Kenehe 10

Nā Lāpuna o nā Ataliki o Noa.

(1 NT 1.5-23)

1Ko nā lāpuna iēnei o nā ataliki o Noa, ko Hemu, ko Hamo ma Iafeta. Ko te toka tolu tēnei na fānanau o lātou ataliki i te kua teka o te lolo.

2Ko nā ataliki o Iafeta—ko Gomele, ko Magogo, ko Matai, ko Iavana, ko Tupala, ko Meheke ma Tilaha—ko nā tupuna iēnei o nā tino na fakaigoa ki o lātou igoa. 3Ko nā lāpuna o Gomele ko nā tino o Ahekenaha, o Lipata ma o Togamaha. 4Ko nā lāpuna o Iavana ko nā tino o Elihaha, o Tahihi, o Kupulona ma o Lotono; 5ko kilātou nā tupuna o nā tino nae nonofo tafapili ki te tai ma i nā motu. Ko kilātou iēnei ko nā lāpuna o Iafeta, nae nonofo kehekehe fai puikāiga ma i atunuku kehekehe, ma na tofu foki lava te vāega ma tana gagana.

6Ko nā ataliki o Hamo: ko Kuhu, ko Aikupito, ko Lipue ma Kanana—ko nā tupuna iēnei o nā tino na fakaigoa ki o lātou igoa. 7Ko nā lāpuna o Kuhu, ko nā tino o Hepa, o Havila, o Hapataha, Laama ma Hapateka. Ko nā lāpuna o Laama ko nā tino o Heepa ma Tetana. 8Nae iei he ataliki o Kuhu ko Nimalota te igoa, ma ko ia te toa mālohi ma takutakua muamua i te lalolagi. 9I te fehoahoani a te Aliki na kavea ai ia ma tagata tulimanu takutakua, ma ko tēia e iei ai te fakakupuga e vē, “Ke alofa te Aliki ke kavea koe ma tino tulimanu takutakua e vē ko Nimalota!” 10Na fakavae tona mālō i te fenua ko Papelonia,#10.10 Epelu Hinala ma nā kakai ko Papelona, Eleke, Akata, ma Kalanehe. 11Mai te fenua tēnā, na fano ai ki Ahulia ma fakatū nā kakai ko Nineva, ko Lehopo Ili, ko Kalaha, ma 12Lehene i te vā o Nineva ma te kakai takutakua ko Kalaha.

13Ko nā lāpuna o Aikupito ko nā tino o Lutimi, o Anami, o Lehapi, o Napatuhi, 14o Pataluhi, o Kahaluhi ma o Kelete, na tupuga mai ai nā tino Filihitia.#10.14 Ko te tuhituhiga e ono vē ma o Kelete… tino Filihitia Epelu mai ia te kilātou na tupuga mai ai nā tino Filihitia ma nā tino Kelete

15Ko nā ataliki o Kanana; ko Haitonu te ulumatua, ma Hete—ko nā tupuna iēnei o nā tino na fakaigoa ki o lātou igoa. 16Ko Kanana ko te tupuna foki ia o nā tino ha-Iepuhī, ha-Amolī, ha-Kikahī, 17ha-Hivī, ha-Alakī, ha-Hinī, 18ha-Alavatī, ha-Hemalī, ma ha-Hamatī. Mulimuli ake oi na halalau ai nā puikāiga kehekehe o ha-Kananā. 19Ma ko te fenua o nā tino ha-Kananā e fanatu mai Haitonu āgai ki haute ki Kelala, ke tau ki Kaha, ma āgai ki hahae ki Hotoma, Komola, Atamaha, ma Hepoima, ke tau ki Leha. 20Ko nā lāpuna iēnei o Hamo, nae nonofo i o lātou puikāiga kehekehe ma i nā atunuku kehekehe, ma na tofu foki lava te vāega ma tana gagana.

21Nae iei foki nā ataliki o Hemu, te uho matua o Iafeta, ma ko ia te tupuna o nā fānau uma a Epele. 22Ko nā ataliki o Hemu—ko Elama, Ahulu,#10.22 Ahulu Ko te kupu Epelu ia mo Ahulia (kikila foki ki te 10.11) Alapahata, Lutu ma Alama—ko nā tupuna iēnei o nā nuku na fakaigoa ki o lātou igoa. 23Ko nā lāpuna o Alama ko nā tino ia o Uhu, Hulu, Ketele ma o Maha.#10.23 Maha Ko iētahi tuhituhiga e leamai Meheke 24Ko Alapahata ko te tamana ia o Helaha, ma ko Helaha ko te tamana ia o Epele. 25E toka lua ia ataliki o Epele; ko tētahi ko Peleke,#10.25 Peleke Ko te igoa tēnei e tali tutuha ma te fakaleoga o te kupu Epelu ko tona uiga vāevae auā i te vāitaimi tēnā ko tagata o te lalolagi na vāevae ki ni gagana kehekehe. Ko tētahi ona ataliki ko Iokatana. 26Ko nā lāpuna o Iokatana ko nā tino o Alamota, Helepa, Hahamave, Ialaha, 27Hatolama, Uhala, Tikila, 28Opala, Apimaeli, Heepa, 29Ofila, Havila ma Iopapa. Ko kilātou uma iēnei na tupuga mai ia Iokatana. 30Ko te fenua nae nonofo ai e kāmata mai i Meha ke tau ki Hefala i te fenua maugā i te itū ki hahae. 31Ko nā lāpuna iēnei o Hemu, nae nonofo i o lātou puikāiga kehekehe ma i atunuku kehekehe, ma na tofu foki lava te vāega ma tana gagana.

32Ko nā kāiga iēnei o nā ataliki o Noa, e tuha ai ma o lātou gafa i o lātou nuku; ma e mai ia te kilātou uma iēnei na fakavae ai ia atunuku o te lalolagi, i te kua teka o te lolo.

Currently Selected:

Kenehe 10: TOKU

Highlight

Copy