2 Thessaloniker 3
3
Dit 3. Kapitel.
1Fârder, lew Brödhern! bödige foar üs, dat dit Urd van di Herr ütbredet en priset ud, üs bi ju.
2En dat wü befrit ud van di ünartig en ârig Mensken. For di Glow es ek Arkjens Såk.
3Mar di Herr es tru, hi wel ju stark mĂĄke, en bewĂĄre voar dit Arigs.
4Wü ha dit Fortruen tö ju ön di Herr, dat I dö en dö wel, wat wü ju befälen hå.
5Mar di Herr wise ju Harten tö Gottes Lewde, en tö di Standhaftigheid ön-t Kristendom.
6Mar wü befjäl ju, lew Brödhern! ön üs Herr Jesus Kristus sin Nom, dat I ju van ark Brödher ofhoald diär aurdådig lewwet, en ek eter di Lirdom, welk I van üs fingen hå.
7For I wēt, hurdelling I üs eterföllige skel; for wü hå ek ünordentlik mung ju lewwet.
8Hå uk ek foriws dit Broad van hokken nommen, mar me Årbed en Meit ha wü Nagt en Dai årbedt, omdat wü ek hokken van ju tö Last fål måt.
9Ek diärom, dat wü nin Rogt diärtö ha, mar omdat wü üs sallew ju tö en Mönster iw, om üs nåtofölligin.
10En üs wü bi ju wiär, befoal wü ju, dat wan er hokken ek årbede wel, di skel uk ek it.
11For wĂĽ hir, dat Sommen mung ju ĂĽnordentlik lewwe, en ek ĂĄrbede, mar Wanwet driw.
12Dânen befele wü en formane jam dör üs Herr Jesus Kristus, dat ja stel arbede, en jar ein Broad it.
13En I, lew Brödhern! ud ek trät, om Guds tö dön.
14Mar wan er hokken üs Urd ek harke wel, wat ön döt Bref skrewwen es, da tekene höm ön, en hå nönt me höm tö skaffin, omdat hi van Skåm lägroad ud.
15Dag hoald höm ek üs en Find, mar formåne höm üs en Brödher.
16Mar hi, di Herr aur di Frēd, iw ju Frēd allerwegen en üp ark Wis. Di Herr wis me ju al!
17Di Grötnis me min Hund, Paulus. Dit es dit Teken ön alle Brewer, sa skriw ik.
18Di Gnad van ĂĽs Herr Jesus Kristus wis me ju al! Amen.
Currently Selected:
2 Thessaloniker 3: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
