Efeho Fakatomuaga
Fakatomuaga
Ko te Tuhi a Paulo ki nā Tino i Efeho e muamua oi fakamamafa e ia te “fuafuaga a te Atua… ke tuku fakatahi nā mea uma lele na ia gaohia, nā mea uma i te lagi ma te lalolagi, ma kavea ai ia Iehu ke fai ma ulu” (1.10). E talohaga foki ki tagata o te Atua ke fakatino i o lātou olaga te uiga o te fuafuaga tāua tēnei, kae ke mafai ai ke tahi ia tagata uma o te lalolagi e ala ia Iehu Keliho.
I te vāega muamua o te tuhi ki nā tino i Efeho, e fatufatu e te tuhitala te matākupu e uiga ki te tahi o tagata uma, i te tākua e ia o te auala e filifilia ai e te Atua te Tamana ona tagata, te auala e fakamāgalo ma fakahaoloto ai mai a lātou agahala e ala ia Iehu Keliho te Ataliki, ma te auala e fakamāonia ai e te Agaga Paia te fuafuaga tāua a te Atua. I te vāega e lua, e fakatagi ki te kau faitau ke ola i te itūkāiga olaga e mafai ai ke kitea te moni o to lātou tahi ia Keliho.
E iei nā fakakupuga e fakaaogā ke kitea ai te tahi o tagata o te Atua i te māfutaga ma Keliho: ko te Ekalehia e vē ko he tino, ma ko Keliho ko te ulu; pe e vē o he fale, ma ko Keliho ko te fatu tulimanu; pe e vē ko he fafine, ma ko Keliho ko te tāne. Ko te tuhi tēnei e māina ātili ai te kikila a te tuhitala e tuha ai ma te alofa tūnoa o te Atua e ala Keliho. Ko nā mea uma lele e manino e ala i te alofa o Keliho, nā puapuagā na pa ia ki ei, te fakamāgaloga o nā agahala, tona alofa tūnoa, ma tona mamā kātoatoa.
Fakahologa o nā vāega o te Tuhi
Fakatomuaga (1.1-2)
Ko Keliho ma te Ekalehia (1.3—3.21)
Te ola fōu e ala ia Keliho (4.1—6.20)
Fakaikuga (6.21-24)
Currently Selected:
Efeho Fakatomuaga: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust