1 Timotheus 1
1
Dit 1. Kapitel.
1Paulus, en Apostel van Jesus Kristus, eter di Befel van Gott, üs Seligmåker, en di Herr Jesus Kristus, diär üs Höp es.
2Timotheus, min egt Seen ön di Glōw, Gnåd en Barmhartigheid, Fred van Gott, üs Vader, en üs Herr Jesus Kristus.
3Alliküs ik di böden hå, dat dü ön Efesus bliw skudt, üs ik na Macedonien reiset, sa formåne ik di jit, Sommen tö befelin, dat ja nin främed Lirdom voardrai skuld.
4Uk skel ja ek agt üp di Fabeln en di Stam-Forteknis, welk nin Jend hå, en Stridfragen tö Wei bring, moar üs tö Aprogting ön di Glow.
5For dit Hauptgebot es di Lewde ön en rin Hart, en me en gud Geweten, en ön en âprogtig Glow.
6Sommen sen diärvan ofweken, en hå sik omwǟnt tö loas Kekeli.
7Ja wel Meister aur di Skreft wis, en forstun ek, wat ja si, nog wat ja fastsät.
8Mar wü wēt, dat di Wet gud es, wan er hokken di Wet rogt brükt.
9En wan hi wēt, dat di Wet ek foar di Rogtfârdig iwen es, mar foar di Ünrogtfârdigen en Wederspenstigen, di Gottloasen en Senders, di Ünhelligen en Üngeistelken, di Vader- Mūrdigers, en di Doadslåers.
10Di Hurer, di Halwsegen, di Menskenrowers, di Lögner di Meneidigen, en wan üders wat moar tögen di sünd Lirdom es.
11Eter dit herrelk Evangilje van di selig Gott, wat mi önfortrūt es.
12En ik danke üs Herr Kristus Jesus, diär mi stark maket, en mi foar tru agt hed, en mi ön dit Amt insät hed.
13Ik wiär tövoaren en Spotter, en Forfölliger, en en Smoaier, mar mi es Barmhartigheid tö Dil uden, for ik ha dit sönder Weten dön, ön di Ünglow.
14Mar Gottes Gnad hēd om sa vul rikkelker wessen, me samt di Glow en di Lewde, welk ön Kristus Jesus es.
15For dit es wes wår, en en jür wördig Urd, dat Kristus Jesus ön di Wârld kjemmen es, om di Senders selig tö makin, mung dânen ik di jest sen.
16Mar diärom es mi Barmhartigheid tö Dil uden, omdat Jesus Kristus ön mi, üs di gurtst, alle Geduld bewiset, welk ön höm liw skuld tö dit ewig Lewent.
17Mar Gott, di ewig Könning, di Ünforgängelk, en Ünsigtbår, en alining Wissen, wis Iar en Pris ön Ewigheid. Amen.
18Döt Gebot befele ik di, min Seen Timotheus, eter di voarige Profeseiinger aur di, dat dü diärön en gud Strid först.
19En hēst di Glow en en gud Geweten, wat Sommen van sik stöt ha, en ön di Glow Skepbrek ledden hå.
20Mung danen sen Hymenäus en Alexander, welk ik auriwen ha ön di Satan, omdat jam lirt wåd, ek moar tö lasterin.
Currently Selected:
1 Timotheus 1: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
