Kenehe 19

Ko Hotoma te Kakai o Agahala

1I te taunuku atuga o nā āgelu e toka lua ki Hotoma i te afiafi, ko Lota nae nofo i te alapupuni o te kakai. Kua kitea atu e ia te toka lua oi na tū ai loa ki luga oi fakafeiloaki atu ki ei. Kua ifo ki lalo i mua o kilāua 2ma lea vē atu, “Nā tamana, afe mai kō ki te fale o te koulua kaukauna nei ke mālōlō ai i te pō, ma ke fulufulu oulua vae; oi kua toe āla vave ai i te tāeao ma fakaauau te koulua malaga.”

Kae na tali mai kilāua, “Hēai, ko kimāua e momoe i te pō nei i te malae i te kakai.”

3Kae na tauānau lava e Lota, oi na afe ai loa kilāua ki tona fale. Kua fakatonu e Lota ke tao ni falaoa hē fakafefetea ma ke hāuni he meakai lahi mo nā mālō, ma na kakai ai loa kilāua.

4Kae ko hēki momoe nā mālō, kae kua hiko fakatakamilo e nā tāulelea o Hotoma te fale. Ko nā tāulelea uma lele o te kakai, nā tino tamaiti ma nā tino mātutua nae iei uma. 5Kua taufōlua vē mai kilātou kia Lota, “Iēfea nā tamāloa na ōmamai oi momoe i tō fale i te pō nei? Kaumai ki fafo ke feuhuaki kimātou!” #Fkm 19.22-24

6Kua fano ia Lota ki fafo o te fale, kua tapuni te faitotoka 7ma lea vē atu ki nā tāulelea, “Te kau uho, ko au e talohaga atu. Nahe koutou faia kō ni uiga kino vēnā! 8Kikila, e toka lua oku afafine ko hēki momoe lele ma he tamāloa. Fakatali ke fano au oi kaumai kilāua kia te koutou, oi kua fai ai kiei hō he mea e fofou koutou ki ei. Kae nahe faia he mea ki nā tamāloa iēnei auā ni mālō e a aku i toku fale, ma e kō puipuia kilāua.”

9Kae na lea vē mai kilātou, “Fano kehe koe ki ko! Ko koe ko he tino kehe, kae hau koe oi fakatonu mai kimātou? Fano kehe loa nei ka ko hēki kimātou faia he mea kia te koe, e hili atu te kino i lo te mea e fai e kimātou ki te toka lua na ōmamai.” Oi na fēke ai ki tua e kilātou ia Lota, ma hōhō atu ke talepe te faitotoka ki lalo. 10Kae kua papae atu nā lima o nā tamāloa e toka lua i loto, oi toho mai ia Lota ki loto o te fale, ma tapuni te faitotoka. 11Oi na fakatāuaho ai e kilāua nā tāulelea uma nae i fafo, ma na hēki kilātou maua ai te faitotoka.#2 Tup 6.18

Kua Fano kehe ia Lota mai Hotoma

12Oi na lea atu ai te toka lua kia Lota, “Kāfai e iei ni iētahi tino o koe i kinei: ni ataliki, ni afafine, ni tamāloa e āvavaga ki ni afafine o koe, pe ni iētahi o tō kāiga e nonofo i te kakai, kave kehe uma kilātou ma kinei, 13auā ka fakaumatia e kimāua te nofoaga tēnei. Kua lagona e te Aliki nā mōliaga fakamātakutaku āgai ki nā tino iēnei, ma kua uga mai kimāua ke fakaumatia ia Hotoma.”

14Oi na fano ai ia Lota ki nā tāulelea na tuku e fakaipoipo ki ei ona afafine, ma lea vē atu ki ei, “Tutū nei loa ki luga oi olokehe vave; ka fakaumatia e te Aliki te kakai tēnei.” Kae na vēake te toka lua ko Lota e faileka ake.

15I te vaveao na hohoko ai, na taumafai nā āgelu ke fakatopetope kia Lota ma lea vē atu ki ei. “Tū loa ki luga, kave tau āvaga ma ō afafine e toka lua ma olo kehe vave, kae ke nahe feoti koutou kāfai te kakai e fakaumatia.” 16Ko Lota na fakatautū. Kae na tīgā alofa te Aliki kia te ia; oi na kave ai ia e nā tamāloa e toka lua, fakatahi ma tana āvaga, ma ona afafine e toka lua, ma tataki ki fafo o te kakai.#2 Pet 2.7 17Ma na lea vē atu ai kia te kilātou nā āgelu, “Fetutuli loa ke ola koutou! He tino lele nā toe tagaki ki tua pe tū i te vanu. Fētutuli ki luga o nā mea maugā, kae ke hao ai koutou.”

18Kae na tali atu ia Lota, “Hēai, hēai kō fakamolemole oku tamana; 19Kikila, kua fai e koulua he mea tāua lahi mo oku, ma kua fakaalia te koulua agalelei kia te au, i te kua fakahao e koulua o toku ola. Kae te mamao o nā mea maugā; e popoki mai lava au e te mala ma mate, ka ko hēki pa au ki ei. 20Kikila, e iei te tamā kakai tēnā e kitea atu. E pili mai ia. Tuku mai kō au ke fano ki ei—ko he nofoaga e taigole—ma ka hao ai toku ola i kinā.”

21Na tali mai te āgelu, “Kikila, ko au kua malie. E hē kō fakaumatiagia te tamā kakai tēnā e leamai ai koe. 22Fakavave loa! Vili loa ki ei, auā e hē kō faia he mea heiloga koe kua pa ki ei.”

Ona ko Lota na lea e taigole, na fakaigoa ai te tamā kakai tēnā kia Hoala.#19.22 Hoala Ko te igoa tēnei e tāli ve ko te fakaleoga o te kupu Epelu mo te taigole

Kua Fakaumatia ia Hotoma ma Komola

23I te taimi na pa ai ia Lota ki Hoala, ko te lā kua hopo ake ki luga. 24Oi na fakatō ifo ai e te Aliki te ua teiō mumū, ki luga o nā kakai ko Hotoma ma Komola#Mat 10.15; 11.23-24; Luk 10.12; 17.29; 2 Pet 2.6; Iut 1.7 25ma na fakaumatia ai nā kakai iēnei ma te vanu kātoa, fakatahi ai ma nā tino i kinā ma nā mea uma lele nae ola i luga o te kelekele. 26Kae ko te āvaga a Lota na toe tagaki ki tua, ma na līua ai ma pou māhima.#Luk 17.32

27I te tāeaopō na hohoko ai, na fano fakavave lele ai ia Apelaamo ki te mea nae tū ai ia i mua o te Aliki. 28Kua kikila ifo ki lalo ki Hotoma ma Komola ma te vanu kātoa, ma na ia kitea te ahu e fanake mai te kelekele, e vē he ahu e fanake mai he ogāumu lahi. 29Kae i te fakatāugāga e te Atua o nā kakai i te vanu nae nofo ai ia Lota, na manatua e ia ia Apelaamo, ma na ia tukua ai ia Lota ke hola ki te mea e hao ai.

Ko Lota ma Ona Afafine

30Ona ko Lota nae mataku oi nofo i Hoala, na olo ai ma ona afafine e toka lua ki luga o nā mea maugā ma nonofo i loto o he ana. 31Ma kua lea vē atu te teine matua ki tona uho, “Ko te tamana o kitāua kua matua, ma e hēai ni tāulelea i te fenua kātoa#19.31 te fenua kātoa pe te lalolagi ke fakaipoipo kitāua ki ei ke maua ai ni a tā tamaiti. 32Hau ke fakainu e kitāua to tā tamana ke konā, oi tā momoe ai ma ia kae ke maua ni a tā tamaiti e ala ia te ia.” 33Oi na fakainu ai e kilāua to lā tamana i te uaina i te pō tēnā; oi na fano ai te afafine matua oi momoe ma ia. Kae ko te tamana nae konā lele, ma hē ia iloa he mea.

34I te aho na hohoko ai, kua lea atu te teine matua ki tona uho, “Ko kimāua ma toku tamana na momoe i te pō; tā toe olo fakainu ke konā i te pō nei, oi fano ai koe ke momoe koulua, kae ke tofu ai kitāua ma te tamaiti mai to tā tamana.” 35Oi na toe fakainu ai foki e kilāua to lā tamana i te pō tēnā; oi na fano ai te uho tamaiti oi momoe ma ia. Ma nae konā lele foki te tamana ma hē ia iloa he mea. 36Oi na faitama uma ai nā afafine o Lota i to lā tamana. 37Na fānau e te afafine matua he tamaiti tāne, na fakaigoa e ia kia Moapi.#19.37 Moapi Ko te igoa tēnei e vē ko te fakaleoga o te kupu Epelu mo te mai toku tamana Ko ia ko te tupuna o nā tino ha-Moapī ke pa mai ki te aho nei. 38Na fānau foki e te afafine tamaiti he tamaiti tāne, na fakaigoa e ia kia Penami.#19.38 Penami Ko te uiga o te igoa tēnei i te gagana Epelu ataliki o te tino o toku kāiga ma e vē ko te fakaleoga o te kupu Epelu mo te tino ha-Amonī Ko ia ko te tupuna o nā tino ha-Amonī ke pa mai ki te taimi nei.

Currently Selected:

Kenehe 19: TOKU

Highlight

Copy