Kalatia Fakatomuaga
Fakatomuaga
Ka kua kāmata oi tālaki te Tala Lelei e uiga kia Iehu ma kua talia fiafia e nā tino e hē ni Iutaia, ka kua fai te fehili pe ko te mea e fātoā mafai he tino ke kavea ma Kelihiano moni, pe kāfai e uhitaki ki te Tūlāfono a Mohe. I te tāofi o Paulo e hēai—ma ko te meamoni, oioti lava te fakavae lelei mo he olaga ia Keliho, ko te fakatuatua kia Keliho, ma ko te auala ia e mafai ai ke fakalelei te vā o tagata uma ma te Atua. Kae e iei ni tino i nā Ekalehia i Kalatia, ko he itūmālō Loma i Ahia Taigole, e teteke kia Paulo ma lea, e tatau foki ke tauhihi ki te Tūlāfono a Mohe oi fātoā mafai ai he tino ke fakalelei tona vā ma te Atua.
Ko te Tuhi a Paulo ki nā Tino i Kalatia na tuhi kae ke toe kaumai ai ki te tāpuakiga moni, nā tino kua fakahehē e te akoakoga pepelo tēnei. E kāmata te tuhi a Paulo i tana fakamatalaga e fakamanino ai ko ia ko he apohitolo e a Iehu Keliho. Ko te kalaga kia te ia ke kavea ma apohitolo e mai te Atua, kae e hē mai tagata, ma ko tana gāluega e fakapitoa lava mo tagata e hē ni Iutaia. Oi fakamālamalama ai e ia, ko te fakatuatua oioti lava te mafai ai ke fakalelei te vā o tagata ma te Atua. I nā toe matākupu, e tākua ai e Paulo ko nā uiga faka-Kelihiano e tupu mai i te alofa tēia e maua ona ko te fakatuatua kia Keliho.
Fakahologa o nā vāega o te Tuhi
Fakatomuaga (1.1-10)
Ko te pule a Paulo te apohitolo (1.11—2.21)
Te tala lelei ki te alofa tūnoa o te Atua (3.1—4.31)
Te haolotoga e maua ia Keliho ma nā tiute o te Kelihiano (5.1—6.10)
Fakaikuga (6.11-18)
Currently Selected:
Kalatia Fakatomuaga: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust