2 Kolinito Fakatomuaga
Fakatomuaga
Ko te Lua o Tuhi a Paulo ki nā Tino i Kolinito, na tūhia i he vāitaimi nae iei ai ni fakafītāuli i te vā o Paulo ma te Ekalehia i Kolinito. Na fāitiogia lahi ia Paulo e ni tino o te Ekalehia, kae kua fakaalia tona loto naunau mo he fakaleleiga, ma ia tākua te fiafia o tona loto kāfai e taunuku te mea tēnei.
I te vāega muamua o te tuhi, e fakamatala ai e Paulo te hokotaga a ia ma te Ekalehia i Kolinito, ma tākua ai te māfuaga na tali mālohi ai ia ki nā fāitioga a nā tino o te Ekalehia nae teteke ake kia te ia. Na fakaali tona fiafia ona ko tona tali mālohi atu ki nā mea iēnei, na iku ai oi maua te halamō ma te fakaleleiga. Oi fai ai tana talohaga ki te Ekalehia, mo he lātou fehoahoani ki nā tino Kelihiano mātitiva i Iutea. I nā toe matākupu, e tali atu ai ia Paulo ki ni tino i Kolinito e lea ko kilātou ko nā apohitolo moni, kae ko Paulo he apohitolo pepelo.
Fakahologa o nā vāega o te Tuhi
Fakatomuaga (1.1-11)
Ko Paulo ma te Ekalehia i Kolinito (1.12—7.16)
Ko te fehoahoani mo nā tino Kelihiano i Iutea (8.1—9.15)
Kua fakamālamalama e Paulo tana pule ko ia he apohitolo (10.1—13.10)
Fakaikuga (13.11-13)
Currently Selected:
2 Kolinito Fakatomuaga: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust