Thodŏpho 28

Dèòsô̆wô̄ d́ŏ Maltakhò̆htĭkho nu

1Wô hlô̆htaphlòhta hwă khaĺè wi thîhè̆kò̆ khò̆htĭkho ami ḿî Mò̆lta nu. 2Khò̆htĭkhopho tòcò tcaikhwèi èzènègè wa. Zo jo zè kègè wa kî b́òlanigè wa hmîdo dèphè, manè̄ d́ō, hwèzugè akhoacè̆ acosôgè. 3Păulu d́a hwă hô tôb́ô, ze ge sô̆gè̄lagè. B́ĕnu hmî gob́ègè galapumo apîkî̆glo cu cukhò tòb́ò̆ cògè cè. 4Khò̆htĭkhopho tòcò tcahtî wu aòbèzwè̄la cu cukhòlò d́ō, cò d́òhlè lōwa, “Bija ajo dèbwè ḿî amèthĭ bija lòmò̄. Zô hlô̆hta nòthò̆ pèllèhtĭ hnò̆nu, zô dô hlô̆htab́è tèpwè Kib́ĭcè adècirra ńò,” cò d́ò lōwa do. 5Barasă Păulu duhtru ladēnī hwă wu d́ŏ hmîklè̆ nu d́ō, cò ò thăbrācwi tèpwè lò. 6Ḿî khò̆htĭkhopho tòcò òsô̆wô̄i cè, agā tcahtî zò hjòhta hwă gephlòthĭ taplakhă lò nu. Cò òsô̆wô̄i òjî̄òkja nòthò̆ d́ō, dimĭ dè mègè Păulu ńò acè̆, cè tòcò b́ăkhlè hwă adègomo kî cò d́ògè lōwa, “Cè ḿî b́icè dèbwè!” dòkhò̆.

7D́ŏ awēawă ḿî khò̆htĭkho awēbrā ami ḿî Publĭus dèbwè alākho. Zo jo hi jo phă wa kî b́oab́oò̆gè wa thŏthè̆ adābu. 8Publĭus ca pa ògè d́ŏ leḿĭkho, zi scwi kî zu phŭlegè. Păulu lehtî cè d́ŏ hid́obu, thèb́è̆hta zi nikhĭ, zè htèla cu cukhò lōwa ako kî mèhmagegè cè. 9Bwèsè̆ alewe tòcò le kî nib́ègè dèmèhmage. 10Bija tòcò d́ŏb́èjab́ègè wa azî̄azô̄ kî b́ĕ we le d́ŏ ahlò̆mò̄ nu, cè tòcò b́è̆hta nī wi nikhĭ dèadèò̆ sô̆isèi d́ŏ thè̆bò abu nu.

B́ĕ Malta do d́ŏ Rŏma nu

11Thŏhlè̆ phlòtôlô hwă wò d́ògè thè̆bò aò d́ŏ Alèssăndria u ale, ami ḿî “B́ĭcè Thokŏ,” htè aòsòd́è̆ d́ŏ khò̆htĭkho akho b́ĕ dèhòkhè̆ thèd́è̆khè̆ nu. 12Wò òsòd́è̆ d́ŏ Sĭrakŭsa u nu thŏthè̆ be. 13Wa htakô khò̆zawa htô̆do d́ŏ Rhegium u nu. Wò ò hwă d́ŏnu dini, Gīlli ò lò̄htè adobōgè kî gīthè̆ tèthè̆ nu, we legè d́ŏ Putĕoli u nu. 14D́ŏnu wa tcahtîgè ab́udè tòcò kî zo jodagè wa d́ō, wò òdakôgè ca kă dòsòd́è̆ adābu nu. Hwă d́ō we legè d́ŏ Rŏma u nu. 15Ab́udè aò Rŏma u bu tòcò thîhè̆b́è wî wî wè kè̆ d́ō, cè tòcò lescĭgè wè klè htô̆ ado d́ŏ u htè ami ḿî Appĭus adèbwîdèsè̆ alle nu kî Tî̆tèmè̆ Ahi thŏ wa nu. B́ĕ Păulu tcahtî cè tòcò nu, za htăhtai Kib́ĭcè kî nikhoniăgè pwĕdimi.

D́ŏ Rŏma U nu

16B́ĕ we ledo Rŏma u nu, Păulu nib́è akhwè d́ŏ akò ò ladū è̆, kî klĭpho dôi cè ò dèbwè lò.

17Thŏni hwă zo jo ladēplogè Jŭdapho akhoane tòcò nu. B́ĕ bija tòcò ladēplo lōwa nu, cò d́ò lōwa tòcò, “Ŏ thè̆buwe tòcò, ja da htad́ĕd́ò nòthò̆ wa khwĭpho anuad́ò̆ kî mocè̆phè̆do tòcò dimĭ ńò hnò̆nu, jè b́èphògè d́ŏ Jerŭsalèm u bu nu kî b́è ilagè d́ŏ Rŏmapho tòcò acukhòbu nu. 18Bija tòcò htôtcad́è̆tca hwă jè d́ō, ca ta tcahtî jè dèkèḿè atani dèthĭ dimĭ ńò d́ō, zò thamò̆ b́ăplè tèpwè jè. 19Barasă Jŭdapho tòcò htadohtaragè acè̆, akèhtakò̆ jo johtab́è Caĕsarè, tèb́è jè gè̄ mèhmŭdura ji khwĭpho tòcò nu ńò. 20Mègōnu akhoacè̆, Ja dagè agā tcahtî kî jî̄b́èhtî thĭ ḿî d́ŏ Israè̆l adèsascĭi anikhĭ jô plôb́èkò̆ htaĺabi ajo,” cò d́ò̆sa lōwa tòcò do.

21Cè tòcò d́òscĭge cè, “Wi di nib́ègè d́ŏ Judĕage ab́èkja nî wî nè kè̆ cè tè B́è ńò, bija akò d́òkè̆d́òô nè ḿî ḿî tò pòhtahtî wa dèbwè̆ ńò ńò. 22Wo gomo ḿî akè è d́okhlŏ ḿî ńò d́ò̆sa wa nî wî nè kè̆ dòkhò̆, manè̄ d́ō, wî thîhè̆ gudŭ ḿî gŏlālā bija tòcò d́ò htakhokăgè bija ajo dopho, htè ab́èkja nè nu,” cè tòcò d́ò lōwa do.

23Bija tòcò ja la hwă muni dini, bija aboahò lehtîgè Păulu d́ŏ cò ò sò̆dūsòd́è̆ alle nu. Păulu d́ò̆htôla dè d́ŏ lumuwò do d́ŏ dèkhi nu, cò d́ò̆sagè lōwa tòcò dè awîakè̆, kha thè̆thî Kib́ĭcè Ahtĭage anikhĭ, cwinī cè tòcò d́ŏ Jezŭ Krĭstu aò, phîb́age d́ŏ Mŏzè Adèhmèla kî Prò̆fèt tòcò adèhwela abu nu. 24Tòcò cò phînigè ḿî òè̆bwè tu b́ugè ńò. 25Păulu adèd́ò̆sa agudulă domo ḿî, “Spirito Tcahtĭ d́ò̆sa hmahma thĭ d́ŏ Prò̆fèt Izaĭah alòmò bu gō jo; 26cò d́ògè;

Lebò̄ htĭge ajo kî d́òbò̄;

Thĭ gō sòkhĕńe kî sòkhĕńe, ḿî gî̄ dî thîhè̆kò̆ ńò;

tca hwă kî tca, ḿî da tcahtî ńò,

27manè̄ d́ō, bija ajo dikhwĭ atha ḿî athĭgè.

Zi nigu toŏgè,

kî ci b́ilagè za gādŭ;

d́ŏ cè b́èhjŏ za gā tcahtîkô d́ŏ za gādŭphlo;

thîhè̆kô d́ò̆ zi nigu;

gò̄ dòniphînid́ò̆ d́ŏ ca thabu,

d́ō ka b́ăkhlèhta

kî gī nib́è d́ò̆ Jè dèmèhmage nu.”

28Thîhè̆bò̄ kha, htè Kib́ĭcè adèhlô̆htage b́è thè̆le htŏ d́ŏ bwèthŭkupho tòcò ò kî cè tòcò gō sòkhĕńekò̆. 29(Păulu d́ò hwă dè gōjo d́ō, Jŭdapho tòcò hèhtagè, kî darahlèsôgè lōwa.)

30Gīd́e adābu Păulu ngā ògè bija ahi lò. Gajă bija alehtî cè tòcò nu, zo jo hi jo phă èzènè gŏ abwè lò. 31Cò d́òŭd́ò̆sa lōwa tòcò Kib́ĭcè Ahtĭage awîakè̆, dèdî̄dèhma ab́èkja B́ĭcè Jezŭ Krĭstu d́ŏ dèòhlô̆òla apĕhtazòhta abu kî bija amèd́îd́ă cè tòcò tò ògè dèbwè̆ ńò.

Currently Selected:

Thodŏpho 28: GRNT21

Highlight

Copy

Compare

Want to have your highlights saved across all your devices? Sign up or sign in

Geba Roman New Testament © Bible Society of Myanmar, 2021.

Learn More About Geba Roman New Testament

Popular Bible Verses from
Thodŏpho 28

Videos for Thodŏpho 28

Acts 13-28

BibleProject

Acts 21-28

BibleProject

Acts 27-28

Spoken Gospel

Paul on Malta

The Watermark Gospel

Thodŏpho 28

Popular Bible Verses from
Thodŏpho 28

Videos for Thodŏpho 28

Acts 13-28

Acts 21-28

Acts 27-28

Paul on Malta

Bible:

Karen, Geba

Version: Geba Roman New Testament - GRNT21

Thodŏpho 28

Thodŏpho 28

Popular Bible Verses from Thodŏpho 28

Videos for Thodŏpho 28

Acts 13-28

Acts 21-28

Acts 27-28

Paul on Malta

Bible:

Karen, Geba

Version: Geba Roman New Testament - GRNT21

Thodŏpho 28

Popular Bible Verses from
Thodŏpho 28