2 Kolinito 13
13
Ko nā toe Lapatakiga
1Ko te tolu tēnei o taimi e fanatu ai au oi āhiahi atu kia te koutou. E vē oi lea mai te tuhituhiga paia, “Ho he mōliaga, e tatau ke fakamāonia i te molimau a ni tino e toka lua pe hili atu.” #Teu 17.6; 19.15 2Ko au e fia lea atu kia te koutou iēnā nae agahala i te taimi kua teka, vēnā ma iētahi tino uma; na lea atu au i te mea tēnei i te lua o taimi na āhiahi atu ai au, kae ka toe lea atu au i te taimi nei kua hē i kinā ai au: ko tētahi taimi e fanatu ai au, e hēai he tino e fakahaoa mai te fakahalaga. 3Kua ia te koutou nā fakamāoniga uma ko Keliho e tautala kui atu ia te au. Ko Keliho e hē vāivai kāfai e fakatonu e ia koutou, kae e ia fakaalia tona mālohi i te fakatahi o ia ma koutou. 4Auā e ui lava ko te vāivai o ia te na fakahātaulo ai, kae ko te mana o te Atua te ola ai nei. I te māfutaga ma ia, ko kitātou foki e vāivai; kae i te mātou hokotaga ma koutou, ka maua fakatahi ai e kitātou te mana o te Atua i te ola o Keliho.
5Kikila ifo koutou kia te koutou lava, ma hukehuke ifo pe koi tūmau te fakatuatua o koutou. E moni nei lava e hē koutou iloa ko Keliho Iehu e iei fakatahi ma koutou—vaganā ai la pe kāfai kua matuā pakū lava koutou i te hukega. 6E talitonu au ka koutou iloa ko kimātou e hēki pakukū lele i te hukega. 7Ko kimātou e tatalo ki te Atua, ke nahe koutou faia nā mea hehē—e hē ona ke fakaalia ai ko kimātou kua pāhi i te hukega, kae ke mafai ai ke fai e koutou te mea e tonu, e ui lava e vē ka ono fōliga ai ko kimātou e hēki pāhi. 8Auā e hēai he mea e mafai ke fai e kitātou ke teteke ai te meamoni, kae nā ko te lagolago ki ei. 9Ko kimātou e fiafia kāfai kimātou e vāivai kae mālolohi koutou. Ma ko kimātou foki la e tatalo ke hili atu te tūlaga ka iei ai koutou. 10Ko au kua tuhi atu nei ka ko hēki fanatu au, kae ke pa atu ki te taimi e fanatu ai au, ka hē hona fakaaogā e au kia te koutou, te pule kua tuku mai e te Aliki kia te au—te pule ke fakamākekeke ai koutou, kae hē ke fakavāivai ai.
11Ma i te taimi nei la, ko au e fakatōfā atu kia te koutou oku uho. Hui autou āmio ma fakalogo ki nā mea kua lea atu ai au. Fealofani ma ola i te fīlēmū, ma ka fakatahi te Atua o te alofa ma te fīlēmū ma koutou.
12Fakafeiloaki tētahi e tētahi i te feāhogi o te fīlēmū.
E momoli atu nā alofaaga o nā tino uma o te Atua i kinei mo koutou.
13Ke ia te koutou uma te alofa tūnoa o te Aliki ko Iehu Keliho, te alofa o te Atua, ma te māfutaga ma te Agaga Paia.
Currently Selected:
2 Kolinito 13: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
