Ehoto 37
37
Te Fauga o te Puha o te Feagaiga
(Eho 25.10-22)
1Na fau e Pehaleli te Puha o te Feagaiga i te lākau ko te hitahi, e 110 henitimita te loa, e 66 henitimita te lauefa, ma 66 henitimita te maualuga.#37.1 Epelu 2.5 kūpita te loa, 1.5 kūpita te lauefa, ma 1.5 kūpita te maualuga 2Na tatao e ia ia loto ma fafo o te puha i te aulo mamā, ma fai he teuteu aulo fakatakamilo i nā itū uma. 3Na fai e ia ni mama aulo ke hiki ai te puha, ma fakapipiki ki ona vae e fa, e taki lua i te itū. 4Na fai ai e ia ni amo i te lākau ko te hitahi ke hiki ai ma tatao i te aulo, 5ma hulu ai ki loto o nā mama aulo i nā itū takitahi o te puha. 6Na fai e ia he tāpuni#37.6 tāpuni pe nofo o te alofa fakahao E vēnā foki i nā fuaikupu 8, 9 i te aulo mamā, e 110 henitimita te loa, ma 66 henitimita te lauefa. 7Na tuki e ia i te aulo ni kēlupi e lua, 8e takitahi mo nā pito e lua o te tāpuni. Na ia faia nā kēlupi ke kavea ko he vāega e tahi ma te tāpuni.#37.8 tāpuni kikila ki te 37.6 9Ko nā kēlupi nae fakahaga tētahi ki tētahi i luga o te tāpuni, ma o lā kapahau e tatala ma tatao uma ai te tāpuni.#37.9 tāpuni kikila ki te 37.6
Te Fauga o te Laulau mo te Falaoa e Ofo atu ki te Atua
(Eho 25.23-30)
10Na fai foki e ia te laulau i te lākau ko te hitahi, e 88 henitimita te loa, e 44 henitimita te lauefa, ma 66 henitimita te maualuga. 11Na tatao e ia i te aulo mamā, ma fai he teuteu aulo fakatāmilo i nā pito o te laulau. 12Na ia faia foki he laupapa e fakatāmilo i nā pito o te laulau, e 75 milimita te lauefa, ma tuku he teuteu aulo i nā pito. 13Na fai e ia ni mama aulo e fa ke hiki ai, oi tamau ai ki nā tulimanu e fa, e iei ai nā vae. 14Ko nā mama e hulu ki ei nā amo e hiki ai te laulau, na fakamau ki tafa o te laupapa e fakatāmilo i nā pito o te laulau. 15Na fai e ia nā amo i te lākau ko te hitahi ma na tatao ai i te aulo. 16Na fai foki e ia nā ipu i te aulo mamā mo te laulau: nā peleti, nā ipu inu, nā hiā ma nā tānoa e fakaaogā mo te tāulaga uaina.
Te Faiga o te Tūgālāmepa
(Eho 25.31-40)
17Na fai e ia te tūgālāmepa i te aulo mamā. Na fai e ia tona pogati ma ona lālā i te aulo na tuki; ko ona tiale teuteu, fakatahi ma ona kafa ma lautiale, na kavea ko he mea e fokotahi.
18E ono ia lālā na hau mai ona itū, e taki tolu i te itū. 19Ko nā lālā takitahi e ono nae tofu ma nā tiale teuteu e taki tolu, nae fakafōliga ki nā tiale o te haketi, fakatahi ai ma nā kafa ma nā lautiale. 20I te tino o te tūgālāmepa, nae fa ia tiale teuteu e fakafōliga ki nā tiale o te haketi vēnā ma nā kafa ma nā lautiale. 21I lalo ifo o nā lālā taki magalua e tolu, nae iei ai ni kafa e takitahi i nā itū e lua. 22Ko nā kafa, nā lālā, ma te tūlaga, na tuki i te aulo mamā ke kavea ko he mea e fokotahi. 23Na fai e ia ni mōlī e fitu mo te tūgālāmepa, ma na ia faia foki ona iofi tāmate mōlī ma o lātou apa e tuku ai, i te aulo mamā. 24Na fakaaogā e ia te aulo mamā e tuha ma te 35 kilokalama te mamafa, ke fai ai te tūgālāmepa ma nā mea uma na fakaaogā ki ei.
Te Fauga o te Fata Faitāulaga e Huhunu ai nā Meamanogi
(Eho 30.1-5)
25Na fau e ia he fata faitāulaga i te lākau ko te hitahi, ke huhunu ai nā meamanogi. Nae fakatāfafā, ma e 45 henitimita te loa, 45 henitimita te lauefa, ma iva hefulu henitimita te maualuga. Ko ona nifohua i nā tulimanu na fai i te lākau lava e fokotahi na fau ai, ma na kavea ai ko he mea e fokotahi. 26Na tatao e ia i te aulo mamā ia luga o te fata faitāulaga ma ona itū e fa, ma vēnā ma ona nifohua; ma na ia faia foki ni teuteu aulo e fakatakamilo ai. 27Na fai e ia ni mama aulo ma na fakapipiki ki lalo o nā teuteu i nā itū e lua, ke hulu ki loto nā amo e hiki ai. 28Na fai e ia nā amo i te lākau ko te hitahi ma na tatao i te aulo.
Te Faiga o te Lolo Fakauku ma nā Meamanogi
(Eho 30.22-38)
29Na ia faia foki te lolo fakauku paia, ma nā meamanogi mamā ma manogi lelei, na palu e vē ko te hauhau.#Eho 30.22-38
Currently Selected:
Ehoto 37: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
