1 Kolinito 1
1
1Mai ia Paulo, tē na kalagagia e tuha ai ma te finagalo o te Atua ke kavea ma apohitolo a Keliho Iehu, ma to tātou uho ko Hohene—
2Ki te Ekalehia a te Atua i Kolinito, kia te koutou uma kua kalagagia e te Atua ke kavea ma ona tagata, i te māfutaga ma Keliho Iehu, fakatahi ai ma nā tino uma lele, pe ko fea lava e tāpuaki ai ki to tātou Aliki ko Iehu Keliho, te Aliki o kilātou vēnā ma kitātou.#Gāl 18.1
3Ke ia te koutou te alofa tūnoa ma te fīlēmū mai te Atua to tātou Tamana ma to tātou Aliki ko Iehu Keliho.
Ko nā Fakamanuiaga e Maua ia Keliho
4E fakafetai pea lava au ki te Atua mo koutou, ona ko tona alofa tūnoa kua maua e koutou e ala ia Keliho Iehu. 5Auā ko te māfutaga a koutou ma Keliho kua maua ai e koutou te tamaokāiga i ho he mea, e aofia ai nā kupu e tautatala ai koutou ma te mālamalama lautele. 6Ko te fekau e uiga kia Keliho kua mautū lelei ia te koutou, 7ma e hēki iei lele he meālofa faka-te-agaga e fokotahi ko hēki koutou maua, ka koi fakatalitali koutou ke fakailoa mai e te Atua to tātou Aliki ko Iehu Keliho. 8Ka ia tauhia pea lava koutou ke pa ki te ikuga, kae ke nahe iei lele he mea e hehē ai koutou, i te Aho o to tātou Aliki ko Iehu Keliho. 9Ko te Atua e fakamāoni, te Atua na kalaga atu kia te koutou ke māfuta fakatahi ma tona Ataliki ko Iehu Keliho, to tātou Aliki.
Ko Fevaevaeakiga i Loto o te Ekalehia
10I te igoa o to tātou Aliki ko Iehu Keliho, e lea atu ai au kia te koutou oku uho, ma toku loto naunau, ko koutou ke tahi i nā mea e tautatala ai koutou, kae ke nahe iei ai ni fevaevaeakiga ia te koutou. Ke tahi kātoatoa koutou, tahi te manatu ma tahi te fakamoemoe. 11Auā e iei nā tino o te kāiga o Koloe, kua kilātou taku hako maia kia te au, ko koutou oku uho, e tauaimiha. 12Ko te uiga o taku lea atu: Ko koutou tau toka tahi, e kehekehe nā mea e tautatala ai koutou. E lea tētahi, “Ko au e mulimuli kia Paulo”; ko tētahi, “Ko au e mulimuli kia Apolo”; ko tētahi, “Ko au e mulimuli kia Kefa”;#1.12 Kefa Ko he kupu i te gagana Alamaika e tutuha ma te igoa Petelu i te gagana Eleni, ko tona uiga papa ma tētahi, “Ko au e mulimuli kia Keliho.”#Gāl 18.24 13Ko Keliho kua uma te vāevae#1.13 Ko Keliho kua uma te vāevae Ko iētahi tuhituhiga e leamai Ko Keliho e hē mafai ke vāevae ki ni vāega! Ko Paulo nei te na mate i luga o te hātaulo mo koutou? Na papatiho nei koutou i te igoa o Paulo?
14Ko au e fakafetai ki te Atua e hēai he tino o koutou na kō papatihoa, vaganā ai ia Kilihipo ma Kaio.#Gāl 18.8; 19.29; Lom 16.23 15E hēai la he tino e mafai ke lea ko koutou na papatiho i toku igoa. 16(Io, na papatiho foki e au ia Hetefana ma nā tino o tona kāiga; kae e hē kō manatua pe iei hētahi tino na kō papatihoa.)#1 Kol 16.15 17E hēki uga maia au e Keliho ke papatiho. Na uga mai au e ia ke folafola te Tala Lelei, ma ke folafola e aunoa ma te fakaaogāga o te gagana a te poto faka-te-tagata, kae ke mautinoa ai ko te mate o Keliho i luga o te hātaulo, e hē mafai ke uma tona mālohi.
Ko Keliho te Mana ma te Poto o te Atua
18Auā ko te fekau e uiga ki te mate o Keliho i luga o te hātaulo, e hēai hona uiga kia te kilātou e tuku e fakaumatia; kae mo kitātou e tuku e fakaolagia; ko te mana tēnā o te Atua. 19E vē ona leamai ai te tuhituhiga paia,
“Ka fakahēaogā e au te poto o tagata popoto,
ma kave kehe te mālamalama o tagata mālamalama.”#Iha 29.14 (LXX)
20Ko te mea ia, heā te pa ki ei ia tagata popoto? pe ko tagata mālamalama? pe ko tagata popoto fai manatu o tēnei lalolagi? Kua fakaalia e te Atua ko te poto o te lalolagi ko te valea tēnā.#Iop 12.17; Iha 19.12; 33.18; 44.25
21Auā ko te poto o te Atua na ia faia ai ke nahe iloa ia e tagata i ho lātou lava poto. Kae e ala i te fekau e folafola e kimātou, tēia e lea nā tino e “valea,” na tonu ai i te Atua ke fakaola kilātou e talitonu. 22Ko tagata Iutaia e fofou ki ni vāvega ke fai ma fakamāoniga, ka ko tagata Eleni e hākilikili ki te poto. 23Kae ko kimātou, e kimātou tālakia ko Keliho na fakahātaulo. He fekau tēnei e feita ki ei ia tagata Iutaia ma lea ia tagata nukukehe e valea; 24kae mo kilātou kua kalagagia e te Atua, nā tino Iutaia fakatahi ma nā tino nukukehe, ko te fekau tēnei ko Keliho. Ko ia ko te mana o te Atua ma te poto o te Atua. 25Auā ko te mea e fōliga ko te valea o te Atua, ko te poto tēnā e hili lele atu i lo te poto o te tagata, ko te mea foki e fōliga ko te vāivai o te Atua, ko te mālohi tēnā e hili lele atu i lo te mālohi o te tagata.
26Ko te mea ia te kau uho, māfaufau ake pe nae ni tino vēhea koutou i te taimi na kalaga atu ai te Atua kia te koutou. I te kikila faka-te-tagata, e hē tokalahi koutou nae popoto, pe nae i ni tūlaga maualuluga, pe na ōmamai i ni kāiga aliki. 27Na filifili lava e te Atua te mea e talitonu te lalolagi e hēai he uiga, kae ke takuvalea ai nā tino popoto; ma na filifili e ia te mea e talitonu te lalolagi e vāivai, kae ke takuvalea ai nā tino i nā tūlaga maualuluga. 28Na filifili e ia te mea e fakatauvā ma inoino ki ei te lalolagi ma manatu ai e hēai hona uiga, kae ke fakahēaogā ai nā mea e manatu te lalolagi e tāua. 29Ko tona uiga, e hēai lele he tino e tatau ke fāfia i mua o te Atua. 30Kae kua kaumai koutou e te Atua ki te māfutaga ma Keliho Iehu, ma kua fai e te Atua ia Keliho ke kavea ma o tātou poto. E ala ia Keliho, kua mafai ai ke fakalelei to tātou vā ma te Atua; kua fai ai kitātou ma tagata paia o te Atua, ma kua maua ai e kitātou te haolotoga. 31Ko te mea ia, e vē oi leamai te tuhituhiga paia, “Ko ai lava e fia fakaali hona fāfia, e tatau ke fāfia i te mea kua fai e te Aliki.”#Iel 9.24
Currently Selected:
1 Kolinito 1: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
