Kenehe 6

Ko Āmiokino a Tagata

1I te kāmataga kua tuputupu te tokalahi o tagataola ma halalau ki itū uma o te lalolagi, ma fānanau mai e kilātou ni afafine; #Iop 1.6; 2.1 2na kitea e ni ataliki o te Atua#6.2 ataliki o te Atua pe ataliki o nā atua pe ataliki o ni tinoola i te lagi te kaulelei o nā tautiti iēnei, ma na kave ai e kilātou nā tautiti na fofou kilātou ki ei, oi fai ma a lātou āvaga. 3Oi na vāgana vē ai te Aliki, “Ko te Agaga o oku e mafai ai nā tino ke ola ke pa ki te hēgata, ka hē tūmau ia te kilātou, auā ko kilātou ni kakano e fano e pala. E kāmata atu nei, ka hē toe ola kilātou ke hili atu i te 120 tauhaga.” 4I nā aho iēnā ma mua mai foki, nae iei ni tino tinolalahi ma loloa lele i te lalolagi, ni lāpuna o nā afafine o tagataola ma nā ataliki o te Atua. Ni toa mālolohi ma takutakua kilātou i nā aho kua leva.#Nūm 13.33

5I te kiteaga e te Aliki te kino lahi lele o nā uiga o tagataola i te lalolagi vēnā ma o lātou māfaufauga tau toka tahi,#Mat 24.37; Luk 17.26; 1 Pet 3.20 6na mao lele pe heā te na ia gaohia ai ia tagataola ma tuku i te lalolagi. Na matuā halamō lava, 7ma na vāgana vē ai, “Ka fakaumatia uma e au ia tagataola na kō faia, vēnā foki nā manuvaefa, nā meaola fetolofi ma nā manulele, auā ko au kua halamō lele pe heā te na kō gaohia ai kilātou.” 8Kae ko te Aliki nae fiafia kia Noa.

Ko Noa

9Ko nā lāpuna iēnei o Noa. Ko Noa he tino āmiotonu ma ko ia lava oioti te tino nae hēai ni ona hehē, i ona vāitaimi; ma nae ola māfuta pea lava ia ma te Atua.#2 Pet 2.5 10E toka tolu ia ataliki o Noa, ko Hemu, ko Hamo ma Iafeta.

11Kua kino lele nā uiga o tagataola i te kikila a te Atua, ma ko te lalolagi kua tumu i nā fakahāuāga. 12Kua kitea e te Atua te kino lahi o te tūlaga kua pa ki ei te lalolagi, ona ko nā tino kua ola i ni olaga hē pūlea.

13Oi na vāgana atu ai te Atua kia Noa, “Kua tonu ia te au ke fakaumatia ia tagataola uma, auā ko te lalolagi kua tumu ia lātou faiga fakahāuā. Kikila, ka fakatāugā e au kilātou fakatahi ma te lalolagi. 14Fau he vaka mo koe i ni laupapa lelei; fai ni potu o te vaka ma vali kātoa ia loto ma fafo i te kolotā. 15E vēnei te fauga o te vaka e koe: ko te loa e 133 mita, ko te lauefa e 22 mita, ma ko te maualuga e 13 mita. 16Fai he tuāfale#6.16 tuāfale pe fāmalama mo te vaka, ma fakaavanoa i he āfa mita te vā o te tuāfale#6.16 tuāfale pe fāmalama ma nā itū. Fau ni fogāfale e tolu, ma fai ma he faitotoka i tona itū. 17Ka kō fakatupua he lolo ke tatao ai te laukelekele, ma ke fakaumatia ai nā mea uma lele e iei te ola. Ko nā mea uma e iei te ola i te laukelekele ka mamate, 18kae ka kō faia he feagaiga ma koe. Olo ki loto o te vaka ma te āvaga a koe, nā ataliki o koe ma a lātou āvaga. 19-20Kave ki loto o te vaka he manu tagata ma he manu fafine mai nā itūkāiga manuvaefa ma manulele takitahi uma, vēnā mai nā itūkāiga meaola fetolofi i luga o te kelekele, kae ke ola ai pea kilātou. 21Kave foki ma nā itūkāiga meakai uma lele, ma teu fakalelei mo koe ma kilātou uma.” 22Na fai uma e Noa nā mea na fakatonu ake e te Atua ke fai.#Epe 11.7

Currently Selected:

Kenehe 6: TOKU

Highlight

Copy