Kintaŋ 26
26
Kintaŋ ke Isray ke kí meen ji baà
1Kifə̀ʼ ki mày bèy, Nyùy Tàr lò, e yòŋ e Mooser wùn Eleasar woo wan Aaron woo taà cù jii, 2«Vèn táŋ mànjòŋ woó Isray e dzə̀m. Vèn ku tàŋ vilum adzə̀m ve á gheenen ve dzə̀ á dù é shùu rərí, vee kèʼ fó kiya mbaà, a dù duùn fó mbìy. Á táŋ áwune mo lav se atàr vév sí dzə̀kìn.» 3Mooser wùn taà cù Eleasar nèn a suŋnín wùn à wír veé Israyi é mboʼ yeé Moav foo fèy, aá dzə̀ é ghaa ndzəv yee Jordan e ŋkìʼnìn Jeriko. Áwune nèn fò sáʼ ji 4á táŋ á vilum vee kèʼ fó kiya mbaà, e dù duùn fó mbìy. Á kinyo ke Nyùy Tàr‑iì yòŋèn e Mooser.
Kfəə́ seé Isray se sí‑iì fəən fó Ejiv si nén a dzə jii:
5Fo rám Ruben woo wan Isray mbìy, á kér kfəə́ see jii, yé Hanok, yé Pallu, 6yé Hesron, e lì yé Karmi. 7Á kfəə́ se sí‑iì ràmèn fo Ruben. Á táŋ wíri, á wáa dzə kishóv mtaár e ghiì saàmbà, aànsə̀kìi nshòv sitaár e mkweè (43,730). 8Ké kfəə Pallu, wàn Pallu‑uù dzə̀ Eliav, 9a wón Eliavi dzə̀ ji Nemuel wùn à Datan, à Abiram.#26.9: Datan, Abiram: Leéy: 16.1‑35. Vé‑eè shòʼ Datan wùn Abiram ji vilìmbìy ve wíri, a kù‑uù dzə̀ áwune vin ve vé‑eè loòn, a tsəy kóy wùn à Mooser, à Aaron, e tàtí ŋgoo Kora ye yì‑iì loòn, e kày sáʼ Nyùy Tàr. 10Nsay nèn mvə̀ʼə̀m, e mèy áwune wùn à Kora. Ŋgoo yev kpú, və́yí kfən laàr wír vév kishóv mtàn e ghiì baà (250). Kí koóy bey, e nèn a dzə kisəəm ji wír veé Israyi wàá wáa yen. 11Yii bèy, bó kfə́ə Koràa yòʼ‑oò lo kpù, e mày.
12Fo rám Simeon, á kér kfəə́ see jii, yé Nemuel, yé Jamin, yé Jakin, 13yé Sera, e lì yé Shaul. 14Á kfəə́ se sí‑iì ràmèn fo Simeon. Á táŋ wíri, á wáa dzə kishóv ghii baà aànsə̀kìi nshòv sibaà e mbaà (22,200).
15Fo rám Gad, á kér kfəə́ see jii, yé Sefon, yé Haggi, yé Shuni, 16yé Osni, yé Eri, 17yé Arod, e lì yé Areli. 18Á kfəə́ se sí‑iì ràmèn fo Gad. Á táŋ wíri, á wáa dzə kishóv ghii tàn aànsə̀kìi mkweè (40,500).
19-21Fo rám Juda, á kér kfəə́ see jii, yé Shela, yé Peres, e lì yé Sera. Fo kfəə Peres, á tóʼtí kfəə́ see jii, yé Hesron wùn à yé Hamuli. Wón Juda ámóʼó‑oò dzə̀ Er wùn Onan. Yii bèy, aáwune‑eè kpùkír é Kanan. 22Á kfəə́ se sí‑iì ràmèn fo Juda. Á táŋ wíri, á wáa dzə kishóv ghii tàn aànsə̀kìi nshòv ntuùfú e msaàmbà (76,500).
23Fo rám Issakar, á kér kfəə́ see jii, yé Tola, yé Pua, 24yé Jashuv, e lì yé Shimron. 25Á kfəə́ se sí‑iì ràmèn fo Issakar. Á táŋ wíri, á wáa dzə kishóv ghii taár aànsə̀kìi nshòv sikweè e mntuùfú (64,300).
26Fo rám Sebulun, á kér kfəə́ see jii, yé Sered, yé Elon, e lì yé Jaaleel. 27Á kfəə́ se sí‑iì ràmèn fo Sebulun. Á táŋ wíri, á wáa dzə kishóv ghii tàn aànsə̀kìi mntuùfú (60,500).
28Ké wón Joosev, á kér rám e baà, yé Manasse wùn à yé Efrayime.
29Ké rám Manasse ki dzə̀ jii, Makir‑iì dzə̀ tàr à Gilead. Kfəə́ se sí‑iì ràmèn fó Gilead si wáa dzə jii, 30yé Ieser, yé Helek, 31yé Asriel, yé Shekem, 32yé Shemida, e lì yé Hefer. 33Tsəlofehad woo wan Hefer‑iì gòʼ là wán woo lumèn. Wù‑uù kér a dzə̀ vee vikìy, a yír sí dzə̀ jii, Maala wùn à Noa, à Hogla, à Milka, e lì Tirsa. 34Á kfəə́ se sí‑iì ràmèn fo Manasse. Á táŋ wíri, á wáa dzə kishóv ghií saàmbà aànsə̀kìi nshòv sibaà e mtàn (52,700).
35Fo rám Efrayim, á kér kfəə́ see jii, yé Shutela, yé Beker, yé Tahan. 36Fo Shutela kfəə, á kfən fə̀ə́r kfə́ə Eran. 37Á kfəə́ se sí‑iì ràmèn fo Efrayim. Á táŋ wíri, á wáa dzə kishóv ghii tàn aànsə̀kìi nshòv sibaà e mtaár (32,500).
Á mo wír ve vé‑eè ràmèn fo Joosevi dzəə̀n é kfəə sí kfəə si.
38Fo rám Benjamin, á kér kfəə́ see jii, yé Bela, yé Ashbel, yé Ahiram, 39yé Shefufam, e lì yé Hufam. 40Kfəə́ si kfən ràm fo yé Belàa, a sí dzə̀ jii, yé Ard wùn à yé Naamane. 41Á kfəə́ se sí‑iì ràmèn fo Benjamin. Á táŋ wíri, á wáa dzə kishóv ghií ntuùfú aànsə̀kìi nshòv sitàn e mkweè (45,600).
42Fo rám Dan, á kér kfə́ə Shuham. Á kfəə́ ye yí‑iì ràmèn fo Dan. 43Vé‑eè tàŋ wíri fó kfəə Shuham adzə̀m, á wáa dzə kishóv ghii kweè aànsə̀kìi nshòv sikweè e mntuùfú (64,400).
44Fo rám Asher, á kér kfəə́ see jii, yé Imna, yé Ishvi, e lì yé Beria. 45Kfəə́ si kfən ràm fo yé Beriàa, a sí dzə̀ jii, yé Heber wùn à yé Malkieli. 46A Asher‑iì kér wán woo wiíy, a yírí‑iì dzə̀ Sera. 47Á kfəə́ se sí‑iì ràmèn fo Asher. Á táŋ wíri, á wáa dzə kishóv ghii kweè aànsə̀kìi nshòv sitaár e mtàn (53,400).
48Fo rám Navtali, á kér kfəə́ see jii, yé Jaaseel wùn à yé Guni, 49à yé Jeseri, e lì yé Shillem. 50Á kfəə́ se sí‑iì ràmèn fo Navtali. Á táŋ wíri, á wáa dzə kishóv ghii kweè aànsə̀kìi nshòv sitàn e mkweè (45,400).
51Kintaŋ ki mày, vilum adzə̀m veé Israyi wáa dzə kishóv mtaár e ghiì saàmbà aànsə̀kìi nshòv mòʼón e ghií ntuùfú (601,730).
52 Nyùy Tàr nèn yòŋ e Mooser jii, 53á kù wíy jàv nsay e rám yee shóo, kù mo wíri dzəə̀n. 54Lóo dzə rám ye yí kùʼùn, á fò yéev e kuʼùn. Lóo dzə ye yí dorin, á fò yéev shishàr. Rámé kù wíy a sə kév kee kirə́ʼ mo wír ve á taŋené dzəə̀n. 55Á kù wíy a màʼ kifá, a tàr sho, e bó a jàv. Rám yee shóo wíy a sə kév kee kirə́ʼ, a dzə̀ e taà ràm wóv shùu yir. 56Á kù wíy a tàr tàrìn, e bó a fo kirə́ʼ e rám se kuʼkìn sí, a fo e se terí sí.
57Kfəə́ seé ram Levi mo vé‑eè taŋen sí‑iì dzə̀ jii, yé Gershon, yé Kohat, e lì yé Merari. 58Kfəə́ símóʼ sí se sí‑iì ràmèn fo Levi si dzə̀ jii, yé Libni, yé Hebron, yé Maali, yé Mushi, e lì yé Kora. Kohat‑iì dzə̀ tàr à Amram. 59Yír wiiy Amrame‑eè dzə̀ Jokebed, a dzə̀ wan Levi, a vé‑eè dzə̀ə́ wun e Ejiv. Wón ve wù‑uù dzəən wùn Amrame‑eè dzə̀ Aaron wùn à Mooser, à jèmèr yev Miriam. 60Aaron‑eè dzə̀ tàr à Nadav wùn à Abihu, à Eleasar, à Itamar. 61Yii bèy, Nadav wùn Abihu kpúkír é ghan se vé‑eè cu Nyùy Tàr e və́y kisaŋe. 62Lùmèn e dzə̀m woó ram Levi woo kèʼ fó ŋwee e fur, e dù duùn fó mbìy‑iì dzə̀ nsə̀kì nshòv sitaár e mbaà (23,000). Á yòʼ‑oò lo tàŋ áwune é mvə̀m kintaŋ ke wìr veé Isray, bìʼ fo rám Levìi yòʼ‑oò ló a ker nsay e wír veé Israyí mvəm ji vitsə́ʼ vév.
63Á wír ve Mooser wùn taà cù woo Eleasar‑iì taŋen é ghan se vé‑eè táŋ wír veé Isray e mboʼ yeé Moav, e ghaa ndzəv yee Jordan, e ŋkìʼnìn Jeriko. 64Á wáa taŋ wíri aáwuné ram sí bey, a bó wìr fo ve Mooser wùn taà cù woo Aaron‑eè taŋen é woʼ yee Sinay yòʼ kfə̀n dzəə́ kumè e ghan sé kin kee kintaŋ. 65A dzə̀ bìʼ fo Nyùy Tàr‑iì yòŋèn ji á kù wíy kpukír a e kirə̀ʼ ké woʼ kí adzə̀m. Wìr fo áwune yòʼ kfə̀n‑eè dzə̀ə́. Kù‑uù jòʼsì Kalev woo wan Jefunne wùn Joshua woo wan Nun.
Currently Selected:
Kintaŋ 26: LNB
Highlight
Share
Copy
Want to have your highlights saved across all your devices? Sign up or sign in
© 2022 CABTAL
