Hakalia 11
11
1Tatala ō fāitotoka, Lepanona,
kae ke kai e te afi nā ālahi#11.1 ālahi Ko nā lākau e fakaaogā i nā fuaikupu 1-3 e fakatatau ki nā mālō mālolohi pe ko o lātou tupu o koe!
2Faitatagi auē, koutou nā pelohi,
auā kua pākukū nā ālahi,
nā lākau takutakua kua hīhiga!
Faitatagi auē, koutou nā aoa o Pahana,
auā te togāvao māfiafia kua tā ki lalo!
3Fakalogo, ki te faitatagi a nā leoleomāmoe;
auā kua fakatāugā o lātou fenua mutia lauolaola!
Fakalogo ki te tagi a nā leona;
auā kua fakakino o lātou nofoaga
i te vao o te Iolitana!
Ko nā Itūkāiga Leoleomāmoe e Lua
4Na vāgana mai te Aliki toku Atua kia te au, “Fai koe ma leoleomāmoe#11.4 leoleomāmoe Ko te leoleomāmoe e fakatatau i kinei ki he tupu pe he takitaki, ma ko nā māmoe e fakatatau ki ona tagata o te lafu kua fakailoga ke tafahi mate. 5Ko nā tino e a kilātou, e kilātou tāmatea e aunoa ma he fakahalaga o kilātou. E kilātou fakatau atua nā kakano manu ma lea vē ai, ‘Ke vīkia te Aliki auā ko au kua maukoloa!’ E pa foki lava ki o lātou lava leoleomāmoe, e hēai ho lātou tīgā alofa kia te kilātou. 6Ka vēnā foki lava oi hē toe iei hoku tīgā alofa ki ho he tino i luga o te fenua,” kua vāgana ai te Aliki. “Ka kō tuku atua ia tagata uma ki nā lima o nā tuākoi o kilātou ma ki nā tupu o kilātou. Ka fakahēaogā e kilātou te fenua ma ka hē kō lāveakia lele he tino mai te lātou pule.”
7Oi na fai ai au ma leoleomāmoe o te lafu na fakailoga ke tafahi mate. Na kave e au ni tokotoko e lua, ko te igoa o tētahi ko “Alofa Tūnoa” ma tētahi ko “Māopōpo,” ma na kikila ai e au te lafu. 8I loto o he māhina e fokotahi, na tuli e au ni leoleomāmoe e toka tolu, ona kua hē kō lavā lele oi onohai; ma na inoino lele mai ai foki kilātou kia te au. 9Oi na lea vē ai au ki te lafu, “Ko au ka hē toe kavea ma leoleomāmoe o koutou. Tuku vē kilātou ka mamate ke mamate, ma kilātou ka gagalo, ke gagalo. Ko kilātou e totoe, ka kai e tētahi tētahi.” 10Oi na tago ai au ki te tokotoko e igoa ki te “Alofa Tūnoa” oi gagau, ke fakahēai ai te feagaiga na fai e te Aliki ma nā mālō uma. 11Ko te aho lava tēnā na fakahēai ai te feagaiga ma kilātou. Ko nā tino na kilātou fakatau maia ma fakatau atua nā māmoe, iēia nae taukikila mai kia te au, na kilātou iloa ko te Aliki na tautala mai e ala i nā mea na fai e au.
12 #
Mat 26.15
#
Mat 27.9-10
Oi na lea vē atu ai au kia te kilātou, “Kāfai koutou e manatu e lelei, kaumai la toku totogi; kae kāfai e hēai, tāofi vēnā.” Oi na totogi mai ai e kilātou kia te au he tolu hefulu tupe hiliva.
13Ma na vāgana mai te Aliki kia te au, “Tuku ki te potu teu koloa o te Mālumalu.”#11.13 Ko iētahi fakaliliuga tuai Tuku… Mālumalu Epelu Fōki ki te fai ipu ōmea Oi na kave ai e au na tupe hiliva e tolu hefulu—te totogi gali kua fuafua e kilātou e fetaui mo te tāua o taku gāluega—ma tuku ki loto o te potu teu koloa o te Mālumalu. 14Ma nā gagau ai e au te lua o tokotoko, tēia e takua ko te “Māopōpo”, ma na malepe ai ma te māopōpo o Iuta ma Ihalaelu.
15Oi na vāgana mai ai te Aliki kia te au, “Toe fano oi fai koe e vē he leoleomāmoe, kae i te taimi nei, ko he leoleomāmoe e hēai he aogā. 16Ko te mea tēnei ka kitea ai te auala ka fōki ai e au ki te mālō tēnei he leoleomāmoe ka hē fia tokaga lele kia te kilātou ka mamate, pe hakili kilātou e gagalo, pe tauhi kilātou e lāvevea, pe fafaga kilātou e mālolohi, kae e ia kaia ia kanofi o kilātou e hili te pepeti, ma hae kehe o lātou tapuvae.
17Kae heāloa la te leoleomāmoe hē aogā,
tēia e tīakia te lafumāmoe!
Ke taia i te pelu tona lima
ma tona mata taumatau!
Ke matuā mate lava tona lima taumatau;
tona mata taumatau ke matuā tāuaho lava!”
Currently Selected:
Hakalia 11: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
