Ehoto 11
11
Kua Folafola e Mohe ko nā Ulumatua uma ka Feoti
1Oi vāgana ai te Aliki kia Mohe, “Ko toe tahi lava te mala e fakatupu e au kia Falao ma tagata Aikupito. Kāfai e uma tēnā, oi ka ia tuku atua ai loa koutou ke olo. Ko te meamoni lava, ka ia tuli kehea koutou uma lele mai tona fenua. 2Fano nei loa oi tautala ki nā tino Ihalaelu uma lele. Lea ki ei ke olo ki o lātou tuākoi ma lea ki ei ke fakaaogā e koutou a lātou mea teuteu aulo ma hiliva.” 3Ma na fakatupu e te Aliki te loto alofa o tagata Aikupito ki tagata Ihalaelu. E hē gata i tēnā, na kavea ia Mohe ma tagata takutakua lahi, i te kikila a nā kaukauna ma tagata Aikupito uma.
4Kua lea atu ia Mohe ki te tupu ko Falao, “Ko te Aliki e lea mai, ‘I te vaeluaga o te pō nei, ko au ka fano ki nā koga uma o Aikupito, 5ma ko tamaiti tāne ulumatua uma lele i Aikupito ka feoti uma, e kāmata atu i te ataliki o Falao, tēia ka hui ki tona tamana i te nofoāliki, ke pa ki te ataliki o te fafine pologa e tukia te haito. Ka vēnā foki oi mamate nā ulumatua a nā manu fafaga uma. 6Ka faitatagi taukekē ia tagata i Aikupito kātoa, ma e hēki lagona lele he mea vēnei i luga o Aikupito talu mai, ma ka hē toe lagona lele foki. 7Kae ka totoka lele te mea e nonofo ai ia tagata Ihalaelu, e pa ki he maile ka hē ou lele ki he tino pe ki he manu. Ma ka iloa ai e koutou, ko au te Aliki, e fai e au te mea ke kitea ai te kehekehega o oku tagata ma nā tino Aikupito.’ ” 8Kua fakaauau te tautalaga a Mohe ma lea vē atu, “Ko nā kaukauna uma a koe ka ōmamai oi ifo mai kia te au, ma tauānau mai ke kave loa oku tagata ma olo kehe. Ma ka uma loa tēnā, oi ka fano kehe ai loa au.” Oi na fano kehe ai loa ia Mohe mai mua o Falao ma tona ita lahi.
9Kua vāgana atu te Aliki kia Mohe, “Ka tūmau pea te hē fakalogo atu o Falao kia te koe, kae ke mafai ai e au oi fai ni iētahi vāvega i Aikupito.” 10Na fakatino e Mohe ma Alona nā vāvega uma iēnā i mua o Falao, kae na fakamakaka e te Aliki te loto o Falao, ma na hēki fakataga e ia nā tino Ihalaelu ke olo kehe mai tona fenua.
Currently Selected:
Ehoto 11: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
