1 Korinther 8
8
Dit 8. Kapitel.
1Van di Ofgotts-Afer wet wü, dat wü altermal diärvan Känels ha. Dit Weten måket apblögen, mar di Lēwde betert.
2Mar wan er hokken tinkt, hi wet wat, di wet jit ek, hurdelling dit Weten beskaffen wis mut.
3Mar, wan er hokken Gott lew hat, höm känt Gott.
4Sa wet wü nü van dit Iten, wat di Ofgotten åwert es, dat en Ofgot ön din Warld nönt es, en dat er nin Gott moar es üs di Jen.
5En alhurwel er Gotten nämt ud, hat mai ön Hemmel, of üp di Örd wis, for diär sen vul Gotten en vul Herren.
6Sa hå wü nü man jen Gott, di Våder, diärvan alle Dinge sen, en wü ön höm, en jen Herr Jesus Kristus, dör welk alle Dinge sen, en wü dör höm.
7Mar ek Arkjen hēd di Känels. For Sommen måke jam jit en Geweten aur di Ofgotten, en it et foar Ofgotts-Afer, en diäraur ud jar Geweten beswäret, wil dat et swak es.
8Mar dit Iten måket et ek, dat wü Gott håge. It wü, da ud wü diärdör ek beter, it wü ek, da skel wü diärom ek mender wis.
9Mar se tö, dat dös ju Friheid ek en Önstot foar di Swakken ud.
10For wan er di, diär di Känels hēd, hokken ön dit Ofgottshüs sjogt, dat dü tö Stål setst, ud da ek sin Geweten, wü dat hi swak es, forleitet, dit Ofgotts-Afer tö iten?
11En sa kjen di swak Brödher aur din Känels forlesen gung om huns wel Kristus dag stürwen es.
12Mar wan I ju sa ön di Brödhem forsendige, en jår Geweten belast, da forsendige I ju ön Kristus.
13Diärom, wan dit Iten min Brödher ârgert, da wel ik nimmermoar Flesk it, omdat ik min Brödher ek argere.
Currently Selected:
1 Korinther 8: NFNT
Highlight
Copy
Compare
Share
Want to have your highlights saved across all your devices? Sign up or sign in
Translated by Peter Michael Clemens (1804-1870)
