Rŏma Dèsŭgū

Dèsŭgū

Păulu hwe cèborŏ d́ŏ Rŏmapho tòcò ò ajo ḿî zè dèpradòlò cè klè agē lehtî Rŏma Adèòplopho, htè aò d́ŏ Rŏma u bu tòcò nu. Zè dèlle ajo ḿî cab́ô̆htè zè gè̄ mè dè d́ŏ Krĭstupho aò b́ĕnu tòcò aklè̆ tod́odasa, Hwă d́ō d́ŏ lōwa tòcò adèmèzo abu ze gē le kòd́ò̆ d́ŏ Spainge nu. Ze hwe d́ò̆sa lōwa tòcò ab́èkja Krĭstupho adèb́udènè, dèlôkômèkô acab́ô̆ Krĭstupho tòcò mò mègè nu. Cè ajo d́è̆lî̄hta Păulu adèlè̄tha ab́èkja Krĭstupho tòcò adèb́udènè kî cè tòcò mò zô̄kô cadè̄ cadè̄ anikhĭ nu. Păulu hweni Krĭstupho tòcò cè aklè̆, dèwîdèkè̆ pĕhtazòhta gudu ḿî cèborŏ ajo tè b́è nu lò.

Păulu hnŭsè hwă Krĭstupho aò Rŏma u tòcò kî d́ò̆sa lōwa htè zo gomohtani lōwa tòcò d́ŏ ze dèthèb́è̆ abu, Hwă d́ō cò d́ò̆sakò̆ lōwa tòcò dè aglobu htè ca thaè ithîhè̆ lōwa “Dèwîdèkè̆ Amò d́è̆lî̄hta Kib́ĭcè adèbè̄dî̄bè̄hma bija d́ŏ dèb́u acè̆, kî Zè mègè hlĕ akăhtî htô̆ akŭdu nu.”

Hwă d́ō Păulu d́ò̆sa òèhta we dè aglobu. Bija Lākhopho lŏcăcè, Jŭdapho ḿîwî, bwèthŭkupho tòcò ḿîwî, loba cè tòcò kè̄ b́è bè̄dî̄bè̄hma ploplo kî Kib́ĭcè, manè̄ d́ō, bija lŏcăcè ò d́ŏ dèkhòwè adèŭi alè̄ akhoacè̆ lò. Bija lŏcăcè b́è bè̄dî̄bè̄hma ploplo kî Kib́ĭcè d́ŏ dèb́u Jezŭ Krĭstu akhoacè̆ nu. Păulu d́è̆lî̄hta dèò athè̆ d́ŏ Krĭstu abu, htè aòhta d́ŏ dèmèb́èlò̄ ane kî Kib́ĭcè, kî b́è mèhlô̆htage d́ŏ Kib́ĭcè Aspirito d́ŏ dèkhòwè kî dèthĭ adèŭi alè̄ nu. B́ĕ aglado 5-8 nu, Păulu d́ò̆sa ab́èkja Kib́ĭcè Adèthôdèthò̆ kî Kib́ĭcè Aspirito adèŭi d́ŏ ab́udè tòcò adèòthôḿô̆ abu nu. Hwă d́ō Păulu d́òscĭge Jŭdapho tòcò adèhtôdèd́è̆ kî bwèthŭkupho tòcò lenīb́è d́ŏ Kib́ĭcè adèpradòlò abu cadè̄ nu. Zî thîhè̆ htè Jŭdapho dè lèkha Jezŭ ńò ḿî Kib́ĭcè adèthaèni cab́ô̆htè Zu gū htuploge bija Lākhopho lŏcăcè agō dohtî Kib́ĭcè d́ŏ Jezŭ Krĭstu ahluată abu nu, kî cu b́u htè Jŭdapho da jab́i tèpwè Jezŭ thèjô̆ ńò. Păulu hwe ab́èkja Krĭstupho tòcò kè̄ b́è ò thôḿô̆ cadè̄, d́okhlŏ ḿî ab́èkja Dèb́èlò̄hlè Lōwa dèbwè kî dèbwè nu. Za bahtakô dèwîdèkè̆ alewe ab́èkja dèkhazô Kib́ĭcè, Krĭstupho tòcò alô̄akhè ab́èkja htĭge ḿîwî bija dèbwè kî dèbwè ḿîwî, ab́èkja tha adèthîhè̆ nu. Zè mèkŭduge zè cèborŏ d́ŏ dèd́ò̆sa ze neb́î̆cè awîakè̆ kî dèhtăhtai Kib́ĭcè ahluată nu.

Dèwîdèkè̆ Aglobu

Dègohta 1.1-17

Dèloba dèhlô̆htage 1.18—3.20

Kib́ĭcè aklèthòò̆ ab́èkja dèhlô̆htage 3.21—4.25

Dèò Athè̆ d́ŏ Krĭstu abu 5.1—8.39

Israè̆lpho anikhĭ Kib́ĭcè adèkŏdèkja 9.1—11.36

Krĭstupho aklèthòò̆ 12.1—15.13

Dèd́ò̆sa agudulă 15.14—16.27

Currently Selected:

Rŏma Dèsŭgū: GRNT21

Highlight

Copy

Compare

Want to have your highlights saved across all your devices? Sign up or sign in

Learn More About Geba Roman New Testament

Rŏma Dèsŭgū

Popular Bible Verses from
Rŏma Dèsŭgū

Bible:

Karen, Geba

Version: Geba Roman New Testament - GRNT21

Rŏma Dèsŭgū

Rŏma Dèsŭgū

Popular Bible Verses from Rŏma Dèsŭgū

Bible:

Karen, Geba

Version: Geba Roman New Testament - GRNT21

Rŏma Dèsŭgū

Popular Bible Verses from
Rŏma Dèsŭgū