Nūmela Fakatomuaga
Fakatomuaga
Ko te tuhi o Nūmela e tuhi ai te tala o nā tino Ihalaelu i te tai fa hefulu tauhaga mai te taimi na tukua ai e kilātou te Mauga ko Hinai, ke pa ki te taimi na taunuku ai kilātou ki te tuākoi i te itū ki hahae o te fenua na folafola e te Atua, e ia fōki akea mo kilātou. Ko te igoa o te tuhi e fakatatau ki he vāega tāua o te tala—te tuhigā igoa o nā tino Ihalaelu na fai e Mohe i te Mauga ko Hinai ka ko hēki olokehe ai, ma vēnā foki i Moapi i te itū ki hahae o te Iolitana, e tuha ma he augā tupulaga e fokotahi na vā ai. I he vāitaimi i te vā o nā tuhigā igoa e lua, na olo ai nā tino Ihalaelu ki Kateha Panea, i te tuākoi ki haute o Kanana, kae e hēki mafai ke ōatu kilātou ki te nuku na folafola mo kilātou kui atu i kinā. Na nonofo kilātou i kinā mo ni tauhaga e lahi, oi olo ai ki he koga i te itū ki hahae o te Vaitafe ko te Iolitana. Ko kinā na nonofo ai he vāega o kilātou, ma na hāuni ai ke hopo atu ki tētahi itū o te vaitafe ki Kanana.
Ko te Tuhi o Nūmela ko he tala ki he nuku ko ona tagata nae fakavāivai ma mātataku i te lahi o taimi, kāfai e fetaiaki ma mea faigatā, ma na fakatuikehe ki te Atua ma vēnā foki kia Mohe, te tino na filifili e te Atua ke takitakia kilātou. Ko he tala e uiga ki te fakamāoni o te Atua ma tana tauhiga i taimi uma mo ona tagata, e ui lava nae vāivai ma hē fakalogo kilātou; ma e uiga ki te mautū o te fakamāoni o Mohe ki tona Atua ma ki ona tagata.
Fakahologa o nā vāega o te Tuhi
Kua hāuni nā tino Ihalaelu ke olokehe mai te Mauga ko Hinai (1.1—9.23)
a. Te tuhigā igoa muamua (1.1—4.49)
e. Nā tūlāfono ma nā folahaga kehekehe (5.1—8.26)
i. Te lua o Pāheka (9.1-23)
Mai te Mauga ko Hinai ki Moapi (10.1—21.35)
Nā mea na tutupu i Moapi (22.1—32.42)
Tala pukupuku o te malaga mai Aikupito ki Moapi (33.1-49)
Nā fakahinoga ka ko hēki hopo ki tētahi itū o te Iolitana (33.50—36.13)
Currently Selected:
Nūmela Fakatomuaga: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust