Hakalia 12
12
Ko Ieluhalema ka Lāveakia i te Lumanaki
1Ko te kupu tēnei a te Aliki e fakatatau kia Ihalaelu, te Aliki tē na fofola e ia te vānimonimo, na fālitea te lalolagi, ma na fōkia te ola ki te tagata: Na vāgana vē mai: 2“Kikila, ka kō faia ia Ieluhalema ke vē he ipu uaina ke inu ki ei nā mālō e hiko fakatakamilo ia te ia, ma ka tau tevateva ai kilātou e vē ni tino konanā. Ko Iuta foki ka hiko e kilātou e vē ko Ieluhalema. 3I te aho tēnā, kāfai ia mālō uma e fakatahi ke ohofaki ia Ieluhalema, ka kō faia ia Ieluhalema ke vē he papa e hē mafai ke fakagaoi. Ko nā mālō uma e taumafai ke fakagaoi ia Ieluhalema ka mānunuka kilātou. 4I te aho tēnā, ka fakatupu e au te popole kia lātou holofanua uma, ma ka āvalevale ai ia māfaufau o nā fitafita e tiketike ai,” kua vāgana ai te Aliki. “Ka tautuku lelei e au ia Iuta, ma fakatāuaho e au ia holofanua uma a nā mālō. 5Oi ka vē ifo ai te kaukāiga o Iuta i o lātou loto, ‘Ko nā tino o Ieluhalema e mālolohi auā ko te Aliki o Kautau o te Lagi, ko te Atua o kilātou.’
6“I te aho tēnā, ka kō faia nā kaukāiga o Iuta ke vē he ulo malala e mumū i loto he afi i tafa o he fakaputugā fafie; ke vē he lama e mumū i te mea e iei ai nā atigi haito. Ka kilātou kaia nā tino uma lele e hiko fakatakamilo ia te kilātou, i te itū taumatau ma i te itū tauagavale, kae ko Ieluhalema ka tūmau lava te haogalēmū i tona tūlaga.
7“Ma ko te Aliki ka fōkia te manumālō, muamua ki te kautau a Iuta, kae ke nahe hili ake ai ki luga te mamalu ka maua e nā lāpuna o Tavita ma nā tino o Ieluhalema, i lo o Iuta kātoa. 8I te aho tēnā, ka puipui e te Aliki nā tino e nonofo i Ieluhalema, ma e pa ki te tino o kilātou e hili te vāivai, ka mālolohi e vē ko te tūlaga nae i ei ai ia Tavita. Ko nā lāpuna o Tavita te ka takitakia kilātou, e vē ko te āgelu a te Aliki, e vē ko te Atua i mua o kilātou. 9Ma i te aho tenā, ka fakatāugā e au nā mālō uma e taumafai ke ohofaki ia Ieluhalema.
10 #
Ioa 19.37; Fkl 1.7 #
Mat 24.30; Fkl 1.7 “Ma ka liligi atu e au ki luga o nā lāpuna o Tavita, ma nā tino e nonofo i Ieluhalema, he agaga#12.10 Pe Agaga o te fakamāgalo ma o te tatalo. Ma kāfai la e kikila kilātou ki tē na kilātou tuia ke mate, ka faitatagi ai kilātou mo ia, e vē ona tagi he tino i te mate o hana tama tautahi; ma ka faitatagi leo lahi lele kilātou e vē oi tagi he tino i te mate o hana ulumatua. 11I te aho tēnā, ko te lauē i Ieluhalema ka vē ko te lahi o te lauē mo Hatata Limoni,#12.11 Hatata Limoni Ātonu ko he igoa mo Paala, te atua o lākau ma mutia o Kanana ma Hulia. Kāfai nā lau o nā lākau e malili i tauhaga takitahi ma mamae te vao, nae vēake nā tino e tāpuaki ki ei, ko te atua kua mate, oi nae faitatagi fakanoanoa ai i te fenua laugatahi ko Mekito. 12Ko nā kāiga tau tokatahi ma te fenua kātoa ka fakanoanoa kia te kilātou lava: te kāiga e tupuga mai ia Tavita, te kāiga e tupuga mai ia Natana, 13te kāiga e tupuga mai ia Levi, te kāiga e tupuga mai ia Himei, 14ma vēnā iētahi kāiga uma lele e totoe, e tau tokatahi nā ko kilātou, ma a lātou āvaga nā ko kilātou.
Currently Selected:
Hakalia 12: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
