Nūmela 17
17
Ko te Tokotoko o Alona
1Na vāgana mai te Aliki kia Mohe, 2“Tautala ki nā tino Ihalaelu ma lea ki ei ke fōkiatu kia te koe ni tokotoko e hefulu lua, e takitahi mai nā takitaki o nā puikāiga. Tuhi lava te igoa o te tino ki tana tokotoko, 3ma tuhi te igoa o Alona ki te tokotoko a Levi. Auā ka fokotahi te tokotoko mo nā takitaki o nā puikāiga takitahi. 4Oi kave ai nā tokotoko ki te Falekie Tapu, ma tuku i mua o te Puha o te Feagaiga, te mea e fetaui ai kitāua. 5Ko te tokotoko a te tino kua kō filifilia ka oho ake ai ni tātupu. I te faiga tēnei, ka kō tāofia ai ia fāitioga a iēnei tagata Ihalaelu e fai pea lava e uiga kia te koe.”
6Oi na tautala ai ia Mohe ki nā tino Ihalaelu, ma na fōki ai e takitaki tau toka tahi uma he tokotoko kia te ia, e hefulu lua fakatahi; ma na iei ai foki ma te tokotoko a Alona. 7Oi na kave ai e Mohe nā tokotoko ki te Falekie Tapu, ma tuku ki mua o te Puha o te Feagaiga a te Aliki.
8 #
Epe 9.4
I te aho na hohoko ai, i te fanoga o Mohe ki te Falekie Tapu, na ia kitea ai ko te tokotoko a Alona, e hui ai te puikāiga o Levi, kua oho ake ai ni tātupu. Kua hohomo ma iei nā tiale ma ona fua haketi pula. 9Oi na kaumaia ai ki fafo e Mohe nā tokotoko mai mua o te Aliki ma kave ki nā tino Ihalaelu uma. Kua kikila kilātou ki ei, oi na kave ai lava e te takitaki tona ia lava tokotoko.
10Na vāgana mai ai te Aliki kia Mohe, “Toe kave te tokotoko o Alona oi tuku i mua o te Puha o te Feagaiga, ke fai ma lapatakiga ki nā tino Ihalaelu e fakatuikehe. Kāfai e hē tukua to lātou fāitio mai kia te au, ko kilātou e fakaumatia lava e au.” 11Na fai e Mohe e vē lava ko te fakatonuga a te Aliki.
12Kua lea atu nā tino Ihalaelu kia Mohe, “Ko kimātou ka feoti; ko kimātou ka fano uma lele! 13Ho he tino e fakatafapili atu ki te Falekie Tapu ka oti. Ka mamate uma nei la kimātou?”
Currently Selected:
Nūmela 17: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
