper, of Gold, of Perlen, of kostbar Kloading.
10Mar üs-t sik skekket foar di Wüffen, welk Gottseligheid bewise dör gud Werken.
11En Wüf lir ön di Stelligheid, me al Önderdånigheid.
12Ik let et ek tö, dat en Wüf lirt, uk ek, dat jü Herr aur di Man es, mar ik wel, dat jü sik stel halt.
13For Adam es jest måket, diärüp Eva.
14En Adam wad ek forfört, mar di Wüf wåd forfört, en hed bütten di Wei handelt.
15Mar jü skel selig ud dör Biärner gebären, wan jü ön di Glow blewt, en ön di Lewde, en ön di Helligheid, samt di Tügt.
Currently Selected:
1 Timotheus 2: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
