1 Petrus 4
4
Dit 4. Kapitel.
1Aurdat nü Kristus ön-t Flesk foar üs ledden hed, da wapnet ju uk me disallew Sen, for hokken ön-t Flesk lad, di let of van Send.
2Omdat hi ek moar eter di Mensken Lesten, mar eter Gottes Wel di Tid, diär foar höm jit aur es, ön-t Flesk henlewwet.
3For hat es nog, dat wü di voarige Tid vant Lewent eter heidnisk Wel töbrågt hå, üs wü wandelt ön Üntügt, Lesten, Drunkenheid, Swalkin, Prasseri, en gröggelk Ofgotteri.
4Ja forwundere sik diäraur, dat I ek me jam låp ön ditsallew wöst rokloas Wesen, om tö lasten.
5Mar ja skel höm Rekenskep ofli, diär klår es tö rigten di Lewendigen en di Doaden.
6For diärtö es dit Evangilje uk voar di Doaden forkindjigt uden, aurdat jår Mensk önt Flesk forordilet ud, mar dat ja ön di Geist Gott lewwe.
7En di Jend van alle Dinge es naibi kjemmen.
8Diärom wis nügtern en wåken tö bödigin. Voar allen Dingen ha en inderlik Lewde mung arküder; for di Lewde bedakket di Sends Manningfoaldigheid.
9Beherbarge arküder hold, sönder Knorrin.
10En tine arküder, Ark me di Gnadengåw, diär hi fingen hēd, üs di gud Hüshoalders aur Gottes manningslags Gnåd.
11Wan-er hokken redet, dat hi dit redet üt Gottes Urd. Wan er hokken en Amt hed, dat hi-t däd üs me di Kraft, welk Gott jewt, omdat ön Alles Gott priset ud dör Jesus Kristus; höm komt Iär en Gewalt tö van Ewigheid tö Ewigheid. Amen.
12Wundere, I Lewsten! ju ek aur di Jöldprow, welk ju wederfart tö en Forsjuk, alliküs dat er wat Senderliks aur ju kâm.
13Mar frügge ju vulmoar, dat I me Kristus lid, omdat I uk aur di Ipenbåring van sin Herrelkheid ju frügge en jugheie mai, wan di Tid komt.
14Selig sen I, wan I forspottet ud aur di Nōm van Kristus; for di Geist, diär en Geist van di Herrelkheid, en di Geist van Gott es, röst üp ju. Bi jam es hi last, mar bi ju es hi priset.
15Mar Nemmen van ju lid üs en Murdiger, of Tif, of Forbreker, of üs jen, diär ön en framed Amt grept.
16Mar lad hi üs en Krist, da skamme hi sik ek, ön sa en Fal iäret hi Gott.
17For hat es Tid, dat dit Gerigt begent bi Gottes Hüs. Wan-t nü jest bi üs begent, wat wel dit foar en Jend nem me dānen, welk Gottes Evangilje ek liw?
18En wan di Rogtfardig me nauer Noad reddigt ud, hur wel di Gottloas en Sender bliw?
19Diärom skel dânen, welk eter Gottes Wel lid, höm jar Selen befele, üs di tru Skåper, on gud Werken.
Currently Selected:
1 Petrus 4: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
