Levitika 17
17
E Fakahā te Kai o te Toto
1Na vāgana te Aliki kia Mohe, 2“Tautala kia Alona ma ona ataliki, ma ki nā tino uma o Ihalaelu, ma lea vē kia te kilātou: ‘Ko tēnei te mea kua fakatonu mai e te Aliki. 3Kāfai he tino Ihalaelu e ia tāmatea he pōvi, pe he punuāmāmoe, pe he oti, i loto pe i fafo o te api, 4kae e hē ia kaumaia ki te fāitotoka o te Falekie Tapu ke ofo atu ma tāulaga ki te Aliki i mua o te Falekie Tapu; ko te tino tēnā ka nofohala i te fakamaligi toto. Kua fakamaligi e ia te toto, ma ka tuli kehe ia mai te fakapotopotoga a oku tagata. 5Ko te fakatonuga tēnei kua fai kae ke kaumai ai e nā tino Ihalaelu ki te Aliki nā manuvaefa nae māhani tāmate e kilātou ke fai ma tāulaga, i nā koga lauātea o te fenua. Ka kaumai a lātou tāulaga ki te ohitāulaga i te fāitotoka o te Falekie Tapu, ma ofo atu ai e ia i kinā ma tāulaga mo te māfuta fakatahi. 6Ka liaki e te ohitāulaga te toto ki nā itū uma o te fata faitāulaga, i te faitotoka o te Falekie Tapu, ma huhunu e ia te gako mo he manogi e fiafia ai te Aliki. 7E hē tatau ke toe hē fakamāoni nā tino o Ihalaelu ki te Aliki, e ala i te tāmate o nā manuvaefa a kilātou i nā koga lauātea ke fai ma tāulaga ki nā oti-tēmoni. Ko he vāiniuga tūmau tēnei mo augā tupulaga uma ke pa ki te hēgata.’
8“Lea vēnei kia te kilātou: ‘Ho he tino Ihalaelu pe he tino kehe e nofo i te mea e iei ai kilātou, e ia ofo atua he tāulaga mū, pe hō hētahi tāulaga lava 9e ofo atu ki te Aliki i hētahi mea, kae hē kaumaia ki te fāitotoka o te Falekie Tapu, ka vavae kehe ia mai te fakapotopotoga a oku tagata.
10 #
Ken 9.4; Lev 7.26-27; 19.26; Teu 12.16; 23; 15.23 “ ‘Kāfai he tino Ihalaelu, pe he tino kehe e nonofo fakatahi ma kilātou, e kai ki ni kanofi manu koi iei te toto, ka teteke e au te tino tēnā ma ka tuli kehe ia mai te fakapotopotoga a oku tagata. 11#Epe 9.22Auā ko te ola o he meaola, e i tona toto, ma kua kō fōkiatua kia te koutou te toto i luga o te fata faitāulaga ke kave kehe ai ia agahala a tagata. Ko te toto te kave kehea nā agahala. 12Ko te mea ia kua lea atu ai au ki nā tino Ihalaelu, “E hēai he tino o koutou, pe he tino kehe e nonofo ma koutou, e kai ki he kanofi manu koi iei te toto.”
13“ ‘Ho he tino Ihalaelu pe he tino kehe e nonofo ma kilātou e fano oi tuli he manuvaefa, pe he manulele o te itūkāiga e mafai ke kai, e tatau ke fakagogolo kehe e ia te toto, oi tanu ai i te kelekele, 14auā ko te ola o hō he meaola, e i tona toto. Ko te mea ia kua lea ai au ki nā tino Ihalaelu, “E hē tatau koutou ke kakai ki te toto o ho he meaola, auā ko te ola o ho he meaola e i tona toto; ma ko ai lava e kai ki ei, ka vavae kehe ia mai te fakapotopotoga a oku tagata.”
15“ ‘Ho he tino, pe he tino kehe pe he tagatā nuku Ihalaelu, e kai ki he kanofi o he manuvaefa na mate ona kua matua, pe na tāmate e he manu fekai, e tatau ke ufi ona kofu ma tākele i ni vai, ma ka hē mamā ke pa ki te afiafipō, oi fātoā toe mamā ai ia.#17.15 I nā tu tau tāpuakiga 16Kae kāfai e hē ia faia nā mea iēnei, ka pakū lava la ki ona luga te ikuga e tatau mo ia.’ ”
Currently Selected:
Levitika 17: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
