রোমীয় 3
3
1য়াংচারা ছুগি যিহুদীরোমা যা আম্রে হিকরিলি? লিইফ্যা হ্লিচা তুখুউলি আফু হিরি লঃ? 2লিফাক লাকচিমাগা আহ্লা আম্রে হিকরি। পাথামাগা থাওরা ফোরাচা য়াংসুউ তাঃরা লিম্যুইগো যিহুদীরোগু পিইলিরি। 3য়িগিলি প্রফুছুগি য়াংসুউরোবামা লৈগায়ক লুঃউ মুক্যুংসা হিকরি, য়িগিলি যা ফ্ররিলি? য়াংসুউরো আক্যুং মিহিক লুঃউ ফ্ররো, থাওরা ফোরাগুলি আক্যুং মিহিক ফ্র লঃ? 4তাখ্যাকলি মুহু। হিকচা আলুংসো মুসাওয়াদা সুংগিলি, থাওরা ফোরাচা খ্যাংখামুছু আম্হেং প্রচা লুঃউ। সেংস্যাংস কেইং চাউমা রুইরো হিকরি, “প্রফুছুগি নাং তাঃরা ফ্রেচারা ম্হেংরি, নাং তাঃরামা আলিং আতুওয়ে মিহিক।”
5য়িগিলি ঙারো মেমেং মুহুসঃ অলুককা অরলি আহ্লা প্যাংরো সিকচাগা, থাওরা ফোরাচা খ্যাংখামুছু সাং থঃতি অলুক্কু লুকতি। য়জংছুগি ঙারো যা ফ্রফুচালি, য়াংসুউ যাখা ঙারোগু ডেং পিইরিলি, য়াংখা আম্হেং অলুক্কু মুলুক? খ্যাংঞ্যং হিকলি ঙা লুঃউ কিজুরা দিঃ চাঃগাগো প্ররি, প্রফুছুগি য়াংসুউ তাখালি মেমেং মুহুসঃ অলুক্কু মুলুক। 6থাওরা ফোরারা মেমেং মুহুসঃ অলুক লুক্কি, যা পুয়েং প্যাংরো লুঃউরোগু তাঃরা চঃফুলি?
7তয়কতিরি প্রগেমিগা, “ঙারো মুসাওয়াদা সুংগেতিরামা, অরলি আহ্লা প্যাংরো ম্রাংরাচাগা, থাওরা ফোরাচা আম্হেংচাংজ প্রচা লুঃউ। দিঃ চাঃগা আলৈই থাওরা ফোরা যাখা খিম্যুয়েং রারিলি, য়াংখা ঙাগো ঙারিসুছুরো যাফু আপ্রইস্যাং খ্যারিলি?” 8কংরি, য়জংছুগি ঙারো দিঃ চাঃগা প্রফু, “লাঃ, ঙারো মকং অলুক লুকরো নিংগেমি, য়াং মকং অলুক অলৈই মকংগা নিংরো আকং লেনৈংমি”? তয়ক তিরি ঙারোগু মিক্রিনৈংব্রি প্রচাগা, ঙারোগা দিঃ পুয়েং চাঃগা প্ররো নিংগেতিব্যা। য়াংসুউরো রাঃথইতি ডেংচা য়াংসুউরো রাঃমি।
তয়কমালি আপ্রই মিহিকলু মিহিক
9আগু ঙারো যা প্রফুলি? যিহুদী ফ্রইরো, ঙারোমা আক্যাং ওয়েচা যিহুদী মুহু লুঃউরো থাকপাং আকং লঃ? তাখ্যাকলি মুহু। ঙারোগা হ্রিইগা প্রলিরি, যিহুদীনা যিহুদীমুহু লুঃউরো অালুংসো আপ্রইস্যাং। 10সেংস্যাংস কেইং চাউমা রুইরো হিকচাগা:
তয়কলি আপ্রই মিহিকলো মিহিক, তয়কলি মিহিক;
11তয়কলি সাংথইতি পৈংঞাগো মুসুংগে,
তয়কলি থাওরা ফোরা ঈ চিঃ ছেংদা আলৈই অলুক মুলুককে।
12আলুংসো সাংথইতি লেংগা প্রেংহাগেব্যা,
আলুংসো তাখ্যাং দৈংমা মকং ফ্র লাঃখাব্যা।
অাকং অলুক লুকলৈঞ্যং তয়কলি মিহিক, তয়কলি মিহিকব্যা।
13য়াংসুউরো খুনাংচা প্রফুছুগি, সাংখ্যুইং লেংখুওয়ানা তুউরি,
স্যানা য়াংসুউরো আলিং আতুওয়ে চাঃগা প্রগেতি।
য়াংসুউরোমা স্যা অক্কা, ম্রিং আছুয়িই হিকঞ্যংব্যা।
14য়াংসুউরো খুনাংচা কিং ক্যাবঞ্যং অর মুহুত্তি চাঃগা প্রগেতি।
15লুঃউগো সেঃবৈফু কিজু, য়াংসুউরো আখ্রিচা লুঃউ হ্রিইগা লৈতি,
16য়াংসুউরো লেংমা জুমুজারা ফ্রইফু অর প্যাকফু হিকরি।
17য়াংসুউরো আখেংসা লেংগো মিসিক,
18য়াংসুউরো থাওরা ফোরাগোলি মক্রক।
19ঙারো সিকচাগা মোশি থুংজৈংচা য়াংসুউরো আতুওয়ক যাসুরো য়াং থুংজৈংগো সুংগেতি। য়াংচাকিজু যিহুদীছু যিহুদীমুহুক লুঃউছু তয়কমালি তুখু চাঃগা প্রফুমিহিক, হিকচা আলুংসুউ থাওরা ফোরাবামা আপ্রই ক্যারো হিকরি। 20থুংজৈংগো যাসুরো সুংরি, থাওরা ফোরা য়াংসুউরোগু আপ্রই মিহিকছুরো লাক খেংফু প্ররোমিহিক, য়িগিলি থুংজৈংগা নিংরোরা লুঃউরো কুঃ আপ্রই আক্রংলিলাগো য়ুউরো সিঃদি রানৈংরি।
লুঃউরোগু আপ্রই মিহিকছুরো লাক খেংচা
21আগু থাওরা ফোরা লুঃউরোগু থুংজৈংগো পিইরো যা পুয়েং প্যাংরো, আপ্রই স্যাং মুহুছুরো লাক খেংফুলি য়াংচা তাং প্রালিইরি। মোশিমা থুংজৈংনা রিসিইরো য়াং আক্রংলিলাগো য়ুউরো সাকসি পিই লাঃখাগেতি। 22যাসুরো যীশু খ্রীট্ আঃপমা আক্যুং চিইদানা আতুওয়ংগা নিংরো থাওরা ফোরা য়াংসুউরোগু আপ্রই মিহিকছুরো লাক খেংরি। যিহুদীনা যিহুদীমুহু আলুংসো তিঞিংদৈংব্যা, 23আক্রংগা আলুংসো আপ্রই লুক্কেলিইরি অর থাওরা ফোরা ঈ খিম্যুয়েং রাফুচা থঃ মেতেংলিব্যা। 24য়িগিলি খ্রীট্ যীশুচা লুঃউরোগু আপ্রইকা খ্যুওয়ে তাংফুকিজু লেং প্যাংলিরি অর য়াং আক্যুয়েকা নিংরো মিত্তা চিইদানা আতুওয়কনা ক্যুংসারোগু আপ্রই স্যাং মুহুকছুরো লাক খেংলিরি। 25থাওরা ফোরা তাং প্রালিরিচাগা, যাসুরো ক্যুংরি য়াংসুউরো কিজু যীশু খ্রীট্চা য়াংসুউ স্যুইনা প্রফুছুগি য়াংসুউ আসাক্কু হ্লুঃউরোরা য়াংসুউ কুঃদৈং চিই প্যলিইচা। দিঃ পুয়েং প্যাংরো থাওরা ফোরা প্রালিরিচাগা, হ্রিইগা য়াংসুউ সিখেং পারমি হিকরি কিজু লুঃউরোমা হ্রিইগা আপ্রই ডেংগো মিপিইলি, য়িগিলি য়াংসুউ আপ্রই স্যাং মুহু। 26য়াংসুউ যে আপ্রই স্যাং মুহুক, আগু য়াংসুউ আপ্রই স্যাং মিহিকলিচাগু তাং প্রারিচাগা, য়াংসুউ কুঃদৈং আপ্রই স্যাং মুহুক অর খ্যাংসুমুছু যীশু আঃপমা ক্যুংরিছুগি, য়াংসুউগোলি যীশুচা আপ্রইস্যাং মুহুকছুরো লাক খেংফু।
27দিঃচা প্রব্রিনক লুঃউরোমা অর ভরি প্রাফুচা যা হিকরিলি? তুখুউলি মিহিকব্যা। প্রফুছুগি যাফু মিহিকলি? লুঃউরো থুংজৈংগো সুংরি কিজু, ভরি প্যাংফু মিহিক লঃ? য়াংচা মুহু। আম্হেং চাঃগা ফ্রতিগা, আক্যুং আঃরামা ভরি প্যাংফু মিহিক। 28আক্রংগা ঙারো সিকরি, থাওরা ফোরা লুঃউরোগু, য়াংসুউরো আক্যুং কিজুরা আপ্রই স্যাং মুহুছুরো লাক খেংচা, থুংজৈং সুংরি কিজু মুহু। 29য়জংছুগি প্রখ্যাংরিগা থাওরা ফোরাচা যিহুদীরো কিজুব্যা, অযিহুদী লুঃউরো কিজু মুহু? হকতি, য়াংসুউ আম্হেংচাংজ যিহুদীমুহু লুঃউরো কিজুলিসক, 30আক্রংগা থাওরা ফোরা তয়কব্যা। য়াংসুউ যা পুয়েং যিহুদীরোগু আক্যুংগা নিংরো আপ্রই স্যাং মুহুছুরো লাক খেংরিলি, য়াং পুয়েং যিহুদীমুহু লুঃউরোগুলি লাক খেংফু। 31য়জংছুগি দিঃ আক্যুং কিজু ঙারো থুংজৈংগো পিবলৈফুব্যা? তাখালি মুহু, অরবাং থুংজৈংমা চাঃগারো ম্হেংরিচাগো ঙারো তাং প্রারি।
Currently Selected:
রোমীয় 3: BBSRMZ
Highlight
Share
Compare
Copy
Want to have your highlights saved across all your devices? Sign up or sign in
