Popular Bible Verses from 1 Kolinito 1

Share

Na filifili lava e te Atua te mea e talitonu te lalolagi e hēai he uiga, kae ke takuvalea ai nā tino popoto; ma na filifili e ia te mea e talitonu te lalolagi e vāivai, kae ke takuvalea ai nā tino i nā tūlaga maualuluga.

Auā ko te fekau e uiga ki te mate o Keliho i luga o te hātaulo, e hēai hona uiga kia te kilātou e tuku e fakaumatia; kae mo kitātou e tuku e fakaolagia; ko te mana tēnā o te Atua.

Auā ko te mea e fōliga ko te valea o te Atua, ko te poto tēnā e hili lele atu i lo te poto o te tagata, ko te mea foki e fōliga ko te vāivai o te Atua, ko te mālohi tēnā e hili lele atu i lo te mālohi o te tagata.

Ko te Atua e fakamāoni, te Atua na kalaga atu kia te koutou ke māfuta fakatahi ma tona Ataliki ko Iehu Keliho, to tātou Aliki.

I te igoa o to tātou Aliki ko Iehu Keliho, e lea atu ai au kia te koutou oku uho, ma toku loto naunau, ko koutou ke tahi i nā mea e tautatala ai koutou, kae ke nahe iei ai ni fevaevaeakiga ia te koutou. Ke tahi kātoatoa koutou, tahi te manatu ma tahi te fakamoemoe.

Ko te mea ia, heā te pa ki ei ia tagata popoto? pe ko tagata mālamalama? pe ko tagata popoto fai manatu o tēnei lalolagi? Kua fakaalia e te Atua ko te poto o te lalolagi ko te valea tēnā.