Loma 8
8
Ola i te Takitakiga a te Agaga Paia
1I te taimi nei la, e hēai he fakahalaga mo kilātou e ola i te māfutaga ma Keliho Iehu. 2Auā ko te tūlāfono a te Agaga o te Atua, tēia e maua ai e kitātou te ola i te māfutaga ma Keliho Iehu, kua maua ai e au#8.2 au ko iētahi tuhituhiga e lea mai koe ma iētahi foki e lea mai kitātou te haolotoga mai te tūlāfono o te agahala ma te oti. 3Na fai e te Atua te mea e hēki mafai e te Tūlāfono ona fai, ona ko te vāivai o te nātula faka-te-tagata. Na taku halagia e ia te agahala i te nātula faka-te-tagata, i te uga maiga e ia o tona Ataliki, tēia na hau ma he nātula agahala faka-te-tagata e vē foki lava ko kitātou, ke fakauma ai te agahala. 4Na fai e te Atua te mea tēnei, kae ke fakatino kātoatoa ai te tūlāfono ia te kitātou e mulimuli ki te takitakiga a te Agaga, kae hē ki te takitakiga a te nātula faka-te-tagata. 5Ko nā tino e ola ma mulimuli ki te mea e fakatonu ake e o lātou nātula faka-te-tagata, kua pūlea o lātou māfaufau e nā mea e fofou ki ei te nātula faka-te-tagata. Ka ko nā tino e ola ma mulimuli ki te mea e fakatonu ake e te Agaga, kua pūlea o lātou māfaufau e nā mea e fofou ki ei te Agaga. 6Kāfai te māfaufau e pūlea e te nātula faka-te-tagata, ko te ikuga ko te oti; kāfai e pūlea e te Agaga, ko te ikuga ko te ola ma te fīlēmū. 7Auā ko te māfaufau e pūlea e te nātula faka-te-tagata, e teteke ki te Atua. E hē mafai ke uhitaki ki te tūlāfono a te Atua, e matuā hē mafai lava. 8Ko nā tino e uhitaki ki te nātula faka-te-tagata, e hē kilātou mafaia oi fai te mea e fiafia ki ei te Atua.
9Kae ko koutou e hē ola ma mulimuli ki te mea e fakatonu atu e te nātula faka-te-tagata ke fai; ko koutou e ola ma mulimuli ki te mea e fakatonu atu e te Agaga ke fai—pe kāfai moni ko te Agaga o te Atua e nofo i loto ia te koutou. Ko ai lava e hē ia te ia te Agaga o Keliho, e hē a Keliho te tino tēnā. 10Kae kāfai ia Keliho e ola i loto ia te koutou, ko te Agaga tēnā o te ola mo koutou;#8.10 ko te Agaga tēnā o te ola mo koutou pe ko outou agaga e ola auā kua uma te fakalelei o te vā o koutou ma te Atua, e ui lava ko outou tino e fano e oti, ona ko te agahala. 11Kāfai te Agaga o te Atua, tē na ia toe fakatūa ia Iehu mai te oti, e ola i loto ia te koutou, ko tona uiga ko tē na ia toe fakatūa ia Keliho mai te oti ka ia fōkiatua foki te ola ki outou tino e fano e pala, e ala i tona Agaga i loto ia te koutou.#1 Kol 3.16
12Ko te mea ia te kau uho, e iei to tātou tiute, kae e hē ko te ola e tuha ai ma te nātula faka-te-tagata. 13Auā kāfai koutou e ola e tuha ai ma te nātula faka-te-tagata, ko koutou la ka pa ki te oti; kae kāfai i te fehoahoani a te Agaga, e fakauma e koutou outou uiga kino, ko koutou ka ola. 14Ko nā tino e takitakia e te Agaga o te Atua, ni fānau kilātou e a te Atua. 15Auā ko te Agaga tēia kua tuku atu e te Atua kia te koutou, e hē ia faia koutou ma pologa, ma fai ma mea e mātataku ai koutou; kae ko te Agaga te kavea ai koutou ma fānau a te Atua, ma i te mana o te Agaga e kālalaga vē atu ai kitātou ki te Atua, “Te Tamana,#8.15 Te Tamana I nā tuhituhiga i te gagana Eleni, e fakaaogā te kupu Alamaika Abba (ko te uiga tamana), e fakailoa ai te vāvālalata o te hokotaga i te vā o te fānau ma to lātou tamana To mātou Tamana!” #Mlk 14.36; Kal 4.6#Kal 4.5-7 16Ko te Agaga o te Atua kua fai ma molimau fakatahi ma o tātou agaga, ko kitātou ko he fānau e a te Atua. 17Ona ko kitātou he fānau e a ia, ka maua ai e kitātou nā fakamanuiaga e tāofi e ia mo ona tagata, ma ka ia te kitātou foki fakatahi ma Keliho, nā mea e tāofi e te Atua mo ia; auā kāfai e fakatahi kitātou ma Keliho i ona puapuagā, ka vēnā foki ona fakatahi kitātou ma ia i tona mamalu.
Ko te Mamalu o Tagata o te Atua i te Lumanaki
18I toku manatu, ko nā puapuagā e feagai ma kitātou i te taimi nei, e hē fakatuhatuhagia lele ki te mamalu ka fakailoa mai e te Atua kia te kitātou. 19Ko nā mea uma lele na gaohia e te Atua, e fakatalitali ma te amanaki lahi, ke fakailoa mai e te Atua tana fānau. 20Auā na fai lava e te Atua kae ke nahe iei he aogā o nā mea na ia gaohia, e hē vē ona na fofou kilātou ki ei, kae ona ko te mea lava ia na fofou ia ki ei. Na ia faia te mea tēnei ona ko tona fakamoemoe#Ken 3.17-19 21ka iei te aho e fakahaoloto ai nā mea uma na ia gaohia ma ka hē toe pala. Kae ka maua fakatahi e kilātou te haolotoga fiafia e maua e te fānau a te Atua i to lātou mamalu. 22Auā e kitātou iloa, ke pa mai lava ki te taimi nei, ko nā mea uma na gaohia e te Atua, e ōi i te tīgā, e vē ko te tīgā e lagona e he fafine e fānau. 23Kae e hē nā ko nā mea na gaohia e te Atua te ōi; ko kitātou kua ola i te Agaga, te uluaki meālofa a te Atua, e ōi foki i loto o kitātou lava, ka koi fakatalitali ki te Atua ke kavea kitātou ma ana fānau#8.23 Ko iētahi tuhituhiga e hē i loto ai te ke kavea kitātou ma ana fānau ma fakahaoloto ai o tātou tagata kātoa.#2 Kol 5.2-4 24Auā ko te fakamoemoe te na fakaola ai kitātou; kae kāfai e kitea e kitātou te mea e fakamoemoe kitātou ki ei, ko tona uiga e hē ko he fakamoemoe te mea tēnā. Auā ko ai he tino e fakamoemoe ki he mea e ia kitea? 25Kae kāfai kitātou e fakamoemoe ki he mea e hē kitātou kitea, ko kitātou e fakatalitali ki ei ma te onohai.
26E vēnā foki ona fehoahoani mai te Agaga i nā mea e vāivai ai kitātou. Auā e hē iloa e kitātou oi tatalo e vē ona tatau ke tatalo ai kitātou; ko te Agaga lava ia e ole atu ki te Atua mo kitātou ma te ōi e hē mafai ke fakamatalagia i ni kupu. 27Ma ko te Atua, tē e ati tana kikila ki o tātou loto, e ia iloa te mea e i te māfaufau o te Agaga; auā ko te Agaga e ole ki te Atua mo ona tagata, ma e tuha ai ma tona finagalo.
28E iloa e kitātou, i nā mea uma lele, ko te Atua e galue mo te lelei, fakatahi ma kilātou e alolofa kia te ia,#8.28 i nā mea uma lele… e alolofa kia te ia ko iētahi tuhituhiga e leamai ko nā mea uma lele e gālulue mo te lelei o kilātou e alolofa ki te Atua kilātou kua kalagagia e ia e tuha ma te mea e fofou ia ki ei. 29Ko kilātou kua uma te filifilia e te Atua, kua uma foki te tōfia e ia muamua, ke kavea ke vē ko tona Ataliki, kae ke kavea ai te Ataliki e vē ko te ulumatua o he kau uho toka tahi. 30Ma ko kilātou na muamua tōfia e te Atua, na kalagagia e ia; ma ko kilātou na kalagagia e ia, na fakaleleia to lātou vā ma ia; ma ko kilātou na ia fakaleleia to lātou vā ma ia, na iei fakatahi kilātou ma ia i tona mamalu.
Ko te Alofa o te Atua e Ala ia Keliho Iehu
31Ka vēhea ake nei la kitātou e tuha ai ma te mea tēnei? Kāfai te Atua e kau fakatahi ma kitātou, ko ai la te mafai oi teteke mai kia te kitātou? 32E hēki tāofia e te Atua tona lava Ataliki, kae na tukulima mai e ia mo kitātou uma—ka hē ia tukulima maia nei foki la mo kitātou nā mea uma? 33Ko ai te ka ia mōlia ia tagata filifilia o te Atua? E hē mafai e he tino, auā ko te Atua lava ia te na ia fakaleleia to lātou vā ma ia! 34Ko ai la te ka ia taku halagia kilātou? Ko Keliho Iehu? Hēai! Ko Keliho na oti, oi toe fakatū mai ai i te oti, ma e i te itū taumatau o te Atua, e fautua mo kitātou! 35Ko ai la te ka ia vavae kehea kitātou mai te alofa o Keliho? E mafai nei e nā fakafītāuli, pe ko nā puapuagā, pe ko nā fakahāuāga, pe ko te fiakaia, pe ko te mativa, pe ko te lamatia o te ola, pe ko te oti? 36E vē oi lea mai te tuhituhiga paia,
“Ona ko koe e tāmate ai
kimātou i taimi uma;
ko kimātou e vē ni māmoe
kua hāuni ke tāmate.”#Hal 44.22
37Hēai. I nā mea uma iēnei, kua kātoatoa to tātou manumālō e ala i tē kua alofa mai kia te kitātou! 38Auā e mautinoa e au, e hēai he mea e mafai ke ia vavae kehea kitātou mai tona alofa: e hē mafai e te oti pe ko te ola, e hē mafai e āgelu pe ko iētahi mālohiaga i te lagi, e hē mafai e nā mea e iei i te taimi nei, pe ko nā mea i te taimi koi mua, 39e hē mafai e he mālohiaga i te lagi i luga, pe i te lalolagi i lalo—e hēai lele he mea e fokotahi na gaohia e te Atua, e ia mafaia oi tuku kehekehe kitātou ma te alofa o te Atua, e ala ia Keliho Iehu to tātou Aliki.
Currently Selected:
Loma 8: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust