রোমীয় 4
4
অব্রাহামগা সাংফু হিকরি
1য়জংছুগি ঙারোমা আচৈং অব্রাহাম আক্রংলিলাগো য়ুউরো যা প্রফুলি? দিঃ আদিপিগো য়ুউরো য়াংসুউ যা ম্রাংলিরিলি? 2অলুক কিজুরা অব্রাহামগো আপ্রই স্যাং মুহুছুরো লাক খেংরো হিকলিরিরাছুগি, য়াংদেমা ভরি প্যাংফু হিকরি। য়িগিলি, থাওরা ফোরা হ্রিইগা ভরি প্রালৈঞ্যং তুখুউলি মিহিক। 3সেংস্যাংস কেইং চাউমা রুইরো হিকরি, “অব্রাহামচা থাওরা ফোরা চাঃগাগো ক্যুংলিরি অর য়াংচা কিজু থাওরা ফোরা য়াংসুউগো আপ্রই স্যাং মুহুকছুরো লাক খেংলিরি।” 4অলুক লুকরো যা লাকখা রাঃরি, য়াংচা অহ্লুউ মুহু, য়াংচা রাথৈতি। 5য়িগি যাসুউ কুঃ ক্রেংচা আঃপমা আক্যুং মিহিকব্রি, সাসাক থাওরা ফোরা আঃপমা ক্যুংরি, থাওরা ফোরা য়াংসুউ য়াং ক্যুংচা কিজু য়াংসুউগো আপ্রই স্যাং মুহুছুরো লাক খেংচা, আক্রংগা থাওরা ফোরা তয়ক আপ্রই স্যাংগো, আপ্রই মিহিকছুরো লাক খেংনৈরি। 6দায়ুদ মাংলি য়াং লুঃউগো ওয়েংসালিরি, যাসুউগো থাওরা ফোরা তুখু অলুক মুলুকপ্রি আপ্রই স্যাং মুহুছুরো লাক খেংলিরি। দায়ুদ মাং প্রলিরি,
7ওয়েংসারি য়াং লুঃউরো কিজু, যাসুরো থাওরা ফোরাগু কেইংছেংলিইরি, য়াংচারুগো খুওঅং রুওয়েরি।
যাসুরো আপ্রইকু ফুং বলৈতি।
8ওয়েংসারি য়াং লুঃউ কিজু, যাসুউ মাসাংরি অলুককো আস্যাং ফুরা খুওয়ং রুওয়েরি।
9দিঃমা যাসুউরো লিইফ্যা ফ্রেরি, য়াংসুউরোগুরা সাসাক ওয়েংম্রক সারি প্ররি লঃ? লিইফ্যা মিহ্লি লুঃউরোগুলি মপ্রলি লঃ? হকতি, য়াংসুউরো আতুওয়কলি ওয়েং সারি আক্রংগা ঙারো প্ররি, “অব্রাহাম ক্যুংরি কিজুরা য়াংসুউগো আপ্রই স্যাং মুহুকছুরো কৈংলিরি।” 10যাচাগো ম্রাংরো কৈগেলি? লিইফ্যা মিহ্লিখাং হ্রিইগা, মুহুককি নক্কা লঃ? লিইফ্যা মিহ্লিখাং হ্রিইগা কৈগেলিরি, নক্কা মুহু। 11লিইফ্যা মিহ্লিখাং হ্রিইগা আক্যুং কিজুরা থাওরা ফোরা য়াংসুউগো আপ্রই স্যাং মুহু কৈংলিরি আতুওয়কনা, য়াংসুউমা লিইফ্যা ফ্রেলিচা ফ্রইতি, য়াংদেমা তাং প্রাফুনা লাকখানা। য়জংছুগি ম্রাংরিগা, লিইফ্যা মিহ্লিইগিলি আক্যুং সাসাক কিজু, যাসুরোগু আপ্রই স্যাং মুহুছুরো লাক খেংলিরি, য়াংসুউরো আলুংসো অব্রাহামচা ফাখাং ফ্রইতি। 12দিঃচাগো পিরো অব্রাহাম লিইফ্যা মিহ্লিখাং হ্রিইগা যা পুয়েং রুসিই তাঃরা আক্যুং হিকলিরি, যাসুউরো লিইফ্যা ফ্রেরি য়াংসুউরো আলুংসো য়াং পুয়েং অব্রাহামচা য়াংসুউরোমালি ফাখাং।
থাওরা ফোরা ঈ গিধিসঃচা পিইচাগো- ফ্রিখ্রাং
13অব্রাহামনা য়াংসুউ আচৈংরোবামা থাওরা ফোরা গিধিসঃচা খেংলিচাগা, দিঃ কাবাচা অব্রাহামচা ফ্রইফু। থুঃউংজৈংগো সুংরি কিজু দিঃ গিধিসঃচা চাঃ য়াংসুউবামা মাপ্যাংলি, য়িগিলি য়াংসুউ আক্যুংগা নিংরোরা য়াংসুউগো আপ্রই স্যাং মুহুছুরো লাক খেংলিরি অর য়াংচা কিজু দিঃ গিধি খেংলিচা। 14থুঃউংজৈংগো সুংরোরা খ্যাংসুমুছু দিঃ কাবামা তাওয়েং রাঃরিফাক ক্যাগিগা, য়াংদেমা আক্যুংচা তুখুউলি আফু মিহিকব্যা অর থাওরা ফোরা য়াং গিধিলি তুখুউলি আফু মাতেংব্যা, 15আক্রংগা থুঃউংজৈং কিজুরা থাওরা ফোরামা ডেং ক্যারাচা। আম্হেং প্রফুছুগিগা, যাদেমা থুঃউংজৈং মিহিকলি, য়াংদেমা থুঃউংজৈং সুংফুচা চাঃগামাবাং মাঃলে।
16য়াংচা কিজু লুঃউরো আক্যুং আথিকা নিংরোরা দিঃ গিদিকু আব্রিচুং পিইচা, যাস্যালিছুগি লুঃউরো য়াংচাগো থাওরা ফোরা মিত্তালুঃ ম্হেঞ্যং। অর য়াংচা কিজু অব্রাহাম আচৈংরো আলুংসো কিজু দিঃ গিধিচা আম্হেং আম্হেং প্রিজুংফু। যাসুরো থুঃউংজৈং সুংগেতি, য়াংসুউরো কিজু সাসাক দিঃ গিধিচা প্রিজুংফুলুঃ মুহু, যাসুরো অব্রাহামঞ্যং তিজিতৈং ক্যুংগেতি, য়াংসুউরো কিজুলি আম্হেং দিঃ গিধিচা আব্রিচুং ফ্রইফু। 17সেংস্যাংস কেইং চাউমাগা রুইরো হিকরি, “ঙা নাক্কু জে জে লুঃউম্যুমা হ্রিহ্রিকাবাং ফাখাং প্যাংরো থাঃলিরি।” য়াংচা আলৈই থাওরা ফোরা ঈ ম্যাকমঅ্দমা অব্রাহামচা ঙারো আলুংসোমা ফাখাং ফ্রইতি। যাসু আঃসিইগো আহ্রাং প্যাংরিলি অর যা মিহিকলি য়াংচা হিকরিছুরো প্ররিলি য়াং থাওরা ফোরাগো অব্রাহাম ক্যুংলিরি। 18যাখা অব্রাহাম্মা সাঃ রাঃফু মুহুকপ্যা সিকলিরি, য়াংখালি অব্রাহাম থাওরা ফোরা আঃপমা চিই ম্হেরো আক্যুং থাঃলিরি। থাওরা ফোরা য়াংসুউগো প্রলিরি, “নাকমা আচৈংরোচা গংখাংমা ক্রিঞ্যং আরুয়িই আতুওয়ক মাঃরা ফ্রইফু।” অর য়াং চাঃগা আতৈং অব্রাহামচা তবুং লুঃউম্যুমা ফাখাং ফ্রইলিরি। 19প্রফুছুগি আসাক তাড়াগ্যা ওয়াগ্রি অব্রাহাম সিকলিরিচাগা, য়াংসুউমা কাইংথামা আঃ মিহিকব্যা অর য়াংসুউ মাঃয়া সারালি সাঃ রাঃলৈঅং আসাক মিহিকব্যা। য়িগিলি অব্রাহাম্মা চিইচা য়ঃয়ঃ মিহিকলি। 20থাওরা ফোরা ঈ গিদিকু য়ুউরো তাখালি, আম্মালুঃ মেঃম্হেলি, অরবাং য়াংসুউচা থাওরা ফোরা আঃপমা আক্যুং থাঃরো চিই খ্যারো থাওরা ফোরাগো খিম্যুংলিরি। 21অব্রাহামচা কংগং থাওরা ফোরাগো ম্হেরো ক্যুংলিরিচাগা, থাওরা ফোরা যা গিধি প্যাংরিলি, য়াংচা প্রিজুং পিইফু গুংধলি হিকরি। 22দিঃচা কিজু অব্রাহাম থাওরা ফোরাগো আক্যুং আলৈই, য়াংসুউগো আপ্রই স্যাং মুহুকছুরো কৈংলিরি। 23“আপ্রই স্যাং মুহুকছুরো কৈংলিরি,” দিঃ চাঃগাচা অব্রাহামগো সাসাক ম্হেরো রুইলিইচা মুহু, 24ঙারোগুলি ম্হেরো রুইলিইচা। ঙারো ক্যুংরি কিজু থাওরা ফোরালি ঙারোগু আপ্রই স্যাং মুহুছুরো কৈফু, আক্রংগা যাসু ঙারোমা আস্যাং যীশুগো আঃসিইগা আহ্রাং প্যাংরো তাংলিরি, ঙারো য়াংসুউগো ক্যুংগেতি। 25ঙারো আপ্রই কিজু যীশুগো সিইমাং লাকমা তাংলিগেতি অর ঙারোগু আপ্রই স্যাং মুহুছুরো লাক খেংফু কিজু য়াংসুউগো আঃসিইগা আহ্রাং প্যাংরো তাংলিরি।
Currently Selected:
রোমীয় 4: BBSRMZ
Highlight
Share
Compare
Copy
Want to have your highlights saved across all your devices? Sign up or sign in
