প্রেরিত 20
20
ম্যাসিডোনিয়ানা আখায়া প্রিনিমা
1ক্যক্যরুচ্ছা তেংরি নক পৌলচা তিবিরোগু খঃফু রুওয়েলৈতি। য়াংসুউরোগু চিইআঃ তাংব্রিনক, য়াংসুউরোগা লাঃফুব্যা ছুরো ম্যাসিডোনিয়াদুঃ লাঃল্লিরি। 2-3ম্যাসিডোনিয়াগা নিংরো লাঃখা য়াংসুউ আম্যা লুঃউরোগু জে জে প্ররো লুঃউরোগু চিইআঃ তাংপিইলিরি। নক্কা য়াংসুউ গ্রীস প্রফুছুগি আখায়া প্রিনিমা লাঃরো, য়াংদেমা সুংলা নিংলিরি। য়াংনক য়াংসুউ সাংফমা তাকরো সিরিয়া প্রিদুঃ লাঃফু হ্রিঃগা সিলিরিচাগা, যিহূদীরো য়াংসুউগো ছেংগ্যাংফাক লুক্কেতি। য়াংখা য়াংসুউ প্রেংরো ম্যাসিডোনিয়াগা নিংরো লাঃফু ওয়ে খ্যালিরি। 4বিরয়াগা পুরহেমা সাঃ সোপাত্র, থিষলনীকীগা আরিষ্টার্খনা সিকুন্দুঃ, দর্বীগা গাঈয়, তীমথিয়না তুদিয়া কাবাগ্রিগা তুখিকনা ত্রফিমচা পৌল নক্কা লাঃগেলিরি। 5দিঃ লুঃউরোচা হ্রিঃগা লাঃরো ঙারো কিজু ত্রোয়া ম্রুমা চংগেলিরি। 6সুদা মিথিব্রি ভংমুং লুকতি ফুংখিং রুওয়েংব্রিনক ঙারোচা রিই লেংগা ফিলিপীগা লাঃগেলিরি অর ঙা রাক নক ত্রোয়ামা থুউসুরোনা পংগেলিরি। ত্রোয়ামা ঙারো খঃনৈরাক হিকগেলিইরি।
উতুখগো আঃসাক পিইলিরি।
7খাঃলি পাথামা রাকনি আস্যাং আতুওয়ক আঃচাগো চাঃফু কিজু ঙারো তেরেতৈংমা চুক্কেলিরি। য়াংখা পৌলচা লুঃউরোবামা তাঃরা হঃ প্রালিইরি। মুলাংগি লাঃফুব্যালু য়াংসুউ ঞিয়ি সুয়েংখং তৈংঅং তাঃরা হঃলু নিংলিরি। 8ঙারো আথাক খেংমা যা ঈংমা পং ক্যাগেলিরি, য়াংদেমা আম্যাগ্রি ছিঃমিং হিরিলি। 9উতুখ নাঃমিনা আপ্যি তয়ক য়াং ঈং জানালা আথাকমা থৈংরো হিকলিরি। পৌল কংগং ঞিয়ি নাকঅং চাঃগা প্ররিলু, য়াংসুউচা এঃসে এঃসে প্যাংরো ওয়িমঃপারি। ওয়িমঃপাব্রিনক য়াংসুউ ঈং সুংছাং আম্রাংগা ক্যাখারি অর য়াংসুউগো সিকরোরা কক তাংগেরিব্যা। 10য়াংখা পৌল অকতু সাকখারি। অর থুউ আপ্যিগো রাংফেকদুঃ ঙাং ফাকরো প্রলিরি, “নাংরো মক্রক্কেকি, দিঃ লুঃউ হ্রাং হিকরিসি।” 11য়াংনক পৌল প্রেংরো ঈং আথাক অরতু তাকরো আস্যাং আতুওয়ক আঃচাগো চাঃলিরি। অর মুলাংখিং তৈংঅং তাঃরা হঃ প্রাব্রিনক য়াংসুউ লাঃখারিব্যা। 12লুঃউরোচা থুউ আপ্যিগো আহ্রাং ফ্ররো ঈংদুঃ য়ুউ লাখাগেতি অর কংগং চিইফ্য রাঃলিরি।
ঈফিসগা পৌল লাঃখ্রাং
13ঙারো হ্রিইগা লাঃরো, সাংফমা তাকরো আঃস সাংফছুয়িদুঃ লাঃগেলিরি। য়াংচাগা পৌলগো তাং য়ুফু চাঃগা হিকলিরি। য়াংসুউগো তাং য়ুফুচা, য়াংসুউ ঙারোগু প্রলিরি আক্রংগা য়াংসুউ সুওয়ারো য়াংদুঃ লাঃফু ক্রিলিরি। 14আঃসমা ঙারোনা আতুয়ি রাব্রিরিনক, ঙারো য়াংসুউগো সাংফমা তাং য়ুগেলিরি অর মিতুলিনিদুঃ লাঃগেলিরি। 15মুলাংনক রাকমা ঙারো য়াংচাগা লাঃরো খীয় রিঃতংবামা রক্কেলিরি। য়াং মুলাংনক রাকমা ঙারো ম্রকু কুঃরো সামঃ রিইতংদুঃ লাঃগেলিরি। অর তারাকখারো ঙারো মিলিত সাংফছুয়িমা রক্কেলিরি। 16তুদিয়া কাবাগ্রিমা পৌলচা মাক্রারাঅং য়াংচা কিজু পৌলচা আস্যা খ্যালিরি, য়াংসুউ ঈফিসমা মাতেংব্রি, নেংগা লাঃফুব্যা। যিরুশালেংদুঃ রকফু কিজু য়াংসুউ আয়াংব্রি প্যাংলিরি, য়াংসুউ তুওয়কলিরিচাগা, রাক ঙাছি সাদাংরাকমা যিরুশালেংমা রকনৈংফুলঃ।
17পৌলচা মিলিতগা ঈফিসদুঃ লুঃউ রুওয়েরো, য়াংদে ক্যংমা গংখ্যুকরোগু খঃফু রুওয়েলৈতি। 18য়াংসুউরো য়াংদে রকপ্রিনক পৌল য়াংসুউরোগু প্রলিরি, “তুদিয়া কাবাগ্রি প্রিনিমা লাঃরি পাথামা রাক কাবাং, খ্যাংখামুছু কুবাংরোনা ঙা যা পুয়েং নিংলিরিলি, য়াংচা কুবাংরো সিরি। 19যিহূদীরো জে জে ছেংগ্যাংফাক লুকরো ঙা কংগং চেংফুচামা ক্যালিরি, য়িগিলি ঙা কংগং সিখেংরো ম্যাকরিনা আস্যাং ক্যুয়েং ফ্ররো, য়াংসুউগো রুসিলিরি। 20কুবাংরোমা থকমাফু য়জংজে চাঃগারোগু ঙা কুবাংরোগু মপ্রব্রি তিতি মিনিংলি, প্রফুছুিগি প্রাংগা আব্রিচি প্যাংরো অর কুবাংরো ঈংদৈং ঈংদৈংমা লাঃরো সুয়েংসাং পিইলিরি অর তাঃরা হঃ প্রালিইরি। 21যিহূদীরোনা গ্রীকরোবামা ঙা কংগং আঃপ্রুরো প্রলিরিচাগা, আপ্রইকা চিঃ প্রেংরো, থাওরা ফুরাগু রুসিরাফু। অর ঙারো আস্যাং যীশু আঃপমা ক্যুংগেরাফু।”
22“ঙা আগু সেংস্যাংস ওয়িঞেং প্ররোরা যিরুশালেংদুঃ লাঃচা। য়াংদেমা ঙা আঃপমা যা ফ্রফুলি, য়াংচাগো ঙা মিসি। 23ঙা দিঃচাগোরা সিরিব্যা। সেংস্যাংস ওয়িঞেংচা তম্রুকক্যুয়েংমা ঙাগো প্রলিরি, ঙাচা থং ক্যারাফু অর দুঃখাওয়া রারাফু। 24ছুগি ঙাবামা ঙা অাসাকচা আঃফু মিহি। ঙামা তুখু চিঃ তুওয়কচাগা, ঙা আছুং রকঅং ব্রিনৈঅং। প্রফুছুগি আস্যাং যীশু ঙাগো যা অালুক লুকফু তাওয়েং পিরিলি, ঙা য়াংচাগো তুংনৈঅং। য়াং অালুকচা ফ্রত্তি, থাওরা ফুরা ঈঃ আখ্যসানা আকং সাদাং আক্রংলিলাগো য়ুউরো সাকসি পিফুচা।”
25“ঙা আগু সিকচাগা, কুবাংরো যাসুবামা লাঃরো, থাওরা ফুরা ঈঃ নেংঙেংদ আক্রংলিলাগো হঃ প্রালিইরি, য়াংসুউরো তয়কলি অর ঙাগো মাম্রাংমুব্যা। 26য়াংচা কিজু ঙা কুবাংরোগু গানি আব্রিচি প্রচাগা, লুঃউমা ফিইডেং কিজু, ঙাগো আপ্রই মাতাংগি। 27আক্রংগা থাওরা ফুরা যা লুকরিলি, য়াংচা ঙা কুবাংরোগু প্রফু কিজু তাখালি, নকতু মুছুলি। 28কুবাংরো কুঃগো য়ুউরো সিদিনা নিংগে। অর সেংস্যাংস ওয়িঞেংচা ক্যুংসারো আফুয়ি আঃপমা তাওয়েংস্যাং ছুরো, কুবাংরোগু যা পিইলিরি, য়াংসুউরো কিজুলি সিদিনা নিংগে। ছুয়িক্যংসা যা পুয়েং, সাংফ ছুয়ি রুয়িগো ক্রি থারিলি, য়াং পুয়েং কুবাংরোলি ক্যংসা পুয়েং থাওরা ফুরা ঈঃ ক্যং লুঃউরোগু ক্রি থাগেলি। থাওরা ফুরাচা য়াং ক্যংসারোগু কুঃ সুয়ি পিরো ওয়িলিরি।” 29ঙা সিকরিচাগা, ঙা মিহকিরি নক লুঃউরোচা পুও ব্যাক ক্যুওগ্রুকঞ্যং কুবাংরোদুঃ লাঃমি অর ছুয়ি আরুয়িগো ফ্যাকমি। 30প্রফুছুগি, কুবাংরোমা কুঃদৈং আতুওয়ংগা লুঃউরোচা থাওরা ফুরা ঈঃ আম্হেংগো আলিং প্যাংফুকিজু ক্রেংগেমি, যাফুলিছুগি ক্যুংসারোগু কুঃরো ব্যাকদুঃ ঙাংনৈরি। 31য়াংচা কিজু কুবাংরো সিদিনা নিংগে। ম্হেরো থাঃগে, সুংনঅ তৈংঅং ঞিনা রাকনা ম্যাকরিনা ঙা কুবাংরো তয়ক মক্যুয়েংগু সিদি পিইলিরি, তাখালি তিতি মিনিলি।
32“থাওরা ফুরানা য়াংসুউ তাঃরামাদমা ঙা কুবাংরোগু লাক রুওয়েতিব্যা। থাওরা ফুরা ঈঃ তাঃরামা আখ্য আক্রংলিলাগো প্ররি, অর কুবাংরোগু তুতাংফু ক্ষেমতাচা য়াং তাঃরাদমা হিরি। দিঃচাগো আপি য়াংসুউ কুঃ লুঃউরো কিজু যা থাঃলিরি, য়াং তাঃরাচা কুবাংরোগু য়াংচালি পিনৈফু। 33রুয়ি, মুয়িং অর আওয়ে আচা তয়কচাগোলি ঙা লঃভা মেতেলি। 34কুবাংরোগা কুঃদৈং সিরি, ঙা দিঃ আলাক নৈফাকচা ঙানা ঙা মিছুয়িরো আলুং মল্হকচাগো লকচিলিরি। 35ঙা যা লুকরিলি, য়াংচা কুবাংরোগু প্রালিইরি, দিঃ পুয়েং কংগং ক্রুজালো, চিই ঞেরি লুঃউগো আকুঞিং পিরাফু। অর আস্যাং যীশু দিঃ চাঃগাগো ঙারো ম্হে থাঃরাফু, ‘রাখ্রাংথাকপাং পিচামারা আম্যা ছুউক হিকরি।’”
36দিঃ চাঃগা প্রব্রিনক পৌলচা আলুংসুউনা পছতুক তুকরো ছুউক তংগেলিরি। 37নক্কা ক্যংসা গংখ্যুওকরো আলুংসুউ পৌল ফাকরো নেংগেলিরি অর ঙুগেলিরি। 38পৌল ম্যাকন্হাগো অর মাম্রাংরামুব্যা। প্রফুছুগি দিঃ আক্রং কিজু য়াংসুউরো কংগং দুঃখাওয়া রাগেরি। য়াং নক য়াংসুউরো পৌল নক্কা নক্কা সাংফ রকঅং লাঃগেলিরি।
Currently Selected:
প্রেরিত 20: BBSRMZ
Highlight
Share
Compare
Copy
Want to have your highlights saved across all your devices? Sign up or sign in
