Thodŏpho 27

Păulu Leb́a Rŏma

1B́ĕ dèbēpha wi nikhĭ agē leb́a Ităliage hwă nu, Păulu kî dèkî̆dî̄pho tòcò b́è ilanigè d́ŏ klĭbo ami ḿî Zŭlio dèbwè acukhòbu nu, zî ḿî klĭpho dègèjè akho aò Augŭsto aklĭ adètcai dèbwè nu. 2Wa d́òhta thè̆bò htè athaḿò̆ hèhta dèdè̄gè tèb́è nu, b́ĕ Adramĭttium u kî legè d́ŏ Asĭa Khò̆mudo akhò̆dèwè̄ dòkhò̆ nu. Alekô wa kă ḿî Macedŏniage, Thèssalò̆nikapho ami ḿî Arĭstakus dèbwè nu. 3Alekă dini wo do hwă Sidŏna u d́ō, Zŭlio khòwègè Păulu acè̆, za hna le tèpwè lōwa d́ŏ zò khò̆ cò thò tòcò ò cab́ô̆htè agā tcaikhwèibò̄ cè nu. 4Wò ò d́ŏnu kî d́òhtagè thè̆bò tapla be, ḿî Gīlli u debeb́age wa acè̆ d́ō, we lekôgè d́ŏ Cĭpro khò̆htĭkho adèwè̄lò Gīlli tîb́î̆ dòkhòwō nu. 5Alekă we legè d́ŏ Cilĭciage kî Pamphĭliage u tòcò ò dòkhò̆ nu. We ledokò̆ Mĭrrah u d́ŏ Lĭciage nu. 6D́ŏnu klĭbo pahtîgè Alèssăndria athè̆bò agē le d́ŏ Ităliage dokho d́ō, cè b́è̆htanīgè wa thè̆bò abu.

7Munimuthè̆ pwĕdimi wò dò phlò zî̆gè ńò, wo dole babasè̆sè̆gè d́ŏ Knĭdus u nu. Gīlli dobō khokăgè wa akhoacè̆ we de le zagè ahlò̆mò̄ ńò d́ō, we gelakôgè ab́ôhtî Psălmo Khò̆swè Krît khò̆htĭkho adèwè̄lò Gīlli tîb́î̆ dòkhò̆ nu. 8We lekô badosè̆do d́ŏ ab́ôhtî khò̆dewē kî dolegè d́ŏ Dèlled́ă, aòb́ôhtî Lasĕo u nu.

9Wò ògè b́ĕnu aniathè̆ òjî̄gè, htô̆ we gē le ahlò̆mò̄ anikhĭ dèb́èhjŏb́èma ògè pwĕdimi, manè̄, Dèb́ăplè Dèkhòwè Apwè̆ letôlôgè wa. Păulu d́ò̆sa woi dòlògè bija, kî cò d́ò, 10“Athò tòcò, ja tcahtî tèpwè htè gè hè klè ajo tòb́ò̆ ḿî dèb́èhjŏ ò pwĕ acab́ô̆ gū su gā pa za dèhtò̆dèla kî thè̆bò akhlŏ wa thathôḿô̆ papa,” cò d́ò̆sa bija do. 11Barasă klĭbo dò sòkhĕńegè ahmò thè̆bò kî thè̆bò ab́icè alē acab́ô̆ Păulu d́ò̆sadòlògè nu ńò. 12Ḿî legè ahlò̆mò̄ agē le òd́ă d́ŏ Phonĭsia u, Krît khò̆zawa ad́ab́a d́ŏ lumula lò̄khĭ kî lò̄htè dòkhò̆ nu.

Gî̄llimu d́ŏ Pellèbu

13Gīllimu ò lò̄htè tcahta dobōhtagè, ḿî ahmò thè̆bò tòcò gomo ḿî zo do d́ŏ ze le cè klè d́ō, ci cwihtage thè̆bò losu htaĺa kî leb́ôhtî Krît khò̆htĭkho awōlò b́ĕ athîaza nu. 14Tò òjî̄ ńò, gīllimob́ĭ bija jo ami “Lò̄khĭ Muhta,” aò d́ŏ khò̆kho dobōlagè. 15Gīlli mèb́èd́ô̆ thè̆bò d́ō, thè̆bò khwè̆ ako dini za be ńò. Mègōnu d́ō, wè dèmè za be dimĭ ńò, ḿî i Gīlli hèb́ĭi wa d́ŏ thè̆bò abu be lò. 16We le khoi we ne d́ŏ khò̆htĭkho bija jo ami Kaŭda dèmè̆ akhlŏ nu, wè khwèib́è thè̆bò akhlĭpho cab́ô̆htè agè̄ tè kè̆ tô ôbò̄ ńò anikhĭ babasè̆sè̆ d́o lò. 17Bija tòcò cwihta hwă khlĭpho d́ŏ thè̆bò kho kî b́è̆lăgè d́ŏ thè̆bò akad́è̆ nu, kî cŏglogjî̄gloi thòròbi khwè̆khwè d́o. Cè tòcò b́èhjŏgè thè̆bò gò̄ dòhta òda d́ŏ Lĭbiage akhò̆dèwè̄kho d́ō, ce b́ehta hwă losuhtala kî igè Gīlli hèzāi thè̆bò d́ŏ htĭkho nu. 18Hwèhtĭ gīllisô d́ō, alekă dini, bija htîladēgè dèhtò̆dèla d́ŏ htĭlè̄ nu tòcò, 19kî thŏni dini nu, bija cwidôhô kî htîladēgè thè̆bò agrōab́ŭ tòcò nu. 20Munimuthè̆ pwĕdimi abu, gā da tcahtî be lumu, hlè̆, sè tapla ńò. Kîd́ò̆ gīlli u dobōsôgè. Wò kò ò thôḿô̆b́è anikhĭ dèsascĭ tò ò be ńò.

21Bija tòcò ò sò̆ ta a òjî̄gè, Păulu sò̆hto ò bija aboklè̆ kî cò d́ò, “Athò tòcò, thĭ gò̄ sòkhĕńe hwă je lē kî gè̄ dè hèhta ma Krît acab́ô̆ thĭ tha alō ńò nu, thĭ gò̄ dò sòẃè̆ kî khab́è dèsudèpa pwĕ gōjo ńò. 22Barasă khŏnujo, ja damòb́è thĭ agā ta thablè̄bò̄ ńò nu. Thĭ di thĭ dè hlè̆mè̄ b́è tèpwè dèbwè̆ ńò, akè kè̆ kô ô ḿî thè̆bò dokho lò. 23Munè dè nè nu, Kib́ĭcè htè atcai jè kî jè thèb́è̆gè dèbwè aMò̄khobwèzo sò̆hto ò thò̆grò̄ jè, 24kî cò d́ò, ‘Scisăbò̄ ḿè, Păulu, ńò gò̄ sò̆htoòb́è Caĕsarè ahlò̆mò̄. Ajo akhoacè̆ Kib́ĭcè gè̄ mèhlô̆hta nè kî ad́ò jīplo nè thè̆bò lŏcăcè tòcò nu.’ 25Mègōnu, athò tòcò, thakhŭbò̄, ja sascĭi tèpwè Kib́ĭcè kî dè gī phî̆hta tèpwè acab́ô̆ dèd́ò̆sagè jè nu. 26Barasă d́ō, wò kò òda mòbĕ d́ŏ khò̆htĭkho dokhlo khlo akho nu.”

27B́ĕ scilwīthè̆ tèthè̆, lumunèkhè̆ nu, gīllimob́ĭ udobō kî wè thè̆bò htèb́ĭ dewewāgè d́ŏ Mèditèrrĕnian Pellèbu nu. Kî b́ĕ klăḿè̆lumu nu, thè̆bò dèmèpho tòcò thîhè̆gè htè wo do b́ôhtî htŏ khò̆kho nu. 28Zô htôtca htĭ alajò̄ kî tcahtîgè aò able ascĭlwīthô, kî tod́o be zô htôtca d́ŏ tapla be aò able ascĭthăthô be lò. 29Cè tòcò b́èhjŏ thè̆bò gā taglo khò̆zawakho d́ō, cu cŭladēgè losu lwî̄dè̆ d́ŏ thè̆bò akă kî thèb́è̆htagè cab́ô̆htè dè gî̄ hlî̆ plăbò̄ nu. 30Thè̆bòpho tòcò mèmômā ane acab́ô̆ ze zèla losu d́ŏ thè̆bò ako dòkhò̆ nu kî cè tòcò zèladēgè khlĭpho d́ŏ htĭklè̆ kî thaè sèdòbògè thè̆bò. 31Barasă Păulu d́ògè klĭbodo kî zi bija tòcò, “Thè̆bòpho tòcò kò tò ò ma thè̆bòbu ńò d́ō, gā da sascĭi za cè tòcò gô̄ hlô̆htab́è ńò.” 32Mègōnu d́ō, klĭpho tòcò bēhtè̆dūgè khlĭ abi kî ca b́ăjôlakôgè htĭ.

33Dukhlŭkî dèhlî̆hta hnî̆ńò nu, Păulu damògè cè tòcò akā adèa, kî cò d́ò, “Scilwīthè̆ adābu thĭ ògè dèb́èhjŏb́èma aklè̆, sò̆ ta a ba tò ò̆gè. 34Ja damò thĭ akā a kò ò̆bò̄ tîkî. Thĭ khulŭ tòb́ò̆ hnò̆nu tô plô b́è ńò.” 35Cò d́ò hwă lōwa tòcò gōnu, zî phî toko, zî thîhè̆htage Kib́ĭcè, cî b́îpha kî agè. 36Bija gŏ abwè atha khŭhta kî agè toko. 37Wa aò d́ŏ thè̆bòbu tòcò ògè abwè gīgèjè, thăthôdiscĭ kî abwèthăthô. 38Bija tòcò a ko ò̆ ko hwă d́ō, htîladēgè hŭkô̆dô d́ŏ htĭklè̆ cab́ô̆htè agî̄ phĭbò̄ thè̆bò nu.

Thè̆bò Laphra

39Dèhlî̆hta tapla za da hmăi be ze le ńò, barasă cè tòcò tcahtî pèllè degwe ale dagla d́ō, ca thaè dòhtagè thè̆bò d́ŏ khòdŏkho nu, ḿî cè tè kèhtagè ńò. 40Ze bēhtè̆dū hwă losu d́ō, zî htîladēgè d́ŏ pèllèbu nu, kî taplakhă lò nu ca b́ăplèkè̆ thè̆bòd́ewā abi, b́ăhlèlakè̆ tîkî̆jā htè aò d́ŏ thè̆bò ahlò̆mò̄ nu cab́ô̆htè Gīlli kū u wè̄ thè̆bò d́ŏ khòdŏ anikhĭ nu. 41Barasă d́ō, adolegè htĭd́a ale d́ō, thè̆bò hta taglogè khòdŏ. Thè̆bò ako dòwè̄glo hmeteklegè hapa, ḿî akă dòkhò̆ htè̆dū kî htĭkhlohtĭkhla hèzāigè.

42Klĭpho tòcò b́èhjŏ dèkî̆dî̄pho tòcò gā wahtĭ kî hèphrò d́ō, ca thaè mèthĭ lō tèpwè lōwa tòcò. 43Barasă klĭ dègèjè abo dèbwè nu, ca thaè mèhlô̆hta Păulu acè̆ d́ō, ci ti i tèpwè klĭpho tòcò gè̄ mèthĭ cè tòcò ńò. Za hna bija abò̄ za htĭ tòcò cwèladē htĭklè̆ kî wa le htĭ d́ŏ alewe dòkhòwō nu. 44Alewe tòcò kò d́ò d́ò̆è thob́î kî thè̆bò akăkôkăklè, lekôkò̆ cè tòcò alekă nu. Mègōnu bija dowè̄ thuŭthèègè d́ŏ khò̆kho gŏ abwè lò.

Currently Selected:

Thodŏpho 27: GRNT21

Highlight

Copy

Compare

Want to have your highlights saved across all your devices? Sign up or sign in

Geba Roman New Testament © Bible Society of Myanmar, 2021.

Learn More About Geba Roman New Testament

Popular Bible Verses from
Thodŏpho 27

Videos for Thodŏpho 27

Acts 13-28

BibleProject

Acts 21-28

BibleProject

Paul on Malta

The Watermark Gospel

Episode 21: Gospel Revolution Pt. 3

Under The Hood

Thodŏpho 27

Popular Bible Verses from
Thodŏpho 27

Videos for Thodŏpho 27

Acts 13-28

Acts 21-28

Paul on Malta

Episode 21: Gospel Revolution Pt. 3

Bible:

Karen, Geba

Version: Geba Roman New Testament - GRNT21

Thodŏpho 27

Thodŏpho 27

Popular Bible Verses from Thodŏpho 27

Videos for Thodŏpho 27

Acts 13-28

Acts 21-28

Paul on Malta

Episode 21: Gospel Revolution Pt. 3

Bible:

Karen, Geba

Version: Geba Roman New Testament - GRNT21

Thodŏpho 27

Popular Bible Verses from
Thodŏpho 27