রোমীয় চাঃরাং
চাঃরাং
বাইবেলমা হিকচা আলুং কেইং চাউমা রোমীয় নাঃমিনা কেইং চাউচা খ্রিয়েংরোমা আব্রিচুং আভিডেংমা কেইং চাউ ফ্রইপারি। পৌলচা করিন্হিগা নিংরো দিঃ চাঃচা রোমীয়রোবাদুঃ রুইলিইরি। প্রফুছুগি য়াংখা তয়ং পৌলচা কুঃদৈং রোমদুঃ মাঃলাসি। পৌলচা য়াংদুঃ লাঃফু ম্হেলিরি। য়াংসুউ ক্রিলিরিচা য়াংদে খ্রিয়েং বারোমা লৈগারাক অলুক লুকপ্রি নক, য়াংসুউরো পৌলগো রোমদুঃ রুওয়েফু ক্রেংগেবেচি। পৌল য়াংসুউ চাঃ রুউকমা লুঃউরোবামা ঙারি আব্রিচুং ফ্রইব্যা চাঃগাগো কংগং আহ্লা প্যাংরো প্রলিরি। অর য়াং আপ্রইকা য়াংসুউরোগু খ্যুওয়ে তাংফু কিজু থাওরা ফোরামা যা ম্হেরো হিকরি য়াংচাগোলি য়াংসুউ প্রলিরি। পৌলচা য়াং চাঃ রুঅক্কু কংগং সিধি খ্যারো রুইলিইরি, প্রফুছুগি য়াং চাঃ রুউকমা চাঃগো পৌলচা আকং সাদাং আক্রংলিলাগো যাসুরো আঃমিং আচেং হিকলিরি, য়াংসুউরোগু আফ্রিঃ পিইঞ্যং পুয়েং প্যাংরো রুইলিইরি। পৌল য়াংসুউরো ছেংগ্যাংফাক চাঃগা তুখুয়েং মুক্যুয়েংগো আফ্রিঃ পিইব্রি নক ম্রাংলিরিচাগা, থাওরা ফোরা ওয়াসানা আক্রংলিলাগো য়ুউরো মন্হক তয়ং লুঃউরো আঃমিং আচেং হিকনৈফুলি য়াংচা আলুং আঃমিংগো আফ্রিঃ য়াংসুউ পিইলিরি।
আক্রংলিলাগো তাং প্রাচা
(ক) চাঃরাং (১:১-১৭ পদ)
(খ) হিচা আলুংসো আপ্রইস্যাংছুরো, আলুংসোগু আপ্রইইকা কিঃ তাংরাফু (১:১৮—৩:২০ পদ)
(গ) ক্যুংখ্রাংনা আপ্রইইকা ক্যুয়েলৈঅং লেং (৩:২১—৫:২১ পদ)
(ঘ) আপ্রইইকা ক্যুয়ে প্রিনক, সেংস্যাংস প্যাংরো ক্রিঃ পুওয়াফুচা (৬-৮ অধ্যায়)
(ঙ) ইস্রায়েরীয়রোগু আপ্রইইকা খ্যুয়ে তাংফু লেং (৯-১১ অধ্যায়)
(চ) কাবামা হিকচা রুসিইসারো নিংদৈং রাক (১২:১—১৫:১৩ পদ)
(ছ) চাঃগা আতুং (১৫:১৪—১৬:২৭ পদ)
Currently Selected:
রোমীয় চাঃরাং: BBSRMZ
Highlight
Share
Compare
Copy
Want to have your highlights saved across all your devices? Sign up or sign in