Kenehe 14

Kua Fakahao e Apelamo ia Lota

1I nā aho o nā tupu e toka fa, ko Amalape o Papelonia,#14.1 Epelu Hinala E vēnā foki i te 14.9 ko Alioka o Elahala, ko Ketolaome o Elama ma Titala o Koimi, 2na tau ai te taua i te vā o kilātou ma iētahi tupu e toka lima: ko Pela o Hotoma, ko Piliha o Komola, ko Hinapa o Atamaha, ko Hemepe o Hepoima ma te tupu o Pela (pe ko Hoala). 3Ko nā tupu iēnei e toka lima na kau fakatahi ma tuku a lātou kautau i te Vanu o Hitima, tēia kua igoa nei ko te Tai Mate. 4E hefulu lua ia tauhaga nae tautua ai kilātou kia Ketolaome, ka ko tona hefulu tolu o tauhaga, na fakatuikehe ai kilātou kia te ia. 5I te hefulu fa o tauhaga, na fakatōkilalo ai e Ketolaome ma nā tupu na kaukau fakatahi ma ia, nā tino ha-Lepaimā i Ahetoleta Kalanaima, nā tino ha-Huhimī i Hamo, nā tino ha-Emimā i Haveha Kiliataima, 6ma nā tino ha-Holī i nā mauga o Etoma,#14.6 Epelu Heili He koga maugā i haute o te Tai Mate na nofo ai ia Ehau, te tupuna o nā tino Etoma ma tuliloa atu kilātou ke pa ki Ele Palana i te pito o te toafa. 7Oi toe liliu mai ai, kua toe foki ki Kateha (nae takua ko Ene Mihipata). Na fakatōkilalo e kilātou te fenua kātoa o nā tino ha-Amalekā ma nā tino ha-Amolī, nae nonofo i Hahona Tamala.

8Oi na fakatahitahi ai nā tupu o Hotoma, o Komola, o Atamaha, o Hepoima ma te tupu o Pela (pe ko Hoala), ma a lātou kautau i te Vanu o Hitima, ma na tau 9ai te taua i kinā ma te Tupu ko Ketolaome o Elama, te Tupu ko Titala o Koimi, te Tupu ko Amalape o Papelonia ma te Tupu ko Alioka o Elahala; e toka lima ia tupu ki te toka fa. 10Ko te vanu nae tumu i te lua kolotā, ma i te taumafaiga o nā tupu o Hotoma ma Komola ke hōhola kehe mai te taua, ko iētahi o kilātou na pākukū ki loto o nā lua kolotā, ka ko iētahi na hōhola ki luga o nā mauga. 11Oi na kave ai e nā tupu e toka fa nā mea uma lele i Hotoma ma Komola, vēnā ma nā meakai, ma toe olokehe ai. 12Ko Lota, te ataliki o te uho o Apelamo, nae nofo i Hotoma, oi na kave foki e kilātou ia Lota, fakatahi ma ana meatōtino uma.

13Kae nae iei he tamāloa na mafai ke hola kehe, ma na fano oi taku kia Apelamo te Epelu, tē nae nofo tafapili ki nā aoa#14.13 pe telepini pe lākau tapu o Mamele te ha-Amolī. Ko Mamele ma ona uho ko Ehekoli ma Anela, nae kau fakatahi ma Apelamo. 14I te fakalogoga o Apelamo ko te ataliki o tona uho kua puke fakapāgotā, oi na fakapotopoto ai e ia nā tāulelea uma i loto o tona kaukāiga kua uma te koleni ke tau, e kātoa te 318 fakatahi uma, ma na olo ai oi tuliloa nā tupu e toka fa, ke pa lele ki Tanu. 15I kinā na vāevae vāega ai nā tāulelea, ma ohofaki e kilātou te fili i te pō, ma na fakatōkilalo ma tuliloa e ia kilātou ke pa ki Hopa, i te itū ki mātū o Tamaheko, 16ma na toe kaumai uma lele ai nā koloa na kilātou kavea. Na ia toe kaumaia foki ia Lota ma ana meatōtino uma, vēnā ma nā fafine ma iētahi tino na kave fakapāgotā.

Kua Fakamanuia ia Apelamo e Melekiheteka

17I te liliu ifoga o Apelamo ina kua uma te fakatōkilalo e ia o Ketolaome ma nā tupu nae kau fakatahi ma ia, na fano ai te tupu o Hotoma ke fakafeiloaki ki ei i te Vanu o Haveha (e takua foki ko te Vanu o te Tupu). 18Ma na kaumai e Melekiheteka te tupu o Halema, ma ko he ohitāulaga foki e a te Atua Hilihilikehe, ni falaoa ma ni uaina kia Apelamo, #Epe 7.1-10 19ma fakamanuia atu kia te ia, ma lea ve atu,

“Ke fakamanuia ia Apelamo e te Atua Hilihilikehe,

tē na faia te lagi ma te lalolagi!

20Ke vīkia te Atua Hilihilikehe,

tē na ia fōkiatua te manumālō mai ō fili!”

Ma na fōki ai e Apelamo kia Melekiheteka, te tahi-vae-hefulu o nā koloa uma na ia toe kaumaia.

21Kua lea atu te tupu o Hotoma kia Apelamo, “Kave mā koe nā koloa uma iēnā, kae tuku uma mai oku tagata.”

22Kae na tali mai ia Apelamo ki te tupu o Hotoma, “Kua uma toku tautō ma te fakamāoni ki te Aliki te Atua Hilihilikehe na faia te lagi ma te lalolagi, 23ka hē kō tāofia lele hau mea e fokotahi, ke pa ki he meafilo pe he nonoa o he hēvae. Kae ke hē mafai lele ai koe ke lea vē, ‘Ko au te na tamaokāiga ai ia Apelamo.’ 24Ka hē kō kavea he mea e fokotahi mo au, kae vāganā ai nā mea kua fakaaogā e nā tāulelea na olo kimātou, ia Anela, Ehekoli ma Mamele, ke kave ni o lātou vāega.”

Currently Selected:

Kenehe 14: TOKU

Highlight

Copy