Kenehe 22

Kua Tofotofo e te Atua te Fakatuatua o Apelaamo

1Kua teka atu nā mea iēnei, oi na tofotofo ai e te Atua te fakatuatua o Apelaamo ma vāgana vē mai ki ei, “Apelaamo!” Na tali atu ia Apelaamo, “Io, ko au tēnei!”#Epe 11.17-19

2Kua lea mai te Atua, “Kave tō ataliki, tēia e alofa koe ki ei, tō ataliki e fokotahi ko Ihaako, ma olo ki te fenua ko Moliaha. I kinā, i luga o he mauga ka fakahino atu e au kia te koe, e ofo mai ai e koe tō ataliki ma tāulaga mū kia te au.”#2 NT 3.1

3I te tāeaopōpō na hohoko ai, na uhu ai ia Apelaamo oi tā mai ni fafie mo te tāulaga mū, ma uta ki luga o tana āhini. Oi na kave ai e ia tona ataliki ko Ihaako fakatahi ma ni kaukauna talavou e toka lua, kua olo ki te mea na vāgana mai te Atua kia te ia, ke olo ki ei. 4I tona tolu o aho o te lātou malaga, kae kitea atu e Apelaamo te koga e olo kilātou ki ei, ka koi mamao lele. 5Oi na lea atu ai ia Apelaamo ki ana kaukauna, “Nonofo vēnei ma te āhini. Ko au ma toku ataliki ka olo vē atu ki kō ke ofo atu he tāulaga ki te Atua, oi kua toe ōmamai ai kimāua.”

6Ma na tuku atu ai e Apelaamo nā fafie mo te tāulaga mū ke kavake e Ihaako, kae kua fano ia ma te naifi ma te motumotu ke tutu ai te afi. Ka koi hāvavali atu fakatahi kilāua, 7kae kua lea vē atu ia Ihaako, “Toku tamana!”

Na tali mai ia Apelaamo, “Io, toku ataliki?”

Oi na fehili atu ai ia Ihaako, “E kō kitea e iei te afi ma nā fafie, kae ko tēfea la te punuāmāmoe e fai ai te tāulaga mū?”

8Na tali atu ia Apelaamo, “Toku ataliki, ko te Atua lava te ka ia fōki maia he punuāmāmoe ke fai ai te tāulaga mū.” Ma na hāvavali fakatahi ai lava kilāua.

9I te papā atuga o kilāua ki te mea na fakahino e te Atua kia Apelaamo, oi na fau ai e Apelaamo he fata faitāulaga i kinā ma fālite nā fafie ki luga. Kua hāihai e ia nā vae ma nā lima o tona ataliki ko Ihaako, oi hiki ai e ia ki luga o te fata faitāulaga, ma tuku ki luga o nā fafie.#Iak 2.21 10Ma na tago atu ai tona lima ki te naifi oi hiki ki luga ke tāmate tona ataliki. 11Kae kua vāgana mai te āgelu a te Aliki mai te lagi kia te ia, “Apelaamo, Apelaamo!”

Na tali atu ia Apelaamo, “Io, ko au tēnei.”

12Oi na toe vē ifo ai te āgelu, “Ko nā lima o koe e hē paki ki te tama, pe fai e koe he mea kia te ia; auā kua iloa e au i te taimi nei ko koe e mataku ma e uhitaki ki te Atua, ma ko te mea ia kua hē kē tāofia ai tō ataliki e fokotahi, mai ia te ia.”

13Na tagaki ake ki luga ia Apelaamo ma taukikila ki ona itū, kae nā lava e teki ko he māmoe poa e lave i ona nifohua i he pupu lākau. Oi na kaumai ai e ia te māmoe poa kua ofo atu ma tāulaga mū, e hui ai tona ataliki. 14Na fakaigoa ai e Apelaamo te nofoaga tēnei kia “Ka fōki mai#22.14 fōki mai pe kitea e te Aliki.” Ma ke pa mai ki te aho nei, ko nā tino e lea, “I luga o te mauga o te Aliki, ka fōki mai#22.14 fōki mai pe kitea e ia.”

15Ma na toe vāgana mai te āgelu a te Aliki kia Apelaamo mai te lagi, ko te fakalua ia ma vē mai, 16“I toku lava igoa e tautō ai au,” kua vāgana ai te Aliki, “ka fakamanuia lahi lele koe e au. Auā kua kē faia te mea tēnei ma kua hē kē tāofia tō ataliki e fokotahi, mai ia te au.#Epe 6.13-14 17E takutino atu e au, ka fōki atu e au ni lāpuna e tokalahi mo koe, e vē ko te lahi o nā fetū i te lagi, pe ko nā fuā oneone i te matāfaga. Ka fakatōkilalo e nā lāpuna o koe o lātou fili.#Epe 11.12 18Ko mālō uma lele ka leamai kia te au, ke fakamanuia kilātou e vē ona kō fakamanuiagia nā lāpuna o koe—ona lava ko koe na uhitaki ki taku fakatonuga.”#Gāl 3.25 19Oi na toe liliu ai ia Apelaamo ma tona ataliki ki te mea nae fakatali mai ai ana kaukauna, ma na olo fakatahi ai ki Pelehepa; ma na nofo ai lava ia Apelaamo i kinā.

Ko nā Lāpuna o Nahoa

20Kua teka atu nā mea iēnei, oi na iloa ai e Apelaamo ko Mileka kua toka valu tana fānau ki tona uho ko Nahoa. 21Ko te ulumatua ko Uha, ma tona uho ko Puhu, ko Kemuelu te tamana o Alama, 22ko Hehe, ko Haho, ko Pilitati, ko Itilapa ma Petueli 23te tamana o Lepeka. Na fānau e Mileka nā ataliki e toka valu iēnei kia Nahoa, te uho o Apelaamo. 24E hē gata i tēnā, na iei foki te fānau a Nahoa mai ia Leuma tētahi o ana āvagapō; ko Tepa, ko Kahama, ko Tahaha ma Maaka.

Currently Selected:

Kenehe 22: TOKU

Highlight

Copy