Kenehe 5
5
Nā Lāpuna o Atamu
(1 NT 1.1-4)
1Ko te lihi tēnei o nā lāpuna o Atamu. (I te fālitega e te Atua o tagataola, na ia faia ke vē lava ko ia.#Ken 1.27-28 2Na foafoa e ia kilāua, he tamāloa ma he fafine; kua fakamanuia e ia kia te kilāua, ma na fakaigoa ai e ia kilāua ni “Tagataola.”)#Mat 19.4; Mlk 10.6 3Kua kātoa te 130 tauhaga o Atamu i te fānau maiga o tona ataliki, nae hoko uma lele kia te ia; ma na fakaigoa e ia kia Hetu. 4Mai te taimi tēnā, na ola ia Atamu mo hētahi 800 tauhaga. Nae iei iētahi ona ataliki ma afafine 5ma na oti kua 930 ona tauhaga.
6Kua kātoa te 105 tauhaga o Hetu i te fānau maiga o tona ataliki ko Enoha, 7ma na ola ai mo hētahi 807 tauhaga. Nae iei iētahi ona ataliki ma afafine, 8ma na oti kua 912 ona tauhaga.
9Kua kātoa te 90 tauhaga o Enoha i te fānau maiga o tona ataliki ko Kenana, 10ma na ola ai mo hētahi 815 tauhaga. Nae iei iētahi ona ataliki ma afafine, 11ma na oti kua 905 ona tauhaga.
12Kua kātoa te 70 tauhaga o Kenana i te fānau maiga o tona ataliki ko Mahalalele, 13ma na ola ai mo hētahi 840 tauhaga. Nae iei iētahi ona ataliki ma afafine, 14ma na oti kua 910 ona tauhaga.
15Kua kātoa te 65 tauhaga o Mahalalele i te fānau maiga o tona ataliki ko Ialeta, 16ma na ola ai mo hētahi 830 tauhaga. Nae iei iētahi ona ataliki ma afafine, 17ma na oti kua 895 ona tauhaga.
18Kua kātoa te 162 tauhaga o Ialeta i te fānau maiga o tona ataliki ko Enoka, 19ma na ola ai mo hētahi 800 tauhaga. Nae iei iētahi ona ataliki ma afafine, 20ma na oti kua 962 ona tauhaga.
21Kua kātoa te 65 tauhaga o Enoka i te fānau maiga o tona ataliki ko Metuhela. 22Mai te taimi tēnā, ko Enoka nae ola i te māfutaga ma te Atua mo he 300 tauhaga, ma nae iei iētahi ona ataliki ma afafine. 23Na ola ia Enoka mo ni tauhaga e 365. 24I tona olaga kātoa, ko Enoka nae māfuta pea lava ma te Atua, ma na hēki toe kitea lele ia e he tino, auā na kave e te Atua.#Epe 11.5; Iut 14
25Kua kātoa te 187 tauhaga o Metuhela i te fānau maiga o tona ataliki ko Lameka, 26ma na ola ai mo hētahi 782 tauhaga. Nae iei iētahi ona ataliki ma afafine, 27ma na oti kua 969 ona tauhaga.
28Kua kātoa te 182 tauhaga o Lameka i te fānau maiga o tona ataliki, 29ma na lea vē ai, “Mai te kelekele tēnei kua fetuku e te Aliki, ko te tamaiti tēnei ka ia kaumaia kia te kitātou he mapuhaga mai a tātou gāluega fītā;” oi na fakaigoa ai e ia kia Noa.#5.29 Noa Ko te igoa tēnei e tāli tutuha ma te fakaleoga o te kupu Epelu ko tona uiga mapuhaga 30Na ola ia Lameka mo hētahi 595 tauhaga. Nae iei iētahi ona ataliki ma afafine, 31ma na oti kua 777 ona tauhaga.
32Kua kātoa te 500 tauhaga o Noa, na maua ai ona ataliki e toka tolu, ko Hemu, ko Hamo ma Iafeta.
Currently Selected:
Kenehe 5: TOKU
Highlight
Share
Copy
Want to have your highlights saved across all your devices? Sign up or sign in
Bible Society New Zealand Charitable Trust
