Filipi 1
1
1Mai ia Paulo ma Timoteo, nā kaukauna a Keliho Iehu—
Ki nā tino uma o te Atua i Filipi e i te māfutaga fakatahi ma Keliho Iehu, vēnā ma nā takitaki o te Ekalehia ma nā tino fehoahoani: #Gāl 16.12
2Ke ia te koutou te alofa tūnoa ma te fīlēmū mai te Atua to tātou Tamana ma to tātou Aliki ko Iehu Keliho.
Ko te Tatalo a Paulo mo nā Tino i Filipi
3Ko au e fakafetai ki toku Atua i nā taimi uma e māfaufau ai au kia te koutou; 4ma i taimi uma e tatalo ai au mo koutou uma, ko au e tatalo ma toku loto fiafia 5ona ko tautou fehoahoani kia te au i te tālakiga o te Tala Lelei, mai te aho muamua ke pa mai nei. 6E mautinoa e au ko te Atua, tē na ia kāmatagia te gāluega lelei i loto ia te koutou, ka galue pea lava ke pa ki te fakaikuga i te Aho o Keliho Iehu. 7Ko koutou e i toku loto i taimi uma lava. Ma ko he mea tatau foki lava ke ia te au ni lagona vēnei e uiga kia te koutou. Auā ko koutou uma e iei fakatahi ma au i te alofa tūnoa o te Atua, e hē gata i te taimi nei e falepuipui ai au, kae vēnā foki i nā taimi nae haoloto ai au, ke fai ma molimau ki tagata ki te moni o te Tala Lelei, ma ke fakamautū lelei ai. 8E iloa e te Atua te naunau lahi o toku loto ke feiloaki kitātou. E ia iloa ko au e alofa lele atu kia te koutou e vē foki lava ko te alofa o Keliho Iehu.
9Ma ko au e tatalo ko te koutou alofa ke tuputupu pea lava, ma ke kātoatoa te koutou iloa ma te mālamalama, 10kae ke mafai ai e koutou oi filifili te mea e hili ona lelei. Ma ka mafai ai koutou ke mamā ma hē taku kinoagia i te Aho o Keliho. 11Ka fakatumulia outou olaga i nā uiga e lelei kātoatoa e ala ia Iehu Keliho, kae ke ifo ma viviki ake ai ia tagata ki te Atua.
Ko te Ola Tautua kia Keliho ko te Ola Moni Ia
12Te kau uho, ko au e fofou ke koutou iloa ko te mea kua tupu kia te au, kua ātili lele ai te tokalahi o tagata kua fakalogo ki te Tala Lelei. 13Kua iloa e nā leoleo Loma uma ma nā tino uma i kinei, ko au e i te falepuipui ona ko au ko he kaukauna e a Keliho. #Gāl 28.30 14Kua kavea toku i te falepuipui, ma mea e mautū ai te talitonu o te tokalahi o te kau uho Kelihiano ki te Aliki, ma ka ātili tupu ai pea to lātou fakamālohi ki te tālakiga o te fekau#1.14 te fekau ko iētahi tuhituhiga e lea mai fekau a te Atua e aunoa ma he mataku.
15E hako e iei nā tino e tālaki e kilātou e uiga kia Keliho, ona e loto kino ma teteke mai kia te au; kae e iei foki iētahi e tālaki e kilātou i te agaga moni 16ma te alofa, auā e kilātou iloa ko au kua tōfia e te Atua ke fakamāonia te moni o te Tala Lelei. 17Ko iētahi tino, e hē tālakia e kilātou e uiga kia Keliho i te agaga moni, kae i te agaga fia hili ma te fakapito; e taumafai kilātou ke fai nā mea ke ātili āfāina lahi ai au, ka ko i te falepuipui au.
18E hē āfāina! Ko au e fiafia ki ei—pe kāfai ka kavea tēnā ma auala ke tālaki ai e uiga kia Keliho i ho he auala e mafai ai, e tuha lava pe hehē pe hako te agaga e fai ai. Ma ka tūmau pea lava toku fiafia, 19auā e iloa e au ko autou tatalo fakatahi ai ma te fehoahoani mai o te Agaga o Iehu Keliho, ka tatala ai au mai oku noataga. 20Ko te mea e fakamoemoe ma naunau lahi au ki ei, ke nahe iei lele he taimi e fakahētonu ai taku gāluega, kae i taimi uma lava, kae maihe lava te taimi nei, ke tumu au i te loto toa, kae ke fakaaogā ai toku tagata kātoa ke maua ai he vīkiga mo Keliho, e tuha lava pe ola ai au, pe oti ai. 21Auā ko heā nei te ola? Ia te au, ko te ola ko Keliho. Kāfai la ia au e oti, ka maua ai e au iētahi mea e lahi atu. 22Kae kāfai e kavea toku ola pea ma mea ke toe fai ai e au ni iētahi gāluega lelei, oi kua hē kō hāfia la pe ko tēfea te mea ka fai. 23E fetoho lava i toku māfaufau nā mea iēnei e lua: Ko au e fofou keina tukua loa e au te ola tēnei, kae ke fakatahi au ma Keliho, auā e hili atu tēnā; 24kae ona e manakomia e koutou taku fehoahoani, e tāua lahi atu ai ke ola pea au. 25E mautinoa e au te mea tēnei, ma e iloa e au ko au e hē oti kae ka fakatahi pea au ma koutou uma, ke fakatupu ātili ai te koutou fiafia e ala i te talitonu kia Iehu Keliho; 26ma kāfai la ka toe āhiahi atu au kia te koutou, ka fakaātili lele ai te koutou fiafia i te māfutaga fakatahi ma Keliho Iehu, ona ko te mea na tupu kia te au.
27Ko te mea e tāua, ke olo tutuha te olaga e ola ai koutou ma nā mea e lea mai ai te Tala Lelei a Keliho, ma e tuha lava la pe fanatu au pe hēai, ka iloa e au ko koutou e tutū mālohi i te agaga e tahi, ma taumafai ma te fakamoemoe e tahi, mo te fakatuatua e fakavae i te Tala Lelei. 28Koutou nahe mātataku i nā tino e teteke atu kia te koutou; loto totoa i taimi uma ma ka fai tēnā ma fakamāoniga kia te kilātou, ko kilātou ka fakatōkilalogia, kae ko koutou ka manumālō ona ko te Atua e ia fōki atua te manumālō kia te koutou. 29Auā kua fōki atu kia te koutou te avanoa fakapitoa ke kaukauna ai koutou kia Keliho, e hē gata ona ko koutou e talitonu pea lava kia te ia, kae ona foki ko koutou e maua pea lava i nā puapuagā ona ko ia. 30Ko koutou ma au e tau fakatahi i te taua. Ko te taua lava e tahi na koutou kitea e tau e au i nā aho kua teka, ma koi tau ai pea lava toku tagata nei, ke pa mai ki te taimi nei. #Gāl 16.19-40
Currently Selected:
Filipi 1: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
