1 Thessaloniker 3
3
Dit 3. Kapitel.
1Diärom küd wü-t ek länger üthoald en ha beslöten, ön Athen alining tö bliwen.
2En ha Timotheus, üs Brödher stjürt, Gottes Diner, en üs Helper önt Evangilje van Kristus, om ju tö starken en tö formanin ön ju Glow.
3Om dat er Nemmen wankelig ud ön dös Bedrüwwinger, for I wēt, dat wü diärtö bestemt sen.
4En üs wü bi ju wiär, said wü ju dit tövoaren, dat wü Bedrüwwing hå skuld, allik üs-t uk sken es, üs I nog wēt.
5Diärom ha ik dit uk ek länger üthoald küd, en ha höm stjürt, omdat ik tö weten fing, hur-t me ju Glow stånt; of dat di Forsjukker ju meskin forsagt hēd, en üs Årbed foriws wiär.
6Mar nü, üs Timotheus van ju tö üs kjemmen es, en üs di gud Bödskep brågt hed van ju Glow en ju Lewde, en dat I altid om üs tänk üp-t bäst, en dit Forlangen hå, üs tö sen, alliküs wü eter ju:
7Da sen wü, lew Brödhern! tröstet uden aur ju ön al üs Bedrüwwing, dör ju Glow.
8For nü lewwe wü weder ap, wil dat I stun ön di Herr.
9For watfoar en Dank kjen wü Gott tö Forgelting bring foar ju, foar al dös Frügged, welk wü van ju hå voar üs Gott.
10Wü bed Nagt en Dai rogt vul, dat wü ju Ansegt se mai, en dit volmake, hur jit wat wånt ön ju Glōw.
11Mar üs Gott en Vader, en üs Herr Jesus Kristus, wänd üs Wei tö ju.
12En di Herr formiäre ju Lewde, en lets tönem tögen arküder, en tögen Arkjen, alliküs wü-s tögen ju hå.
13Omdat ju Harten starkt ud en ünskildjig sen ön di Helligheid voar Gott üs Vader, üp di Tökomst van üs Herr Jesus Kristus me al sin Helligen.
Currently Selected:
1 Thessaloniker 3: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
