1 Petrus 5
5
Dit 5. Kapitel.
1Di Olderlid, diär mung ju sen, formåne ik, üs en Me-Olderman, en Tjüg van di Liden, diär ön Kristus sen, en dilhaftig ön di Herrelkheid, welk ipenbaret ud skel.
2Weide di Hürde, Kristus sin Kär, welk ju befälen es, en se diärfoar tö, ek twüngen, mar wellig; ek om skåndliks Gewenst wel, mar van Hartens Gründ.
3Ek üs dânen, diär aur dit Volk herske, mar ud Voarbild foar di Kär.
4Da skel I, wan di Erts-Hört komt, di ünforwellet Iären=Kron fo.
5Alliksa di Jungen skel di Olderlid harke. Altermal wis mung arküder, di jen di üder, önderdånig, en smük ju me Demud. For Gott wederstånt di Hogfârdigen, mar di Ligmüdigen#5.5 Nederigen. jewt hi Gnad.
6Fornederige ju nü önder Gottes gewaltig Hund, omdat hi ju forhogert tö sin Tid.
7Al ju Sörrig wârp üp Gott, for hi sörrigt foar ju.
8Wis nügtern en wåket, for ju Tögenparti, di Düwel, geid ombi üs en Löw, en brüllet en sjukt, hokken hi forslingt.
9Höm wederstun fast ön di Glow, en wet, dat disallew Liden aur ju Brödhern ön di Warld kom skel.
10Mar Gott aller Gnäden, diär üs beröpen hed tö sin ewig Herrelkheid ön Kristus Jesus, disallew wel ju, wan I en kurt Tid leden ha, volmåke, stark, kraftige, en gründige.
11Höm skel di Iär en di Magt wis van Ewigheid tö Ewigheid. Amen.
12Dör ju tru Brödher Silvanus, (for diärfoar hoald ik höm) ha ik ju en litjet skrewwen, om tö formånin en tö betjügen, dat dit Gottes rogt Gnad es, diärön I stun.
13Dânen gröt ju, diar samt ju ütwälet sen ön Babylon, en min Seen Markus.
14Gröt arküder me di Tåtj üt Lewde. Frēd wis er me ju al, diär ön Jesus Kristus sen. Amen.
Currently Selected:
1 Petrus 5: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
