Levitika 18
18
Nā Tu e Tapu i te Vā o te Tamāloa ma te Fafine
1Na vāgana te Aliki kia Mohe, 2“Tautala ki nā tino Ihalaelu ma lea vē ki ei: ‘Ko au ko te Aliki te koutou Atua. 3Nahe koutou mulimuli ki nā tu ma nā aga a nā tino o Aikupito, te mea nae nonofo ai koutou, pe fakatakitaki ki nā mea e fai e nā tino i te fenua ko Kanana, tēia e kave koutou e au ki ei. Ia koutou nahe fakatakitaki kia lātou mea e fai. 4Uhitaki ki aku folahaga ma tauhi ki aku vāiniuga. Ko au ko te Aliki te koutou Atua. 5#Nem 9.29; Ehk 18.9; 20.11-13; Luk 10.28; Lom 10.5; Kal 3.12Mulimuli ki aku vāiniuga ma aku folahaga, auā ko te tino e uhitaki ki ei ka ia maua te ola. Ko au ko te Aliki.
6“ ‘E hēai he tino o koutou e hōhō ki tafa o he tino o tona kāiga ke uhu ia ki ei. Ko au ko te Aliki.
7“ ‘Nahe kē takuvaleagia tō tamana e ala i tō uhu ki tō mātua. Ko ia ko tō mātua, ma e hē tatau ke fakatakuvalea e koe tō lava mātua.
8 #
Lev 20.11; Teu 22.30; 27.20 “ ‘Nahe kē takuvaleagia tō tamana e ala i tō uhu ki hētahi o ana āvaga.
9 #
Lev 20.17; Teu 27.22 “ ‘Nahe kē uhu ki tō tuafafine, pe ki he afafine o tō tamana pe o tō mātua, e tuha lava pe na ola ake ia ma koe i loto o he kāiga e fokotahi pe hēai.
10“ ‘Nahe kē uhu ki te afafine o tō ataliki pe ki te afafine o tō afafine; auā ka takuvalea ai lava koe.
11“ ‘Nahe kē uhu ki te afafine o te āvaga a tō tamana, na fānau ki tō tamana; ko ia ko he tuafafine foki e o koe.
12 #
Lev 20.19-20
“ ‘Nahe kē uhu ki te tuafafine o tō tamana; ko ia ko he kāiga pili o tō tamana.
13“ ‘Nahe kē uhu ki te uho o tō mātua; ko ia ko he kāiga pili o tō mātua.
14“ ‘Nahe kē takuvaleagia te uho o tō tamana, e ala i tō uhu ki tana āvaga; ko ia e taku tuafafine ki tō tamana.
15 #
Lev 20.12
“ ‘Nahe kē uhu ki te āvaga a tō ataliki; ko ia ko te āvaga a tō ataliki, oi e hē tatau koe ke uhu kia te ia.
16 #
Lev 20.21
“ ‘Nahe kē uhu ki te āvaga a tō uho; auā e takuvalea ai tō uho.
17 #
Lev 20.14; Teu 27.23 “ ‘Nahe kē uhu ki he fafine ma ki hona afafine. Nahe kē uhu ki te afafine o tona ataliki pe ki te afafine o tona afafine; ni kāiga pili kilātou kia te koe, ma ko he mea tēnā e mātagā ma inohia.
18“ ‘Nahe kē kavea te uho o tau āvaga ke fai ma au āvaga ma uhu ki ei, ka koi ola tau āvaga.
19 #
Lev 20.18
“ ‘Nahe kē uhu ki he fafine e maua i te tauale o fafine, auā e hē mamā ia i nā tu tau tāpuakiga.
20 #
Lev 20.10
“ ‘Nahe kē uhu ki te āvaga a hētahi tino, auā e hē mamā ai koe i nā tu tau tāpuakiga fakatahi ma ia.
21 #
Lev 10.1-5
“ ‘Nahe kē ofo atua lele hau tamaiti ke fai ma tāulaga kia Moleka, auā e hē tatau ke fai e koe he mea e takuvalea ai te igoa o tō Atua. Ko au ko te Aliki.
22 #
Lev 20.13
“ ‘Nahe kē uhu ki hētahi tamāloa e vē ona fai e he tamāloa ki he fafine; ko he mea tēnā e mātagā ma inohia.
23 #
Eho 22.19; Lev 20.15-16; Teu 27.21 “ ‘Nahe ke uhu ki he manuvaefa ma fai ai ma mea e hē mamā ai koe. E hēai he fafine e tuku atu tona tino ki he manuvaefa ke uhu ki ei; ko he āmio mātagā ma hē tuha ai tēnā, ma e hē mamā ai ia i nā tu tau tāpuakiga.
24“ ‘Nahe faia e koutou ho he mea o nā mea iēnei e hē mamā ai koutou, auā ko nā faiga iēnā na hē mamā ai nā tino iēia ka tuli kehe e au mai te fenua ka olo koutou ki ei. 25Ko a lātou āmio kua hē mamā ai te fenua, ma ka fakahala e au ia tagata e nonofo ai. Ka kō faia ke puaki mai ki fafo e te fenua nā tino e nonofo ai. 26Kae e tatau koutou uma, pe ni tagatā nuku Ihalaelu pe tino nukukehe, ke tauhi ki aku vāiniuga ma aku folahaga, ma hē toe faia e koutou nā mea mātagā ma te inohia iēnei. 27Ko nā āmio mātagā uma iēnei e fai e nā tino o te fenua e kō kavea koutou ki ei, ma ko te ala ia kua hē mamā ai te fenua. 28Ma kāfai e koutou faia he mea ke hē mamā ai te fenua, ka ia puakia koutou ki fafo e vē ona ia puakia ki fafo nā tino nae iei, i mua atu o koutou.
29“ ‘Ho he tino e ia faia nā uiga mātagā ma te inohia iēnei, ka vavae kehe ia mai te fakapotopotoga o tagata Ihalaelu. 30Ko te mea ia, uhitaki ki aku fakatonuga, ma nahe faia e koutou nā āmio mātagā ma te inohia nae fai e nā tino nae nonofo i te fenua i mua atu o koutou. Ko au ko te Aliki te koutou Atua.’ ”
Currently Selected:
Levitika 18: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
