Levitika 27
27
Nā Tūlāfono Fakatatau ki nā Meālofa ki te Aliki
1Na vāgana te Aliki kia Mohe, 2“Tautala ki nā tino Ihalaelu ma lea vē ki ei: ‘Kāfai he tino kua fakatō mo te Aliki ke fakatino ai he tautōga fakapitoa, ko te tino tēnā e mafai ke toe fakahaoloto kāfai e totogi nā tupe iēnei, 3-7e tuha ai ma te fua māhani o te nofoaga paia:
— tamāloa e lua hefulu ki te ono hefulu tauhaga: 50 tupe hiliva
— fafine: 30 tupe hiliva
— taumalo e lima ki te lua hefulu tauhaga: 20 tupe hiliva
— tautiti: 10 tupe hiliva
— pepe tama i lalo o te lima tauhaga: 5 tupe hiliva
— pepe teine: 3 tupe hiliva
— tamāloa i luga atu o te ono hefulu tauhaga: 15 tupe hiliva
— fafine i luga atu o te ono hefulu tauhaga: 10 tupe hiliva.
8“ ‘Kāfai te tino na faia te tautōga e mativa ma e hē ia nafatia oi totogi te tau kua fakatonu e nā ohitāulaga, ka kaumai e ia te tino tēnā ki te ohitāulaga, ma ka fuafua e te ohitāulaga he tau maulalo e talafeagai ma te mea e mafai e te tino oi totogi.
9“ ‘Kāfai ko te tautōga fakapitoa na fai e fakatatau ki he manuvaefa e mamā#27.9 I nā tu tau tāpuakiga ke ofo atu ki te Aliki, oi ko nā meālofa uma vēnei e ofo atu e ho he tino ki te Aliki e paia. 10Ka hē ia mafaia oi hui te manuvaefa ki hētahi mea, pe fakafetōlaki ma hētahi manuvaefa—he manuvaefa lelei ki he manuvaefa kino, pe he manuvaefa kino ki he manuvaefa lelei; ma kāfai e fakafetōlaki e ia, oi ko nā manuvaefa uma iēnā ka paia. 11Kae kāfai ko te tautōga na fai e fakatatau ki he manuvaefa e hē mamā#27.11 I nā tu tau tāpuakiga ke ofo atu ma tāulaga ki te Aliki, oi ka kave e te tino tēnā te manuvaefa ki te ohitāulaga. 12Ka fuafua e te ohitāulaga te tau o te manuvaefa e fakatatau ki te lelei pe ko te hē lelei o tona tino mai, ma ko te tau ka hē toe huia lele. 13Kāfai te tino e fofou ke toe fakatau mai e ia tana manuvaefa, e tatau ke totogi e ia te tau ma fakaopōpo ki ei ma he lua hefulu pahene.
14“ ‘Kāfai he tino e ofo atu tona fale mo te Aliki, ka fuafua e te ohitāulaga te tau o te fale e fakatatau ki te lelei pe ko te hē lelei o te tūlaga e iei ai, ma ko te tau ka hē toe huia lele. 15Kāfai te tino na ia ofo atua tona fale e fofou ke ia toe fakatau maia, e tatau ke totogi e ia te tau ma fakaopōpo ki ei ma he lua hefulu pahene, oi ka toe maua ai e ia te fale.
16“ ‘Kāfai he tino e ia ofo atua he vāega o tona fenua na fakatofi ai ia, ko te tau o te fenua ka fuafua ki te lahi o nā fatulākau e mafai ke totō i luga te fenua, i he tau e hefulu tupe hiliva#27.16 tupe hiliva pe hēkeli mo nā kālite e taki lua hefulu kilokalama te mamafa. 17Kāfai e ofo atu e ia tona fenua i te Tauhaga o te Iupelī, ko te tau kātoa o te fenua ka tūmau lava. 18Kae kāfai e ofo atu e ia ka kua teka ai te Tauhaga o te Iupelī, oi ka fuafua e te ohitāulaga te tau fakatatau ki nā tauhaga koi totoe ki tētahi Tauhaga o te Iupelī, oi fai ai e ia he tau e maulalo ifo. 19Kāfai te tino na ia ofo atua te fenua e fofou ke ia toe fakatau maia, e tatau ke totogi e ia te tau ma fakaopōpo ki ei ma he lua hefulu pahene, oi ka toe fakafoki ai te fenua ki te tino nae o ia muamua. 20Kae kāfai e hē fofou ke ia toe fakatau maia te fenua, pe kua fakatau atu e ia te fenua ki hētahi tino, kua hēai la hana āiātatau ke toe fakatau mai ai e ia. 21Kāfai te fenua e tatala i te Tauhaga o te Iupelī ke toe fakafoki ki te tino nae o ia muamua, ka paia e vē ko he fenua kua uma te fakatō mo te Aliki, ma ka kavea ma meatōtino a nā ohitāulaga.
22“ ‘Kāfai he tino e ia ofo atua ki te Aliki he fenua na ia fakatau maia, kae e hē ko he vāega o te fenua o tona kāiga; 23oi ka fuafua ai e te ohitāulaga tona tau e fakatatau ki nā tauhaga koi totoe ki tētahi Tauhaga o te Iupelī, ma e totogi e ia te tau i te aho lava tēnā, ko he fōaki paia ki te Aliki. 24I te Tauhaga o te Iupelī, ko te fenua ka toe fakafoki ki te tino nae o ia i te kāmataga, pe ki ona lāpuna. 25Ko nā tau uma lele ka fuafua fakatatau ki te fua māhani o te hēkeli i te nofoaga paia.
26“ ‘Kae e hē mafai e hē tino ke fakatō e ia mo te Aliki he punua ulumatua a hana manuvaefa, pe he pōvi pe he māmoe, auā e a te Aliki uma kilātou. 27Ma kāfai ko he punua ulumatua a he manuvaefa hē mamā,#27.27 I nā tu tau tāpuakiga e mafai ke toe fakatau mai e ia i te tau kua fuafua e te ohitāulaga ma fakaopōpo ki ei ma he lua hefulu pahene. Kāfai e hē ia toe fakatau maia, ka mafai ke fakatau atu ki hētahi tino i te tau kua uma te fuafua.
28 #
Nūm 18.14
“ ‘Kae ko ho he mea e fakatō mo te Aliki—pe he tagataola, he manuvaefa, pe he fenua—e matuā hē mafai lava ke toe fakatau atu pe fakatau mai. Ko nā mea uma e ofo atu i te faiga tēnei e matuā paia lava, ma e a te Aliki. 29E hēai he tino e fakatō ke fakatāugā#27.29 fakatō… fakatāugā Ko te fakakupuga Epelu e fakatatau ki te ofo kātoatoa atu o ni mea pe ni tino ki te Aliki, kāfai e hē fakaaogā, oi e fakatāugā uma lele e mafai ke toe fakatau mai; e tatau ke tāmate.
30 #
Nūm 18.21; Teu 14.22-29 “ ‘Ko te tahi vae-hefulu o nā mea uma o te fenua, pe ko te haito, pe ko nā fua o nā lākau, e paia mo te Aliki. 31Kāfai he tino e fofou ke ia toe fakatau maia he vāega o nā mea iēnei, e tatau ke totogi e ia te tau māhani, ma fakaopōpo ki ei ma he lua hefulu pahene. 32E fokotahi mai te taki hefulu o nā pōvi ma nā māmoe a koutou kāfai e faitau, ka paia mo te Aliki. 33Ka hē kikila te tino e a ia pe ni manu lelei pe ni manu kino, ma ka hē ia fakafetōlakia foki ni manu. Kāfai e fakafetōlaki e ia, oi ko nā manu uma iēnā ka paia mo te Aliki, ma ka hē mafai ke toe fakatau mai e ia.’ ”
34Ko nā fakatonuga iēnei na tuku mai e te Aliki kia Mohe i luga o te Mauga ko Hinai, mo nā tino Ihalaelu.
Currently Selected:
Levitika 27: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
