Popular Bible Verses from 1 Petrus 4

Share

Diärom wis nügtern en wåken tö bödigin. Voar allen Dingen ha en inderlik Lewde mung arküder; for di Lewde bedakket di Sends Manningfoaldigheid.

En tine arküder, Ark me di Gnadengåw, diär hi fingen hēd, üs di gud Hüshoalders aur Gottes manningslags Gnåd.

Wan-er hokken redet, dat hi dit redet üt Gottes Urd. Wan er hokken en Amt hed, dat hi-t däd üs me di Kraft, welk Gott jewt, omdat ön Alles Gott priset ud dör Jesus Kristus; höm komt Iär en Gewalt tö van Ewigheid tö Ewigheid. Amen.

Mar lad hi üs en Krist, da skamme hi sik ek, ön sa en Fal iäret hi Gott.

En di Jend van alle Dinge es naibi kjemmen.

Wundere, I Lewsten! ju ek aur di Jöldprow, welk ju wederfart tö en Forsjuk, alliküs dat er wat Senderliks aur ju kâm. Mar frügge ju vulmoar, dat I me Kristus lid, omdat I uk aur di Ipenbåring van sin Herrelkheid ju frügge en jugheie mai, wan di Tid komt.

Beherbarge arküder hold, sönder Knorrin.

Diärom skel dânen, welk eter Gottes Wel lid, höm jar Selen befele, üs di tru Skåper, on gud Werken.

Aurdat nü Kristus ön-t Flesk foar üs ledden hed, da wapnet ju uk me disallew Sen, for hokken ön-t Flesk lad, di let of van Send. Omdat hi ek moar eter di Mensken Lesten, mar eter Gottes Wel di Tid, diär foar höm jit aur es, ön-t Flesk henlewwet.

Selig sen I, wan I forspottet ud aur di Nōm van Kristus; for di Geist, diär en Geist van di Herrelkheid, en di Geist van Gott es, röst üp ju. Bi jam es hi last, mar bi ju es hi priset.