Loma 13
13
Nā Tiute tau te Mālō
1Ke uhitaki ia tagata uma tau toka tahi ki nā tūlāfono fakatemālō, auā e hē mafai ke iei he mālō kāfai e hē finagalo ki ei te Atua, ma ko nā mālō e tutū nei, na tuku ki ei e te Atua. 2Ko ai lava e teteke ki he mālō e tū nei, kua teteke ia ki te mea na fakatonu e te Atua; ma ko ai lava e ia faia te mea tēnei, ka kave ki mua o te fakamahinoga. 3Auā ko nā tino e iei te pule, e hē tatau ke mātataku ai kilātou e faia nā mea e lelei, kae vaganā ai kilātou e faia nā mea e kino. E fofou koutou ko koutou ke nahe mātataku i nā tino e iei te pule? Fai la nā mea e lelei, oi taku leleia ai koutou e kilātou, 4auā ko kilātou ni kaukauna e a te Atua, e gālulue mo te koutou lelei. Kae kāfai e koutou faia nā mea e kino, e tatau la koutou ke mātataku, auā e ia te kilātou te pule ke fakahala ai koutou. Ni kaukauna e a te Atua kilātou, ma e fakatino e kilātou te fakahalaga a te Atua mo kilātou e faia nā mea e kino. 5Ona ko te mea tēnei, e tatau ai koutou ke uhitaki kia te kilātou e iei te pule—e hē gata ona ko te fakahalaga a te Atua, kae ko he mea foki e iloa lelei lava e koutou e tatau ke koutou faia.
6Ko te mea foki ia e totogi ai autou lāfoga, auā ko te mālō e galue mo te Atua kāfai e fakatino uma o lātou tiute.#Mat 22.21; Mlk 12.17; Luk 20.25 7Totogi la nā tupe e nofo kaitālafu ai koutou ki ei; totogi ki ei nā itūkāiga lāfoga uma e tatau ke koutou totogia, ma kavatu kia te kilātou uma te fakaaloalo ma te āva e tatau ai.
Nā Tiute o Tētahi ki Tētahi
8Nahe nofo kaitālafu lele he tino ki hētahi tino—vāganā ai te kaitālafu e taukave pea lava, ko te alofa o tētahi ki tētahi. Ko te tino e fai e ia te mea tēnei, kua uhitaki ia ki te Tūlāfono. 9Ko nā fakatonuga e vē mai, “Ia koe nahe mulilua; ia koe nahe tāmate tino; ia koe nahe kaihohoa; ia koe nahe mānumanu ki nā mea a hētahi tino”—ko nā mea uma iēnei, ma te lahi o iētahi kua hē tākua, e aofia uma i te fakatonuga tēnei e fokotahi, “Alofa ki tō tuākoi e vē oi alofa koe kia te koe lava.”#Eho 20.13-15, 17; Lev 19.18; Teu 5.17-19, 21 10Kāfai koe e alofa ki iētahi tino, ka hēai lele hau mea kino e fai ki ei; kāfai la koe e alofa, ko tona uiga kua uhitaki koe ki te Tūlāfono kātoa.
11E tatau ke fai e koe te mea tēnei, auā e iloa e koe kua pa ki te taimi e tatau ke ala ai koe mai tau moe e fai. Auā ko te taimi ka maua ai e kitātou te fakaolataga, e pili lele mai nei, i lo te taimi na muamua talitonu ai kitātou. 12Kua loa te pō, ma kua tāli pa lele ki te ao. Ke i na tuku loa e kitātou nā mea e fai i te pōuli, kae hiki ake nā meatau e tau ai i te mālama. 13Ke lelei a tātou āmio, e vē ko nā tino e nonofo i te mālama o te ao—e hēai he fai pātī hē tāupulea pe konanā, e hēai ni āmio mātagā uiga kehe pe faiāmio, e hēai he tauaimiha pe fuā. 14Kae tātou hiki ake nā meatau a te Aliki ko Iehu Keliho, ma nahe kitātou toe manatu ki nā uiga mātagā faka-te-tagata, ma te fakamalie o nā tuinanauga.
Currently Selected:
Loma 13: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust