Filipi Fakatomuaga
Fakatomuaga
Ko te Tuhi a Paulo ki nā Tino i Filipi na tuhi ki te Ekalehia muamua na fakavae e Paulo i Eulopa, i te itūmālō Loma ko Maketonia. Na tuhi i te taimi ka koi i loto ai o te falepuipui, ma i te taimi nae fai ai ma fakafītāuli i tona māfaufau nā tino Kelihiano e teteke ake kia te ia, vēnā ma nā akoakoga pepelo nae fai i te Ekalehia i Filipi. Kae ko te tuhi tēnei e kitea ai te fiafia ma te mautinoa e fātoā mafai ke mālamalama ki ei, i te loloto o te fakatuatua o Paulo kia Iehu Keliho.
Ko te ala na tuhi ai e Paulo te tuhi, ke fakafetai ki te kau Kelihiano i Filipi mo a lātou meālofa na kavake ke fehoahoani kia te ia i nā taimi nae fia maua ai e ia he fehoahoani. Na fakaaogā e ia te avanoa tēnei ke fakamālohi kia te kilātou, kae ke maua ai e kilātou te lototele ma te mautinoa, e ui lava i nā fakafītāuli e maua ai ia vēnā ma kilātou. Na apoapoaki atu ia ke maua kilātou i te lotomaulalo o Iehu, kae ke nahe pūlea ai kilātou e o lātou manatu fakapito ma te fakamaualuga. Na fakamanatu e ia ki ei ko to lātou olaga i te māfutaga ma Keliho, ko he meālofa e ala i te alofa tūnoa o te Atua, kua kilātou maua e ala i to lātou fakatuatua, kae hē ona ko to lātou mulimuli ki nā mea e fakatonu mai e te Tūlāfono Iutaia. E tākua e ia te fiafia ma te fīlēmū e fōki e te Atua kia te kilātou e ola i te māfutaga ma Keliho.
Ko te tuhi tēnei e iloga lele ona e fakamamafa e Paulo nā matākupu e vē ko te fiafia, te mautinoa, te fealofani, ma te taumafai pea ke ola i te talitonuga faka-Kelihiano. Na fakaalia ai foki te alofa lahi o Paulo ki te Ekalehia i Filipi.
Fakahologa o nā vāega o te Tuhi
Fakatomuaga (1.1-11)
Ko te tūlaga nae iei ai ia Paulo (1.12-26)
Ko te ola i te māfutaga ma Keliho (1.27—2.18)
Ko nā fuafuaga mo Timoteo ma Epafolotito (2.19-30)
Apoapoakiga e uiga ki nā fili ma nā mea e ono āfāina ai (3.1—4.9)
Ko Paulo ma ana uō Filipi (4.10-20)
Nā toe kupu (4.21-23)
Currently Selected:
Filipi Fakatomuaga: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust