1 Korinther 9
9
Dit 9. Kapitel.
1Sen ik ek en Apostel? Sen ik ek fri? Hå ik ek üs Herr Jesus Kristus sen? Sen I ek min Werk ön di Herr?
2Sen ik ek Üdern en Apostel, da sen ik dag ju Apostel; for dit Segel van min Apostel=Amt sen I ön di Herr.
3Wan er mi hokken fråget, da swåre ik sa:
4Ha wü ek Magt tö iten en tö drinken?
5Ha wü uk ek dit Rogt, en Sester üs Wüf me üs ombi tö fören, alliküs di Üder Aposteler, en di Herr sin Brödhem, en Kefas?
6Of ha alining ik en Barnabas nin Rogt, om sa tö handelin?
7Hokken tinet wel üs Soldat üp sin ein Kosten? Hokken plåntet en Winbarig, en et ek van sin Frügt? Of hokken weidet en Drewt, en et ek di Molk van di Drewt.
8Sprek ik dit üt Mensken-Wis? Said di Wet uk ek ditsalwige?
9For ön di Wet van Moses stånt skrewwen: Dü skedt di Aus ek dit Mül töbind, welk täskt. Sörrigt Gott uk foar di Ausen?
10Of said hi dit hilental om üs wel? For hat es ja om üs wel skrewwen. For di diär pluget, di skel üp Höp pluge; en hokken täskt, di skel üp Höp täsk, om dat hi sin Höp dilhaftig ud.
11Wan wü ju di geistelk Dingen sä, est da sa en gurt Såk wan wü dit Warldsgud van ju arwe?
12Mar wan Üdern di Magt aur ju hå, hurom da ek vulmoar wü? Dag hå wü sa en Magt ek brükt, mar wü kjen Alles fordrai, omdat wü dit Evangilje van Kristus nin Hender ön Wei li.
13Wet i ek, dat dânen, diär bi dit Awerin tine, it van dit Åfer? En danen, diär di Ålter betine, van di Alter di Genet hå?
14Sa hēd uk di Herr forordnet, dat danen, welk dit Evangilje fordindige#9.14 Lies: forkindige., van dit Evangilje sik niäre skel.
15Ik hå nin van di Dingen brükt. Ik ha dit ek diärom skrewwen, dat et me mi sa hölden wis skuld. Hat wiär mi lewwer, dat ik stoarew, üs dat er mi hokken min gud Berōp tö nönt måke skuld.
16For dat ik dit Evangilje prötje, dit måket mi ek berömt; for ik mut et dö. En hat wild mi sir dö, wan ik dit Evangilje ek prötjet.
17Dö ik dit hold, da ud-t mi loanet; mar dö ik dit ünwellig, da es dit Amt mi dag önbetrut.
18Wat es nü da min Loan? Nämelk, dat ik dit Evangilje van Kristus prötje, en dö dit foriws, omdat ik min Friheid bi dit Evangilje ek mesbrük.
19For alhurwel ik fri sen van arkjen, ha ik mi dag sallew Allen tö Tinsten stelt, omdat ik vulen töwen.
20Bi de Juden sen ik üs en Jud uden, omdat ik di Juden töwen. Danen, diär önder di Wet sen, sen ik uden, üs wan ik önder di Wet stönd, omdat ik danen töwen, diär önder di Wet sen.
21For danen, diär sönder Wet sen, sen ik üs sönder Wet uden, (dag sen ik ek sönder Wet voar Gott, mar ik sen voar Kristus sönder di Wet), omdat ik danen töwen, diär sönder di Wet sen.
22Ik ha bi di Swakken wessen üs en Swakken, omdat ik di Swakken töwen. Ik sen arkjen Alles uden, omdat ik allerwegen jå hokken selig måke.
23En dit dö ik om dit Evangiljes wel, omdat ik dit dilhaftig ud.
24Wet I ek, dat dânen, diär üp di Bån låp, ja låp al, mar Jen faid di Pris. Låp nü, dat I di Pris wen.
25Mar ark, diär om di Pris stred, mut sträng tögen höm (sik) sallew wis. Di jündern dö dit, om en forgängelk Kron tö fon, mar wü om en ünforgängelken.
26Mar ik låp sa, ek eter dit, wat ünseker es; ik fegt ek üs di, diär ön di Logt slaid.
27Mar ik twing min Likhäm, en täm en, omdat ik ek Üdern prötje, en min ein Gågen ek wet.
Currently Selected:
1 Korinther 9: NFNT
Highlight
Copy
Compare
Share
Want to have your highlights saved across all your devices? Sign up or sign in
Translated by Peter Michael Clemens (1804-1870)
