Levitika 19
19
Nā Tiute ki te Atua ma ki Tagata
1Na vāgana mai te Aliki kia Mohe, 2#Lev 11.44-45; 1 Pet 1.16“Tautala ki te fakapotopotoga kātoa o Ihalaelu ma lea vē kia te kilātou: ‘Ko koutou ka paia, auā ko au, te Aliki te koutou Atua, e paia.
3 #
Eho 20.8, 12; Teu 5.12, 16 “ ‘Ko koutou uma tau toka tahi e tatau ke āva te tino ki tona tamana ma tona mātua, ma tauhi ki oku Hāpati. Ko au ko te Aliki te koutou Atua.
4 #
Lev 26.1; Eho 20.23; 34.17; Teu 27.15 “ ‘Nahe koutou liliu ki nā tupua pe fai e koutou ni fakatuha ukamea ma tāpuaki kia te kilātou. Ko au ko te Aliki te koutou Atua.
5“ ‘Kāfai e ofo e koutou he tāulaga mo te māfuta fakatahi ki te Aliki, e tatau ke fakatino i he faiga e mafai ai ke talia e ia mo koutou. 6Ko nā kanofi o te manu e tatau ke kai i te aho e ofo atu ai e koutou te tāulaga, pe i te aho e hohoko ki ei. Pe ko heā lava te totoe kāfai e pa ki te tolu o aho, e tatau ke huhunu i he afi ke mū uma. 7Kāfai he vāega o te tāulaga e kai i te tolu o aho, ko te tāulaga la ka hē mamā, ma ka hē talia e au. 8Ko ai lava he tino e kai ki ei ka fakahala, ona kua ia faia he mea e hē mamā ai te mea e paia ki te Aliki, ma ka vavae kehe ia mai te fakapotopotoga a oku tagata.
9 #
Lev 23.22; Teu 24.19-22 “ ‘Kāfai e tau te fuata i te fenua o koe, nahe taua nā fua i nā lākau e pito lele ki te tuākoi, pe toe liliu koe oi ao nā haito e totoe i luga o te kelekele kāfai e uma te helehelega. 10Nahe kē toe liliu oi tau nā fuāvine na mihi i te tauga muamua o nā tōvine o koutou, pe ke fakaputu mai nā fuāvine na malili ki lalo i te taimi na tau ai. Tuku nā mea iēnā mo nā tino mātitiva ma nā tino nukukehe e nonofo i te mea e iei ai koutou. Ko au ko te Aliki te koutou Atua.
11 #
Eho 20.15, 16; Teu 5.19, 20 “ ‘Nahe kē kaihohoa.
“ ‘Nahe kē talapepelo.
“ ‘Nahe tau fakahehē tētahi ki tētahi.
12 #
Eho 20.7; Teu 5.11; Mat 5.33 “ ‘Nahe kē tautō pepelo i toku igoa, ma takuvalea ai te igoa o te koutou Atua. Ko au ko te Aliki.
13 #
Teu 24.14-15
“ ‘Nahe fakavalea e koe hētahi tino ma kaihohoa ana meatōtino.
“ ‘Nahe tāofia e koe nā totogi o nā tino faigāluega a koe ke pa ki tētahi aho.
14 #
Teu 27.18
“ ‘Nahe fetukua e koe he tino e tutuli, pe tuku e koe ni mea ke higa ai he tino e tāuaho. E tatau koe ke mataku i te Atua. Ko au ko te Aliki.
15 #
Eho 23.6-8; Teu 16.19 “ ‘Nahe faia e koe he mea ke hē maua ai e he tino te faimeatonu; nahe kē fakakaukau ki he tino mativa, pe fakapito ki he tino maukoloa. Kae fakamahino ma te āmiotonu ia tagata uma.
16“ ‘Nahe faia e koe ni tala pepelo ke fakakino ai iētahi tino.
“ ‘Nahe faia e koe he mea e ono lamatia ai te ola o he tino. Ko au ko te Aliki.
17 #
Mat 18.15
“ ‘Nahe fakaolaola i te loto o koe te ita ki he tino o tō kāiga; tautala hako ki ei ma akoaki, kae ke hē nofohala ai koe ona ko tana agahala.
18 #
Mat 5.43; 19.19; 22.39; Mlk 12.31; Luk 10.27; Lom 13.9; Kal 5.14; Iak 2.8 “ ‘Nahe kē tauimahui pe teu loto ho ita ki hētahi tino, kae alofa ki tō tuākoi e vē ona alofa koe kia te koe lava. Ko au ko te Aliki.
19 #
Teu 22.9-11
“ ‘Tauhi ki aku vāiniuga.
“ ‘Nahe fakafeuhuakia nā itūkāiga manuvaefa kehekehe.
“ ‘Nahe totōa te fātoaga o koe i ni itūkāiga fatu lākau e lua.
“ ‘Nahe kē kofu i ni kofu e hui i ni itūkāiga kie e lua.
20“ ‘Kāfai he tamāloa e momoe ma he fafine pologa kua fakamau ke fai ma āvaga a hētahi tamāloa, kae ko hēki totogia mo tona haolotoga, e tatau ke fakahala kilāua kae e hē tatau ke fakahala i te oti, ona ko hēki maua te haolotoga o te fafine. 21Kae e tatau ke kaumai e te tamāloa he māmoe poa ki te faitotoka o te Falekie Tapu ke ofo atu ma tāulaga mo te nofohala. 22Oi ka fakatino ai e te ohitāulaga te hāuniga mo te fakamamāga i te māmoe poa, ke kave kehe ai te agahala a te tamāloa, ma ka fakamāgalo ai ia e te Aliki.
23“ ‘Kāfai koutou ka ōatu ki te fenua ko Kanana ma totō hō he itūkāiga lākau mo autou meakai, ko o lātou fua ka hē mamā i nā tu tau tāpuakiga, mo ni tauhaga e tolu. I te taimi tēnei, ka fakahā ai koutou ke kakai ki o lātou fua. 24I te fa o tauhaga, ko o lātou fua uma ka fakatō mo te Aliki, ke fakailoa ai te koutou agaga fakafetai kia te au,#19.24 ke fakailoa… kia te au pe ke viviki mai ai koutou kia te au te Aliki. 25Kae i te lima o tauhaga ka mafai koutou ke kakai ki ei. I te faiga tēnei ka fakaopōpo ai te lahi o te helehelega. Ko au ko te Aliki te koutou Atua.
26 #
Ken 9.4; Lev 7.26-27; 17.10-14; Teu 12.16, 23; 15.23; 18.10 “ ‘Nahe koutou kakai ki ho he mea koi iei te toto.
“ ‘Nahe koutou faia ni mea fakataulāitu.
27 #
Lev 21.5; Teu 14.1 “ ‘Nahe helea nā lāulu i nā itū o nā ulu o koutou, pe tipi fakapupuku nā ava o koutou.
28“ ‘Nahe tatipitipia nā tino o koutou ke fakailoa ai te koutou fakanoanoa i te mate o he tino, pe tā ni outou tatau. Ko au ko te Aliki.
29 #
Teu 23.17
“ ‘Nahe fakamātagā nā afafine o koutou, i te kua kave e koutou ke fai ma fafine talitāne i te mālumalu,#19.29 talitāne i te mālumalu Ko nā fafine iēnei nae maua i nā fale tāpuaki i Kanana, te mea nae tāpuaki ai ki nā atua o te uluola. Nae iei te talitonuga ko te uhu ki he fafine vēnei, e mautinoa ai te fua lahi o nā fātoaga ma te ola lelei o nā lafumanu auā e i nā ka tumu ai te fenua i te talitāne, ma i nā āmio mātagā.
30 #
Lev 26.2
“ ‘Tauhi ki oku Hāpati ma fakamamalu toku nofoaga paia. Ko au ko te Aliki.
31 #
Teu 18.11; 1 Ham 28.3; 2 Tup 23.4; Iha 8.19 “ ‘Nahe koutou hakili fautuaga ki nā taulāitu vavaka ma nā tino fai mea fakataulāitu, auā ka hē mamā ai koutou ia te kilātou. Ko au ko te Aliki te koutou Atua.
32“ ‘Fakaaloalo ki nā tino mātutua, ma āva ki ei; ma ko koutou ke mātataku ia te Atua o koutou; ko au ko te Aliki.
33 #
Eho 22.21; Teu 24.17-18; 27.19 “ ‘Nahe koutou faikino ki he tino kehe e nonofo ma koutou i te koutou fenua. 34Fai kia te kilātou e vē ona fai e koutou ki he tino Ihalaelu, ma alolofa kia te kilātou e vē oi alolofa koutou kia te koutou lava. Ke manatua, ko koutou foki nae ni tino kehe i te fenua ko Aikupito. Ko au ko te Aliki te koutou Atua.
35 #
Teu 25.13-16; Alk 20.10; Ehk 45.10 “ ‘Nahe fakaaogā e koutou ni fua fākaimamago ke fua ai te loa, te mamafa, pe ko te lahi o ni mea. 36Fakaaogā nā fua e hako—nā fua o te loa, o te mamafa, ma o te lahi o nā mea. Ko au ko te Aliki te koutou Atua, tē na kaumaia koutou mai Aikupito.
37“ ‘Tauhi la ki aku vāiniuga ma aku folahaga uma, ma mulimuli ki ei. Ko au ko te Aliki.’ ”
Currently Selected:
Levitika 19: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
