Fəə Shúu Fù
Shúu Fù
Ŋwàʼ Fəə və̀ne fer mo Nyùy‑iì yiìn, wír veé Israyi fəə́ fó nsay Ejiv fo áwune‑eè reŋ vikwàn, e bóo dù, a dzə kitúm fo áwuné kitu. Vinyo veé ŋwàʼ fèn vi nén a tiy kitú fo wír veé Israyi é mvə̀m vimfèr vee kùm woŋ wóv. A dzə̀ á jàvtì ŋwàʼ və̀n vilíŋ vikweè jii, (1) Mo Nyùy‑iì bòyìrìn wír veé Isray fo vikwàn. (2) Mo áwune‑eè ghanen, e dù, e mèé e Gwan Sinay. (3) Mo Nyùy‑iì gwàrìn mensaŋ wùn à wír veé Israyi é Sinay, e naàrì mo áwune wáa dzə dzəʼə̀m yév, à mo á wáa yiì vinyo ve wòŋ, e kfə̀n naàrì sa nsər seé ghan se á yii cu. (4) Kibaʼrì ke kirə̀ʼ ké cù keé Isray ki nèn sə̀ʼ, à vifá ve ker vee fó vi, e lì nsər se atàá cùu wáa lèm, à seé ghan se á cu Nyùy si.
Shaà vidzə̀m, ŋwàʼ və̀ne naàrì viŋgaʼnìn ve vinyò ve Nyùy‑iì yiìn, e bóo fəə́r wír və́ fó vikwàn, e nèn lèm áwune ji kitúm ke kí wíy a dzə kigháʼtín.
Wìr wo wù dzəə̀n ji tím é ŋwàʼ fèn dzə̀ Mooser, a dzə̀ wun wo Nyùy‑iì shoʼon, wù dànèr wír və́, e fəə̀ shó fo Ejiv.
Kinyo keé ŋwàʼ fèn ke kí yii wiy e wírí vifii cér ki dzə̀ nsər se Nyùy see ghvə̀m (20.1‑17).
Vilíŋ ve ŋwàʼ
Mo Nyùy‑iì bòyìrìn wír veé Isray fo vikwàn veé Ejiv 1.1–15.21
a. Vikwàn veé Ejiv 1.1‑22
b. Mo vé‑eè dzəən Mooser, à mo wù‑uù kúyí 2.1–4.31
c. Mooser wùn Aaron méʼ fon woó Ejiv 5.1–11.10
d. Ŋkǎʼ Yáʼayshaà, à mo vé‑eè ŋaʼayin fó Ejiv 12.1–15.21
Ghán yee lò fó Rìbà Ndzə̀v wo Baar, e meé e Gwan Sinay 15.22–18.27
Nsər se Nyùy wùn à mensaŋ mè 19.1–24.18
Kibàn ké cù wùn à ntò se cù si 25.1–40.38
Currently Selected:
Fəə Shúu Fù: LNB
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL